(廣傳)寵物展狗隻咬死貓 事主仲要不顧而去

如果貓主所形容嘅係事實
只要嗰隻狗接觸到任何寵物 就算唔係呢隻貓 都有其他寵物會受害 呢個先係重點

如果好似真係貓主所講 個狗主人明知佢會咬其他寵物 都決定帶佢去公眾場合 又冇作出任何預防危險發生嘅措施 個狗主人根本應該付全責

1.狗係可以訓練 養到咁大個狗主人理應清楚佢嘅脾性 知道有冇攻擊性 自己控唔控制到隻狗
唔使講咩如果唔知隻狗會咁 唔知就唔好帶去公眾場合（而貓主聲稱個狗主人知道佢隻狗會咬）

2.出席寵物展呢啲公眾場合 毋庸置疑一定係有其他寵物在場 狗主人一定清楚呢點

3.入場守則係狗主人要控制到隻狗 唔理佢係有自信自己控制到定係透過其他強制/預防措施（狗繩，口罩....）
貓主所講嘅係佢控制唔到隻狗

4.就算真係有意外發生 個主人都應該要快速穩定到隻狗 如果明知控制唔到佢 明知呢個風險仲要帶佢去公眾場合？

5.隻狗點樣反應 咩性格 其實真係好睇主人
點解有人養啲鬥狗可以養到好聽話完全冇意外發生 點解有人養啲普遍好溫馴嘅狗 都養到會咬人
無話乜嘢品種就一定係點樣既行為
主人唔負責任唔教 隻狗都唔會「乖」

6.有咩事發生咗 作為主人好應該去處理而唔係逃避件事 無論最後係邊個責任都好 都係要處理佢
就算真係走得甩都唔係為咗隻狗好 因為你唔覺得隻狗有問題 佢唔改 呢啲只會重複發生
傷害到人傷害到自己 最後一定仆硬街

7.唔使講嗰啲乜嘢帶隻貓去都有責任 佢有自由出席
依據佢所說佢都係無可奈何地帶隻貓去
隻狗要攻擊第一下攻擊已經可以咬傷得好嚴重 貓主人根本避無可避 亦都阻止唔到佢咁突發嘅攻擊

要去呢啲公眾場合 要睇佢平時社會化訓練好唔好
基本上你帶佢落街放狗嘅時候都睇到
做一個負責任嘅主人其實根本唔難

啲嘢做主人唔清楚嘅唔知道嘅教唔到嘅 咁咪做到最安全囉
胸頸繩防沖帶+口罩 已經可以令到隻狗冇傷害力
佢就係唔做 個責任就喺晒佢度