【重甜】好人難做，咁不如做個賤男 (2)

Ching上莊？

是

推埋山區巴

tui

推

互推

聽日會出多少少

衝啊

又追完了 留個名先～

返緊去了
一陣出文

在線上

各位深夜好，好人一生平安
篇文之前唔記得上番個標題，所以前面個一小Part係一樣



三十一。變

就這樣，凱晴與阿朗捨棄姊弟的身份，成為情侶了。

沒錯，他們突破了道德的界線。

沒錯，阿朗一腳踏兩船了。

他們確立彼此的關係後，便一起下樓，光顧了那一間新開張的上海舖，這一次他們不再是「彷如」情侶般的牽起手來，而是光明正大的以情侶之名，牽著彼此的手。

吃過飯後，他們走在熙來攘往的商場內，人來人往，然而，凱晴便提出在附近的公園散步，以幫助消化。

凱晴指著商場外不遠處的公園說：

「不如行吓嗰個公園 ? 」

「可以吖，我哋都好耐冇一齊再行！」

「我諗都有七八年喇，嗰陣你仲係小學，個樣比而家更加似傻仔，成日都有親戚話你係咪要拎白卡，但其實你嗰陣都幾可愛吖！」

說著說著，凱晴停止了眨眼，雙目專注地凝視著一點，嘴角微微翹起，似失神，又似陶醉，靈魂就好像被過去的回憶拉走了，思緒沉醉在過往的美好。

「仲有⋯⋯爹哋媽咪佢哋仲在生。」

霎時間，充斥著人們喧鬧聲的空間裏，仿佛變得寧靜起來，鴉雀無聲。

阿朗見狀，拍拍凱晴的肩膀，安撫著她說：「家姐，唔好諗喇，我哋行出去啦！」

凱晴聳聳肩，別過臉來：「家姐？你仲叫我家姐？」

阿朗連忙解釋道：

「唔係唔係，唔覺意叫錯咗啫，畢竟叫咗咁多年，一時改唔到口。」

「又唔見我咁？」

「咁點同呢，家姐你咁叻，唔係，凱晴。」

凱晴微微側了頭，目光似狡猾的看著阿朗：「嗯？你講多次？你玩緊我？」

「吓？不如我哋開門出去啦！」

語末，阿朗裝傻扮樣的打開玻璃門，並拉著凱晴走出商場。

凱晴一邊被他拉著，一邊說道：

「喂！唔好炸傻扮懵吖！」

「係喇，如果叫你阿晴得唔得？」

「唔得，叫番凱晴！」

「凱⋯凱晴⋯⋯」

凱晴聽到後，臉上瞬間露出滿意的微笑。

阿朗和凱晴走在公園的石路上，一棵棵大樹恰似整齊的士兵站立在石路旁，如同看待皇室般的祝賀著他們。

寒風颯颯，「沙沙沙」樹葉相互拍打著，然後再一陣風吹過，一片細小似綠又似黃的樹葉，隨著風，蝴蝶似的，在半空中上下翻飛，最終緩緩的掉到凱晴的頭上。

「你個頭有塊樹葉吖！」阿朗本是想把樹葉掃走。

突然間，凱晴雙眼發亮，如看到寶物似的，衝了上前，頭上的樹葉恰如小船，慢慢的飄到石路上。

她反過來拉著阿朗跑，臉上滿是興奮的叫喊著：

「你記唔記呢個鞦韆吖？以前我哋成日過嚟玩！」

「喂，你唔好跑咁快啦，我跟唔切吖！」

「唔係呢，你睇吓真係仲未拆㗎，仲有吖，雖然個公園好似殘咗啲，但啲設施都冇咩變過咁，同以前真係一模一樣！」

「係喇係喇⋯⋯」阿朗喘著氣回答說。

「渣㗎，你跑嗰少少就喘曬氣，你嚟緊點玩陸運會吖？」凱晴無情的嘲笑著阿朗。

阿朗氣來氣喘問道：

「吓⋯吓⋯你點知的⋯」

「你之前抬頭擺嗰張報名紙呢，咁啱俾我睇到，你仲要報田徑添！」

「吓⋯吓⋯無計要計分吖⋯⋯吓⋯⋯一定要參加⋯⋯」

「唉，你坐低唞唞先啦！」

阿朗坐在鞦韆前的長凳休息，期間雙眼觀望著那鮮紅耀眼的鞦韆，它外表新穎亮麗，彷彿不受時間的無情洗禮，在褪去綠意的森林，獨樹一格。

「估唔到個鞦韆仲係咁新淨，好似冇變過咁，同周圍好唔同，冇變過嘅嘢真係好，如果而後都好似而家咁，永遠都唔變，咁樣就好。」阿朗環顧四周說道。

凱晴不知不覺間也坐到鞦韆上，像個孩子般的一邊前後搖玩著，一邊說道：

「係有人重新油過啲油上去啫，本質上佢都係已經變咗。」

「係咩⋯但咁樣都幾好。」

「其實唔好㗎，或者佢殘舊嗰樣真係核突，你會話咁樣已經係因時間而改變，但其實佢殘舊嘅樣先至係最真，你油番啲油上去，只不過係掩蓋改變咗嘅事實，咁樣只係掩飾。」

「咁你覺得我有冇變到？」

「有！」

然後，凱晴仰起頭來，遙望夜空，月色明媚，她的目光對上月光，若有所思的說道：「人會變，月會圓，好多嘢都會改變！」

阿朗自信滿滿的回答：「放心，我哋唔會變！」

「真係咩？」凱晴雙腳踩地，搖動中的鞦韆瞬間停了下來，她轉望阿朗，剎那間，他們的眼神對上了。

在情場打滾多年的凱晴，擁有豐富經驗的她，對這番話可說是耳熟能詳。

有多少人口出狂言，說出這番美妙動人的說話？

又有多少入世未深的人，被這番不切實際的「謊言」欺騙？

「緊係啦！」接著，阿朗的頭微側起來，說：

「咦，唔係喎，我同你嘅稱呼已經變咗，但呢個改變都唔係差吖，反而係好添」

「係吖！傻仔朗！」

「得喇得喇！」

然後，他們又再打鬧起來。

一陣強風吹過。

凱晴「乞嗤」一聲，打破了兩人的歡樂氣氛。

阿朗見狀，便說道：

「入夜凍咗好多，不如返上屋企啦！」

「都好，聽日你仲有陸運會，如果你再吹多兩吹，驚你聽日唔使返去！」

「咁要吹多兩吹喇！」

「咁要上番去先喇，你病咗咪冇得睇你聽日跑死個樣！」

「好殘忍，睇住自己男朋友死！」

「番上啦，唔好講咁多！」

「唔好吖⋯⋯」

接下來，阿朗心有不甘的被凱晴拉回家。

可是，在公園旁，阿朗就讀的學校的那個空曠無人的操場上，仍然有一把連綿起伏女性的喘息聲。

「吓吓吓吓⋯⋯要再跑快啲⋯⋯仲未跑得夠快⋯⋯⋯」

那名女聲自言自語起來。




未完待續…

嚟緊嘅星期五有機會出文
但係要睇吓啲工作量趕唔趕得切

各位晚安先，聽日再覆番大家嘅推同留言

係咪cherry 練緊跑

啦啦隊進場

樓主

推推