第八集劇情補充
今集開頭重點睇哂羅亞嘅街景 大家要好好記住啦
1. 盧迪有事前練習用水魔法假喊
2. 爺爺所講要殺嘅「皮列蒙」就係保羅嘅細佬 而「諾托斯」家族就係現在四大家族之首 所以盧迪依家嘅身份好尷尬 一來流住正家嘅血 二來仲要係原大當家個仔
3. 菲利普係唯一睇穿盧迪假喊嘅人 同時認定盧迪有玩政治鬥爭嘅才能
4. 艾麗絲會出現喺盧迪間房其實係希爾達同菲利普嘅安排 係有預謀的!
5. 菲利普其實已經問過保羅介唔介意將艾麗絲送比盧迪 將盧迪卷入權力鬥爭裡面 而保羅嘅答覆係:「一切跟從盧迪意願」
6. 希爾達到後來其實已經唔咁討厭盧迪 反而開始同情盧迪 一個咁優秀嘅細路竟然出身於保羅呢個垃圾家庭(佢自認為) 認為盧迪值得擁有更好 同時想利用盧迪搶翻家主嘅位置
7. 希露菲每日都會去保羅屋企向莉莉雅學禮儀and向塞妮絲學治癒魔術 原因係佢想努力做個襯得起盧迪烏斯嘅女人
8. 第四集保羅打暈盧迪果幕咁啱比希露菲目擊到 為咗救翻盧迪 希露菲直接對保羅用中級水魔法——冰刺 仲要係無咏唱 雖然比保羅輕鬆化解咗 但如果係一般人嘅話已經死咗 保羅對此感嘆
:「究竟我個仔教咗人哋個女啲咩⋯⋯」
9. 天上嘅魔力異常實在太誇張 世界各地都可以肉眼睇到 驚動到各地嘅大人物 動畫介紹得幾詳細 唔洗多講了吧 原作仲有講位於劍之聖地嘅劍神都睇到
10. 同赤龍對峙果個銀髮男人就係final boss 目前只可以講咁多
11. 基列奴右眼係魔力眼 顧名思義就係睇得到魔力嘅眼 用眼罩嘅原因同卡卡西一樣 要用先揭開眼罩 用途:可以當佢係COD裡面嘅熱能瞄準器 揾生物同含有魔力嘅物品 用來偵測一流
12. 「光輝的阿道曼菲」係甲龍王召喚出來嘅十二精靈之一 特點係可以好似光咁行動 每一個精靈都有王級嘅戰鬥力 所以可以同劍王基列奴打得有來有回 另外仲有十一精靈就唔一一介紹 反正知道都記唔住
12. 今次係8集以來第一次上演王級劍士間嘅戰鬥 就算盧迪作為聖級法師都無法插手 可見「劍士」係幾咁尾機
13. 基列奴手上果把其實係魔劍 全世界同等級嘅劍得48把 而劍神手上有其中幾把 成為劍王嘅人會獲劍神賜劍 以證明身份 所以基列奴先會用劍去證明自己身份