十年過去 住公屋 同 買樓 到底有咩分別？

2010年買第一層樓，500呎左右，唔使400萬。
頭三年為左還錢儲多D saving，無去過旅行。
之後都係平遊東南亞。
上年終於可以一開二，同老婆自住1000零幾呎新樓，再買左個300幾呎收租同留俾個小朋友。

同年畢業同學，2010年開始租樓，排單人公屋。
頭三年，佢每年去一兩次平遊東南亞，一次歐遊，貴既平既，要享受既都享受過曬。
直到幾年後結左婚，生左個小朋友之後先無再咁去。
上年一家四口終於排到公屋，都有成400幾呎。


到而家四十歲人，忽然發現，其實買樓唔買樓，同自己係無關係，因有好多野過左個年紀唔會享受得返
最多係益左自己小朋友

又係啲現金收入工呀排緊公屋一年可以有六七皮去旅行

應該好多人咁做

住都係享受黎既,住千零呎新樓同住公屋點會無分別
加上又有被動收入

成世做樓奴vs財務自由+享盡福利

兩邊收入分別幾多先
儲到錢買千幾呎樓冇錢去旅行？

好似假左少少

大把人可以一邊供樓一邊去旅
完全影響唔到生活質素

老實講，正正常常兩公婆加埋月入12萬以上
拎3萬出黎供樓算得係咩

兩個人排公屋可以咁快咩 十年排到？ 就算中間生b 真係可以十年就上公屋？

邊有兩公婆搵total 12萬咁多
10000個都唔知有冇10個

其實真係大把
係買到樓既人入面算好普通

真,身家過億既人大把
係馬會會員入面算好普通

你咁講都有道理
所以唔好以為供樓就冇錢剩
依種諗法就同有錢佬賭輸場馬輸幾十萬
公屋仔就覺得佢會破產一樣
依個世界好大
唔係個個都係搵幾萬蚊靠父幹夾硬上車

應該話亦好多家庭都好窮，唔係政府做個個家庭入息中位數係咁低

佢初時單人排，返半年休平年玩backpack平遊
之後佢一家4口，月入應該差不多三萬中，佢都用no pay leave 控制自己人工好幾年

咁果d家庭本身都買唔起樓啦
同做唔做樓奴關係不大

返咩工可以返半年休半年
有冇諗過如果正正經經返工
可能人工差距已經夠供樓

搞咁多野為左層爛公屋
值得咩

退休後就知啦
一開二個個咪舒服d 囉
公屋個個儲錢睇公立醫生啦

頭三年我同女友（而家既太太）真係無去過
又要俾家用，又要供樓，又要儲錢。

之後四大長老走左，唔洗再俾家用，中間換樓賺左錢，同事業有起色，先開始去旅行，但去親貴地方都會肉痛

而家家庭月入9萬左右，我老婆3萬，我做生意收入6萬左右（疫情前我有10萬）

同學的話，佢排公屋時要控制家庭收入到3萬5樓下，好多時有升職加薪機會都say no，同佢老婆無做野

而家就旅行有錢都無得去

當樓主冇吹水，過千呎樓加多層三百幾，兩公婆搵12萬直情係少啦

佢係返半年直接resign，做物管。
我都唔明點解佢呢一行好似長期缺人，同唔介意佢中間有咁長時間無野做

錯了，唔關個錢字事，係你供，你無哂自由

而家家庭月入9萬左右，我老婆3萬，我做生意收入6萬左右（疫情前我有10萬）