[歐美MMORPG]New World討論區之終於等到封測

我都有留意果隻驚進度, 但如無意外等到open beta可能要再多幾年
到時都已經唔知咩世界啦

依隻個介面又幾簡潔

冇咁眼花
同埋我鐘意佢個無鎖定戰鬥系統, 開發者仿照dark soul做出來
所以同 ashes of creation 有d唔同

但見佢都多內容 不過係唔知幾時會出
玩住new world等

啱呀清

beta會del 諗諗先

有興趣一同玩既人可以入來discord交流吓
https://discord.gg/tryU2ZZ9

玩住等

突然間諗起8月31正式出game嗰幾日都冇得玩住, 要遲幾日先開始, 可能追唔番到進度了 shit

要追其實唔難mmo係長期戰爭

3種好似屈得濟

唔洗驚啦, 已經改咗做2種

試下無妨

https://www.cloudping.info
可以用呢個link 試 ping，好似sydney o係現有server裡面都係最快。

你要用返佢game入面果個先準架
上次preveiw 其本上最快係US WEST

今次CBT server list

steam預購左就可以封測?
洗唔洗抽?

預購左就唔需要抽

角色創作: 可以選擇性別,樣貌,膚色,髮型,鬍鬚




上圖為preview版本, 新版張會有更多選擇。

生活篇: 釣魚
https://youtu.be/Kvw1mL8IXCI

挖鑛, 採集, 伐木, 打獵
https://youtu.be/tONL8IhyrNQ
新世界既休閒生活其實都好簡單

各位巴打如果想一齊玩嘅可以入嚟傾吓計吹吓水https://discord.gg/9xsxYhCUA5

其實我幾鐘意魔獸果種1+1生活技能組合

居住點 房屋 領地篇:

居住點 就係玩家們聚集、製作物品、交易、居住、城市活動、接派系任務等等既地方，死咗都係這裡重生，冇錯，呢個遊戲有房可以起


居住點就係包含在領地之內，還有一個就係之前冇紹到既"堡壘"，居住點就是上述講既地方，而堡壘則係扮演住攻城戰既舞台，打架就係果邊。
獲得既方法有兩種，第一就係攻城戰，第二，如果該領地無所屬，就跑去堡壘繳錢，果邊就係你架啦。


建立公會既果個人係new world裡面叫做總督(Governor)，當一個領地被一個公會佔領既時候，總督就係果塊地既管理人。
咁總督要做d乜? 總督負責保護該公會旗下既領地，透過城市建設計劃來升級並維持你既領地，並且向該公會所屬派系繳交費用，總督能夠調整稅收，旅行者和居民在製作物品、交易、住房時就會抽稅上繳，就類似房屋稅和關稅等等，也能讓玩家既房子透過特殊升級來滿意該玩家既喜好。


再來就係所謂既副會長，係new world稱為領事、執政官(Consul)，一個公會裡，執政官要幾個就有幾個，睇總督既心情，執政官既權限同跟總督差唔多，但係職位上總督還係最高權力者，執政官既工作就係跟總督差唔多，就係幫忙分擔總督既事務，係總督唔係到既時候代替佢做完該做既事。

係公會入面，執政官就係總督最果個人，果d真係為咗公會流血流汗既人，所以想爬到這個位就多多努力取得信任先得。

同時定居點係透過城市建設計同埋劃來升級、維持，咁乜野狀況會導致降等呢? 就係該領地沒有向該公會所屬派系上繳維持費，或者該領地玩家冇擊退腐敗者，就會降等啦。


你可以享受定居點提供既任何服務，包括房屋，你可以係任何一個領地既定居點，唔理你係咪控制該領地既公會，係咪同個派系都可以既，任何人都可以。

咁如果領地被別人攻佔咗，換咗派系或者公會轉咗管理人，定居點既居民和房屋唔會受到影響既，但稅收、升級方式、生活職業既加成，可能就會受到新總督既改變。


係MMORPG中能擁有房屋係令人興奮既事，newworld就提供咗各式房屋和提供玩家裝潢個性化，房屋係透過定居點去購買，可以很多人買同一棟房子，但你只會看到自己既房子和裝潢，除非你去造訪跟你住係同一棟房子既人。

房屋可以提供別人來參觀作客，如果你想跟你既朋友戰友係屋企打發時間，一棟房子可以容納5名訪客來作客


為咗買房子，你必須提高你既聲望值係你想住既領地裡面，透過參加該領地既日常活動、幫忙城市建設計劃、製作物品、要你去打怪打腐敗者等，來提升你係該領地既聲望，當角色等級達到20並且聲望足夠既就能解鎖房屋，你也可以擁有很多房子，只要你達到該領地既買房條件，房屋數量也未滿，你就可以一直買落去。


房子既大小、功能、外觀、結構等等都唔一樣，有d房子有花園、有門前擺飾、有前後陽台，甚至可以俯瞰整個城鎮中心，視野絕佳，有d可能只有前後門廊，每個定居點中都有各式各樣各地點既房屋可供選擇，每個房屋也具有該領地周圍環境既美學和房屋設計。
https://youtu.be/FHnyv5O9V9M

你擁有自己既房子之後，接下來就可以開始裝飾擺設，new world目前提供上百種既物品供玩家發揮創意，以後還會越來越多，基本既桌子、椅子、家具等等，到比較特殊既莊園造景、藤蔓、盆栽之類既，透過工藝建造或者係出去探險帶返來既都可以，呢個遊戲甚至有寵物系統，你可以係探險途中抓一隻順眼既生物帶返去養，順帶一提，預購豪華版有送一隻狗狗。


你一旦擁有咗房子，就必須繳房屋稅給管理該領地既公會，公會再上繳比派系，冇繳稅既話唔會導致你冇房住或被趕出去，宜係房子提供既功能、buff等等都會被消失，同埋唔可以再裝潢你既房子，直到你張稅繳完為止。


New world係一個非常廣大既大陸，所以房屋提供你傳送回家既功能，當你係遠方探險既時候，呢個功能將會對你非常之有用，除此之外，房子裡既魔法裝飾品有d還會提供buff比玩家，好似會對特定類型既怪物加傷害，或者係提升你既建造能力，但係一個房子裡面可以放既魔法裝飾品數量係有限既，唔可以所有buff都放上，所以要依照你要去邊到探險，要做乜野之類黎慎選你要放既buff。
當你擁有咗自己既房子，係你周圍既，不管係盟友、朋友、戰友、路人甲、甚至係敵人，係呢到都稱為朋友。

呢隻個生活系統都做得幾好, 好有feel 得閒釣吓魚, 玩吓狗

人物技能: 角色升級就會變強，但咁有d乜野因素呢? 角色變強既三大要素，核心屬性、貿易技能、武器精通。

核心屬性
核心屬性就係大家經常聽到既敏捷、力量之類既野，總共有五項屬性，最一開始每項屬性都已經預設咗5點，同埋唔可以少於5點，每次角色升級既時候就會比你一點升級，每項屬性既軟上限都係60點，你可以靠飾品黎突破軟上限，同時你可以重製點數黎重點，但需要花費一d遊戲幣，咁係遊戲初期，重製係免費既，比你再三考慮應該點乜野。

(所謂的軟上限就係，達到果個標準值之後，效益就會減少，即係軟上限60，就係60點既時候CP值最高，效益最大)



力量(Strength)
力量直接決定咗重型近戰武器既傷害，例如大錘，而好似劍之類較輕型既近戰武器主要都係靠力量黎增加傷害，但敏捷都會稍微增加傷害。

敏捷(Dexterity)
敏捷會影響到火槍和弓等遠程武器，同一道理，點越多遠程武器會越有力，敏捷都可以提供輕型近戰武器傷害，但冇比力量還要多。

智力(Intelligence)
智力影響到魔法、法術武器，如火杖，都會影響到有魔法附魔既武器，如火焰之劍。

專注(Focus)
專注影響到技能冷卻時間和魔力回復速度，點專注就係比你有更多既魔力來應付技能時間更短既技能。

體質(Constitution)
體質影響到你既整體生命力，體質越高，所能承受既傷害量越高。

貿易技能: 即係所謂既生活技能，提供咗非戰鬥既玩法，共有5種採集技能、5種精煉技能、7種製作技能。


採集技能
分別為採礦、伐木、採集、剝皮，釣魚，隨著該項等級越高，就可以採集到越多唔同、更高等既物品。
採礦就是挖石頭和礦石，伐木砍樹，採集是去搵纖維、蔬果、野莓之類既，剝皮就係剝動物既皮，當你既採集技能越高，還可以獲得偵測技能，可以偵測到附近有有冇高價值或特殊既物品，或者可以用黎做裝備、飾品之類既。

精煉技能
分別係冶煉、石匠、木匠、鞣製、編織，精煉技能越高，就可以將越高級既材料做成高級既裝備、物品。
冶煉將礦石變成錠，石匠將石頭精煉成塊和切割寶珠，木匠將木頭便木材，鞣製將動物皮變成皮革，編織將纖維變成布，當精煉技能越高，就可以提高資源既效率，並且可以係精煉中獲得額外既精煉獎勵。

製作技能
分別為武器匠、裝備匠、工程師、珠寶匠、煉金術士、廚師、室內設計師。
武器匠做武器，裝備匠做裝備，工程師製作遠程武器和彈藥，珠寶匠做飾品、煉金術士製作藥水、酊劑、魔法武器，廚師烹飪、室內設計師製作家具，隨著製作等級越高，可以製作越多、功能越多既野。

武器精通: 當你殺死一隻怪物既時候就會為武器獲得經驗值，邊把武器拿到經驗值取決於你當時用邊把打怪。

每一種武器都提供兩種技能樹，兩者都會提供主動技能、被動技能，武器升級之後就可以用黎點選升級你要既技能，但係唔可以將兩個技能樹都點滿，所以係點之前要考慮好你想玩邊種風格，當然你可以重製技能樹，但就係又要花費Azoth。

裝備屬性: 係探索或者打怪既時候，你有可能拿到裝備或者武器，或許你可以馬上裝備/等到你等級夠啦先再穿上，但最重要既係，呢個裝備武器好唔好，取決於幾個點，咁第一個就係裝備分數(Gear Score)。

裝備分數會直接決定你呢件裝備既強度，裝備分數越高，你既裝備防禦力就會更高，武器打既傷害就會更高，反之。

第二個就係潛能(Perks)，1個裝備最多擁有3個潛能，所以同樣一件裝備，可能會因為潛能既唔同而有唔同既使用場合，裝備分數都會影響到潛能，佢會直接影響到潛能數值既高或低，所以擁有3個潛能既裝備係最稀有既，分級表如下

無潛 : 普通(Common)
一潛 : 罕見(Uncommon)
二潛 : 稀有(Rare)
三潛 : 史詩(Epic)


潛能例子: (跟最新版本有所分別)

野獸之禍II(Bestial Bane II) : 對獸類敵人造成+10%傷害加成
瑕疵的海藍寶石(Flawed Aquamarine) : +2敏捷
燃燒I(Ignite I) : +10%火焰屬性傷害
耐久III(Durable III) : +50%耐久
最初碧玉寶珠(Pristine Jasper) : +3力量 +2體質
殘暴III(Cruel) : 對已受到異常效果的敵人+20%傷害
憤怒大地之禍III(Angry Earth Bana III) : 對大地的憤怒敵人造成+15%傷害加成

第三個就係寶石(Gem)，但你既裝備必須要有鑲嵌槽先可以使用，剛拿到既寶石要先拿去比珠寶工匠切割處理後先可以用到，鑲嵌之後唔可以移除，只可以搵另一粒黎替換，通常寶石既都係有1項或者多項既角色屬性加成，好似係敏捷、體力、力量之類。


裝備負重: 裝備武器都有所謂既重量，你穿得太重，防禦力可能會好高，但係敏捷性會變到好低，反之，大致上分成三個重量，輕、中等、重，依玩家風格黎選擇你既裝備，你想做肉盾，你想閃黎閃去，或者係依場合黎決定，重裝跟輕裝係可以混搭著穿既，所以重點係你既總重量，而唔係單件重量，防具既潛能都有增加負重效果既。


傳奇裝備: 傳奇裝備透過擊倒強大既敵人宜獲得，例如遺跡守護神，呢個部分應該就唔洗多講啦，就係數值更加好，潛能更加好既裝備，比較特殊既係佢有可能自帶寶珠。

(跟最新版本有所分別)
深淵防護III(Abyssal Ward III) : +5%虛空抗性
深淵III(Abyssal III) : +40%虛空屬性傷害
鋒利III(Keen III) : 增加25%基礎傷害

飾品和背包: 就好似其他MMORPG一樣，裝備有飾品，飾品本身或者冇乜用，唯一有用於佢既潛能，提供角色更多數值加成，而且飾品都有配一個無法更換既預設寶珠。
另外背包就係增加負重空間，可以係外面汁多d野先再返去。