小弟喺pasona由最基本嘅初班(G1~G8)讀到中班(A幾), 讀咗三年幾
愈讀上去就愈少同學, 啲班縮下合下可以揀嘅時間就愈嚟愈少
最後因為返工時間同返學時間夾唔到就冇再上日文班
![](https://cdn.lihkg.com/assets/faces/normal/angel.gif)
樓主想喺其他地方學一排日文, 之後再轉過嚟pasona學, 我覺得都可行嘅
因為一開頭其實都係學五十音同埋基本生字為主, 同埋啲文法都簡單容易理解, 唔一定要喺pasona俾咁多錢學
不過學五十音時一定一定要有個識日文嘅人執好發音
啲基本發音學錯咗, 講慣咗之後好難執返正
果陣日文班有個學員一齊上咗好一段時間
但係見佢經常發音都發得唔好, 先生經常提點返讀得唔好嘅地方都唔係好執得返正
如果樓主唔係要趕住考JLPT嘅話, 希望唔好諗住出面日文班進度慢
因為我見學到後面其實比較多在職人仕quit, 反而中學生果啲比較留得住
問返有個走嘅學員佢都話工作忙, 其實佢都抽唔到太多時間溫返之前課堂學嘅嘢
同埋先生有時會問返以前教過嘅嘢, 但係有時啲同學都唔太記得
所以計埋平時要溫書嘅時間, 我覺得學到後期一星期三個鐘課堂量對在職人仕唔算少
![](https://cdn.lihkg.com/assets/faces/lm2/think.gif)
去到最後我記得啲先生話個課程進度過咗N4, 大概N3頭咁上下
自己去咗報N3想試下個水平, 諗住買本N3文法書補返未教嘅文法
點知成大半本嘅文法都冇學過
死記硬背完之後去考點知本N3文法書講嘅文法都冇出咁制
唔知係咪買錯書
反而考嘅嘢係一直上堂學嘅嘢
最後都過咗N3
自己細個好鐘意睇動畫, 反而之後上堂學日文就冇睇動畫日劇咁制
純靠上堂種落嘅根基過到考試都算係咁
![](https://cdn.lihkg.com/assets/faces/pig/sowhat.gif)
如果平時睇開動畫日劇浸開日文應該會學得好好多