更正,好人一生平安
樓主又柒咗,copy留咗成part
她指著阿朗問道。
「唔係吖,家姐,今日係陸運會,我唔小心整親隻腳,喺醫療室唞咗好耐,所以先搞到咁遲返。」Cherry解釋道。
「好,咁佢係邊個?」她繼續指着阿朗說。
「佢…… 佢係……」Cherry支支吾吾,試圖解釋道。
「家姐,你好吖,我係阿朗,係佢嘅男朋友。」阿朗報以微笑答道。
「噢,咁快就有男朋友。不過都估到,見你哋咁親密。」她捂著小嘴,莞爾一笑說道。
這笑容,甜蜜密的,仿佛充滿著花香,吸引了眾多雄性蜜蜂,阿朗也不在話下,她的笑,恰如一朵花漂浮在他的腦海裏,
她續道:「唔阻你哋二人世界喇,我自己返上去先,拜拜。」
然後,她轉身準備離去。
「拜拜。」阿朗揮起手來。
突然,她又轉過身來,伸出她的手說:
「呀係,差啲唔記得咗介紹自己,我叫宋婉喬,係宋語喬嘅家姐,平時叫我阿婉就得。Btw 阿朗,多多指教。」
「多多指教。」
兩人握手言歡,暢談幾句後,阿婉便獨自回家去了,公園裡,只留下Cherry和阿朗兩人。
阿朗有意無意地說道:
「其實你家姐都幾Nice吖。」
「你真係咁認為?」
「吓,唔係咩?」
「其實佢啱啱係嬲緊,你唔好俾佢嗰樣呃到。」
這刻,阿朗皺了皺眉,雙眼只是疑惑的眼神,他十分不解,心裡充斥著無數的疑問,於是他開口問道:
「你點睇得出?」
「不如我哋去嗰張凳度坐低好唔好,咁樣企着有啲攰。」拐著腳的Cherry說道。
「好好好。」
於是,兩人坐在公園的長凳上,說起關於她姊姊阿婉的事情。
「其實家姐啱啱係好嬲,佢啲用詞、表情都好有攻擊性。」
「係咩,唔係好覺喎,會唔會係你諗多咗咋。」
「我係佢細妹,日對夜對,我仲清楚過你,我點會唔知佢嘅性格,佢『噢』嗰下,就應該代表佢已經好嬲。」
「咁佢嬲啲咩?」
「嬲我咁遲返屋企,同埋 ……」
「同埋啲咩?」
「同埋我同你拍拖。」
話音剛落,無意間掀起了一陣涼風,地上厚厚一疊的葉子,隨風捲起,形成了一個小小的龍捲風,她那柔順的髮絲,也隨風飄逸起來。
舒服寫意的涼風,即使不睜眼觀看,也能知曉這涼意,想像睜開雙眼後,你那可愛的臉龐。
她說,風有點大,要回家了。
他說,明日見。
她回覆道,明日應會請假,休息一下。
他續道,今天的你,要好好休息,辛苦了。
一開始,風,只是一團微不足道的虛影而已。
卻有無形的力量,再次把風喚起。
風,起了。
葉,緩緩飄落。
未完待續…