上回講到飛揚同肉榮食完煙,就走入去太興坐返上次個位~
飛揚照返晒上次輪迴咁~然後就開始討論有關飛揚無限輪迴地獄嘅事~
肉榮聽到飛揚每次都係臨射嗰一刻就輪迴,仲要唔打J唔扑嘢都會發春夢嗰吓真係笑到仆街~
屌人輪迴佢輪迴,輪迴得咁撚柒~
肉榮以睇咗咁多年故嘅經驗所得,一定係有關鍵鑰匙~
屌你而家講緊真人真事吖!你同我講甜故?!
甜故先多真人真事吖唔撚識嘢!
『嗰啲咪俾你哋啲毒撚FF叫雞都有真愛!沉啦毒撚!』PTGF真係可以變GF咩?俾咁多男人屌過...你仲想埋單吖?
「收皮啦...除咗甜故...我仲有睇好多唔同類型嘅故㗎囉好唔好?我好博學㗎...」肉榮冇飛揚咁好氣咁。
『屌啦你博學...去賣豬肉啦...』你啲咁出色嘅難忍,無論喺邊度,都好似漆黑中嘅螢火蟲一樣,咁鮮明,咁出眾。你憂鬱嘅眼神,唏噓嘅鬚根,神乎其技嘅刀法,同埋嗰杯Dry Martini,都徹底咁將你出賣咗吖?
算鳩數啦...你頂盡都係一個唏噓嘅豬肉佬咋...
「屌你啦...講真㗎...以我多年睇小說嘅經驗...不論科幻恐怖驚栗懸疑愛情動作甜故都好...必定有一條關鍵鑰匙!」肉榮又好認真咁點點頭。
『嗯嗯...咁條關鍵鑰匙係乜呢?』講咁耐都講唔到個重點出嚟...
拖撚到呢...睇開嗰啲科幻恐怖驚栗懸疑愛情動作甜故都係咁撚拖㗎?
「唔係形式...」肉榮好認真咁諗一諗,「可能係角色...」
『唔係形式...可能係...』角...色?!
跟住嘅劇情發展又會係點呢?
準備出文