第九集劇情補充 無劇透安心享用
1. 自稱為「人神(hito kame )」果位神個特徵就係你冇辦法睇清楚佢個樣 每次想仔細睇清楚啲都會好似打咗格仔咁
就算真係望到佢個樣 一轉頭就會唔記得咗
2. 原作盧迪同人神嘅對話過程中 仲有段咁嘅對話
「關鍵時刻突然出現並且施與援手嘅人 一係就幕後黑手 一係就係RPG嘅終極大魔王 邊一邊都唔係好人」
然後拒絕人神嘅幫助
可能想慳時間所以剪咗呢段對話
3. 人神提及過「邪惡的龍神」呢個涉及世界嘅背景故事
相傳:古代有分七個世界 分別係:
人界
龍界
獸界
海界
天界
魔界
無界
每個世界有各自嘅神 人界的神就叫「人神」如此類推
原本各界互相獨立 各不干涉 只有神之間知道彼此存在 但係有一日 「邪惡的龍神」帶領「五龍將」打破結界 破壞其他世界
最終 「五龍將」背叛龍神 將龍神打敗
大戰後 各個世界都崩壞哂咁濟
唯一僅存落來嘅就係「人界」所以倖存落來嘅種族都移居人界
3. 盧迪依家身處嘅位置距離羅亞極遠 用現實來比喻就好似你突然由香港轉移到非洲 然後你只可以用腳行翻屋企
4. 原作中 艾麗絲瞓醒見到瑞傑路德嘅時候嚇到真係瀨尿
5. 關於斯佩路德族 有段好長嘅故事 我會開多層來講
6. 關於魔大陸 原作指 當地因為經常有魔力沉澱 所以幾乎寸草不生 而且經常出現大型魔物 對大部分種族來講都係危險之地
7. 盧迪用外套將魔杖前面嘅魔石包住 原因係呢舊魔石一睇就知好值錢 比人見到一個細路仔拎住咁值錢嘅嘢實會比人搶 所以決定要遮住佢 免生危險
8. 洛琪希嘅村落平時好安靜 因為個個都用心靈感應來對話 但係洛琪希天生用唔到心靈感應 大個覺得自己融入唔到村落 決定離家出走 做冒險者
9. 離開村落前 洛琪希父母送咗把短彎刀同一啲錢比盧迪佢哋旁身 據洛琪希父母所講 呢把刀明明冇乜保養過 但用咗幾十年都仲咁鋒利冇生銹
10. 最後一幕盧迪手上果堆「廢鐵」其實就係洛琪希父母送嘅錢
11. 聽到洛琪希同自己同年(前世34+盧迪10歲)的盧迪十分興奮
就係咁多先 聽日打翻斯佩路德族嘅故仔