係慶幸咁難過嘅日子又捱過咗半年
定係難過嘅日子仲有排捱
上回講到肉榮又講返個兄妹甜故~
飛揚就Hea鳩咁應機~
屌都經歷過一次啦...係好悶㗎...
講真兄妹情節咁刺激,飛揚唔想試咩?
到你真係有細妹就唔會對佢有衝動㗎喇~
飛揚明明就對Wing Wing好衝動啦~又唔認~
食完呃水早餐行返出嚟食返飛煙先~
飛揚仲煩緊無限輪迴地獄嘅事!
其實煩咁多做乜鳩吖~破唔到咪罷撚就囉~
「反正你乜都做唔到㗎啦~就好似明知自己“將會”戴帽...」肉榮邊扯飛煙,邊冷眼望住飛揚...
『屌...』講講吓又講咗去飛揚戴帽...
「看似Future Tense...其實係Past Continuous Tense...」肉榮扯飛煙...又望一望條馬路...
『噏乜柒吖?』扮晒有深度...有意思咁...大文豪吖?
「咪即係有啲嘢你明知嘅都改變唔到...俾你穿越時空都穿越唔到去可以改變嘅時間...即係叫你收皮吖~」肉榮扯一扯飛煙,擰晒頭~
『屌...你就收皮啦...』一啲建設性都冇...
「唉~牛皮燈籠~點極都唔明~」肉榮夾住飛煙擰擰頭。
真係唔撚明?
又唔可以話唔撚明...
但又唔覺得明咗幾多...
總係好似...有啲嘢...係改變咗...但又噏唔出改變咗啲乜...
改變...永遠都係喺不知不覺之間...
跟住嘅劇情發展又會係點呢?
準備出文