[1月高質異世界番] 〈已整合〉〔集中動畫討論po〕無職轉生～到了異世界就拿出真本事～〈6〉

lm等下集

小說討論請去隔離po

『劇透』《無職轉生》集中小說/漫畫討論 (4)
https://lih.kg/2410314


post 1：
[1月高質異世界番] 無職轉生～到了異世界就拿出真本事～
https://lih.kg/2357957

post 2：
[1月高質異世界番] 〔集中動畫討論po〕無職轉生～到了異世界就拿出真本事～〈2〉
https://lih.kg/2371339

post 3：
[1月高質異世界番] 〔集中動畫討論po〕無職轉生～到了異世界就拿出真本事～〈3〉
https://lih.kg/2383182

post 4 :
[1月高質異世界番] 〔集中動畫討論po〕無職轉生～到了異世界就拿出真本事～〈4〉
https://lih.kg/2398991

post 5：
[1月高質異世界番] 〔集中動畫討論po〕無職轉生～到了異世界就拿出真本事～〈5〉
https://lih.kg/2408668

世界觀設定資料補充 由Suraci 巴提供

魔術
等級依序分為初級、中級、上級、聖級、王級、帝級、神級。種類包含攻擊魔術、治癒魔術、召喚魔術。
攻擊魔術到了一定的程度，可以擁有○聖級魔術師，或○帝級魔術師等頭銜。

例: 洛淇希初登場時，已水聖級魔術師身份作為家庭教師

劍術
這個世界中，主流的劍術流派有三個。等級分為七級；初級、中級、上級、聖級、王級、帝級、神級。
而流派頂點宗師的通稱則是在各流派的名字後面加上神。

故事世界中，因為魔法師大多數需要詠唱，近戰必死，所以魔法師不被劍士重視，在隊伍中只作為輔助各角為主。

動畫黨的福利
第三集小小劇情補充 無劇透安心食用

1. 盧迪一直有同保羅練劍術 中間學左一套劍術步法 所以班𡃁仔不停向盧迪扔泥都比盧迪避開哂

2. 盧迪阻止班𡃁仔欺凌希露菲果時唔係扔水魔法「水球」而係水同土嘅混合魔法「泥巴」 呢度動畫有小改

3. 希露菲當時唔係無啦啦出街 而係要送便當比翻緊工嘅老豆 希露菲冇反抗冇跑走唔單止因為驚 仲因為想保護好比老豆嘅便當
不過動畫改左呢度

4. 承上點 盧迪護送希露菲送便當後先一齊去玩 同希露菲老豆有一段對話 大致內容係想盧迪可以好好同希露菲相處 透露出大人冇辦法阻止其他細路對希露菲嘅欺凌 同埋傾下關於保羅嘅事

5. 盧迪認知異世界嘅女仔都係著裙+長髮
但因為希露菲父母知道自己個女出門會比人蝦
所以將顯眼嘅綠髮剪短 而且準備咗方便行動嘅褲+兜帽比希露菲
所以盧迪一直以為佢係男仔

6. 保羅除左劍術 溝女技術都是一流的

7. 盧迪自從知道希露菲係女仔 就一直對希露菲講留長頭髮好靚女架 不如你留長髮啦 （盧迪長髮控確認）

8. 關於保羅教仔一段大補 應該唔會劇透到都係講埋啦 不過有啲長

劇中都有表現出保羅覺得盧迪成熟過龍（盧迪從小到大都唔喊 5歲細路接到老豆嘅咸濕對話）
仲有覺得一個5歲就已經水聖級嘅細路應該會好高傲自大至啱 但盧迪謙虛到唔問都唔知佢係水聖級 咪話細路仔 連大人都未必做到

但保羅做老豆之後一直都想向盧迪表現自己嘅可靠 威嚴 做「優秀」的老豆 奈何喺盧迪面前真係冇辦法

直到今次聽到盧迪同其他細路打交 就以為機會來了 想趁機展現「父親的權威」
最後當然炒哂車

保羅炒車之後諗翻起自己細個嘅時候都有類似嘅經驗 先發現自己做咗「討厭」的老豆 自始提醒自己唔可以重複犯錯 最後低頭向盧迪道歉


再講父子吵架現場

其實盧迪可以講得再絕啲 直到保羅向自己道歉後 就突然記起中午同希露菲老豆嘅對話 得知保羅其實只係想攞翻「做老豆嘅自信」 所以好識做咁比下台階保羅
同保羅講「如果下次覺得我做錯請毫不留情咁鬧我啦」然後父子和好


最後希望咁多位小說黨大佬討論小說劇情過翻隔離po 以免影響動畫黨嘅觀看體驗

第四集動畫劇情補充 無劇透安心食用
今次信息量比上集多好多 會有啲長


1. 洛琪希動畫就咁睇好似冇詠唱就放左個魔法出來，其實洛琪希只係學識左省略詠唱，大概讀半句咒語+結尾就可以放到魔法。

2. 洛琪希燒咗果位係西隆王國嘅第七王子，動畫表現比較誇張，其實只係閃燃燒咗一下。
王子被燒後嘅講嘅嘢大概翻譯係
「你竟然夠膽攻擊本王子？！我要以傷害王族罪將你斬首！唔想死就揭起條裙比我睇！」

3. 雖然王級只係排第三高，但已經好撚勁。
要重申一次，呢個世界所有凡人可以單靠努力上到中級，有啲才能就可以去到上級，但聖級開始就只有天才先可以觸及到，王級係要天才超努力先做到，勿論帝級神級。所以王級已經極稀有。

4. 呢個世界係冇法律規定一夫一妻制，男人會娶多於一個女人係唔出奇嘅事。

5. 雖然冇法律規定一夫一妻制，但有個宗教叫「米里絲教」大家當係現實嘅基督教就得，會餐前祈禱，而且推崇一夫一妻制，認為咁先係最純潔嘅愛情。

6. 塞妮絲同莉莉雅已經相處咗7年 塞妮絲唔似一般貴族咁將「女僕」當係「工人」咁洗 而係當莉莉亞係「姊妹」咁看待 兩人感情好好

7. 家庭危機原本用左3個人視覺去寫 分別係
盧迪 莉莉雅（女僕） 同埋塞妮絲（母親）
動畫除咗剪走塞妮絲視角 對盧迪同莉莉雅嘅視角都有刪減 睇進度應該唔會補做呢段出來
陣間要開多層專門補充呢項刪太多了

8. 保羅原本想秒殺盧迪，點知盧迪竟然可以同自己過到三招，其實保羅差啲輸。

9. 盧迪同保羅打交嘅魔法分別係
「爆風」產生衝擊波做強制位移
「泥沼」水+土混合魔法 喺敵人腳底生成泥沼 暫緩敵人行動

10. 小說盧迪原本手上無劍 係中間用土魔法整把石劍喺手頂住先


仲到好多好多改動 但值得一提嘅只有以上
第七點會再補充


——————————————————————————

關於家庭危機

極度建議睇小說web第9話+番外篇
以下嘅野雖然唔算劇透，但動畫始終係冇做出來，讀一讀原作小說絕對無蝕，呢一幕絕對算係無職轉生第一個爆點。

小背景：
女僕同塞妮絲好fd
塞妮絲以前係大貴族嘅千金小姐同時係超虔誠基督徒（米里絲教），當時被稱為貴族小姐中的典範。
然後⋯⋯⋯⋯

真係真係一話都睇唔落就開四重睇啦

極度建議睇小說真係好正


————————————————————————


小小講下保羅點解食莉莉雅豬仔
兼講下保羅細個有幾咁仆街

小背景：
莉莉雅屋企開水神流道館 老豆係館長
保羅啱啱離家出走無耐去呢度學劍兼暫住

保羅學劍超快 2年間已經超越所有師兄師姐到水神流上級
館長欣賞保羅嘅才能 考慮讓館長個位+嫁個女比保羅

保羅身為前貴族 上位又快 道館好多人都眼紅佢 成日排斥保羅 重點係館長亦視而不見

直到某日保羅忍夠了 決定要報復道館 報復方式就係要搞館長個女 仲要中出即飛（呢個就係莉莉雅所講保羅嘅把柄 想用來屈保羅加人工 點知塞妮絲對自己好好 就冇呢個念頭了）

事發後 莉莉雅有恐男症 就連同一個道館由細玩到大嘅師兄 甚至連自己老豆都會驚

後來莉莉雅入皇宮做公主侍衛（全女班） 發現比保羅噁心嘅男人大有人在 喺大臣們猥瑣嘅眼神下反而迫到自己恐男症好番 同時懷念同保羅果次嘅經歷 心諗 「其實同保羅搞都唔差」


保羅賤男

第五集劇情補充無劇透安心食用

1. 開頭盧迪讀信嘅第一句係「兒子啊，當你讀到呢封信時，我已不在人世了⋯⋯⋯⋯⋯⋯⋯⋯開玩笑的。」

2. 基列奴聽到開頭蠢到以為保羅真係已經死咗 激動到跳起來。

3. 第一次坐馬車嘅盧迪同時係第一次去大巿鎮 途中發現好多新奇野 請教過基列奴後 發現呢個世界有「轉乘馬車」同「馬車站」 所以後尾先識同大小姐去揾車搭

4. 見到宅邸之後盧迪第一句說話就係講「呢個宅邸真似城堡呢」 基列奴應「因為呢度以前係要塞都巿 專門用來對付外敵」

5. 入到宅邸後第一個見嘅係艾利絲嘅爺爺，唔排除下集會見到，唔多劇透了。

6. 動畫冇講到明 但大家應該都睇得出係盧迪提議做場假綁架令大小姐聽教聽話 所以盧迪前面咁老定 直到聽到綁匪話要殺人

7. 盧迪並唔係瞓覺途中被綁走 而係扮同大小姐去行街 再被打暈綁走 可以咁順利係因為盧迪事前洗開左基列奴

8. 艾利絲其實知道自己比人綁架有危險 但基列奴教佢有危險就大嗌基列奴救命就得

9. 艾利絲原作比人打咗2次 原因係盧迪第一次就醫好艾利絲之後又再大嗌救命 而且第二次打得比上次更慘

10. 其實盧迪佢地並非一程車直到屋企 動畫匿埋乾草堆前已經搭過一班車 換言之係要轉車的 而且藏參地點幾遠

11. 動畫入面綁匪同盧迪提議分贓嘅時候講咗句「以你的年紀應該明白錢的價值吧。」
並唔係綁匪知道盧迪有轉生 而係綁匪以為盧迪係小人族，仲以為盧迪已經有40歲

12. 好少人理解魔術原理 以為魔法係一旦啟用就必定要發射 唔知道可以取消招技 所以先叫盧迪將火球打上天

13. 據基列奴指 扔劍果位綁匪有北神流上級實力

14. 基列奴好驚訝一個7歲細路兼法師可以差啲打贏一個上級劍士

15. 今次盧迪同綁匪打嘅魔法分別係：
土壁——土中級
火球改——火初級
土槍——土中級
泥沼——水+土中級
岩砲彈——土中級
沖擊波 ——風初級

第六集劇情補充 無劇透安心服用

1. 爺爺從來只會大大力推開道門 唔會閂門 然後每次都係管家幫手閂翻好道門

2. 劇中都有講 艾莉絲嘅言行係跟爺爺學的包括開門動作

3. 扮喵喵果度建議睇一睇漫畫（又或者等其他巴打幫手cap過來）

4. 艾莉絲走堂嘅時候 盧迪有揾菲利普求救 但菲利普就話「令學生乖乖地上堂都係老師嘅職責來」將個波射翻比盧迪

5. 盧迪對基列奴嘅眼淚攻勢其實係用無咏唱水魔法扮出來的

6. 動畫到基列奴分享冒險故事果時已經學緊除數 艾莉絲雖然掌握到乘數 但覺得學除數冇意義 所以唔肯學

7. 原作中基列奴分別喺上讀寫堂同除數堂果時講過冒險故事 但製作組唔知搞乜鬼將基列奴兩次嘅回憶撈埋來講 所以動畫黨會覺得奇怪 以上經歷關學除數咩事下面會解釋

7.5 . 當時基列奴講到「最初我以為有一把劍就夠⋯⋯」係為咗說服大小姐學讀寫 內容大概講「以為讀寫只係一件小事 其實只係隊伍入面有人幫你做咗 從而令你忽略讀寫嘅重要性 隊伍解散之後因為唔識讀寫而經常比人呃」

到數學堂要學除數果時再講「當時solo冒險 食物唔夠 所以想平均分開幾日食 但因為唔識除數令自己分錯份量 差啲餓死街頭」

8. 自從跟基列奴學劍 盧迪終於喺劍術上有進步 原因係保羅係感覺派 唔識教人 另一個原因係有等級接近嘅對手對練

9. 艾莉絲其實每日要上6堂 分別係
讀寫 算術
魔術 劍法
歷史 禮法
導致艾莉絲壓力太大

10. 動畫刪走咗一段 盧迪其實有召開教師會議 除咗基列奴 仲有一位教禮法嘅老師 叫「艾德娜」如無意外下集會出現
三人最終落實假期 同埋決定好每個月都要開一次例會

11. 羅亞其實比以前住嘅布埃納村細 圍繞城牆行一圈只需兩個鐘左右

12. 甲龍王嘅天空要塞名為「Chaos Breaker 」400年來一直喺天空巡邏 等待拉普拉斯復活然後擊殺

13. 原作中艾莉絲冇送過春藥比盧迪 不過呢一筆加得唔錯 證明艾莉絲對盧迪好感度唔低

第七集劇情補充無劇透安心服用

1. 艾麗絲其實劍術上好有才能 好多人練十幾年先到上級 艾麗絲10歲已經摸到上級門檻（未到上級但就快到）

2. 盧迪目前為劍神流中級 水神流初級

3. 因為盧迪之前同其他教師商量增設休息日 導致禮儀堂嘅時數減少 所以艾德娜先夜晚敲盧迪門話要幫艾麗絲補堂

4. 如動畫所見 盧迪會用魔法整公仔然後賣出去 一來可以鍛煉魔力 二來可以賺到錢 售價如動畫所見：1金幣 對盧迪已經好多

5. 盧迪將賣公仔賺嘅錢用來買整魔杖嘅材料

6. 到咗舞會幾日前 艾德娜先向盧迪求救 然後盧迪學咗短短2日就已經跳得好過艾麗絲

7. 艾麗絲一直學唔識跳舞並唔係因為佢拍子感差 而係佢錯將劍神流步法用喺舞步上 結果睇落艾麗絲跳舞又快又急

8. 另一個原因係艾德娜教得唔好 唔識揾出艾麗絲跳唔出舞步嘅原因 只係一味叫艾麗絲跟拍子

9. 原作中 盧迪喺練習嘅時候就已經用假動作身法令艾麗絲學識跳舞 動畫有小改

10. 原作中 艾麗絲第一個舞伴就係盧迪 一開始同動畫表現一樣 因為緊張而跳唔出舞步 然後盧迪解圍 等艾麗絲放鬆後先再同其他人跳舞

11. 動畫菲利普見盧迪出手解圍後所講嘅「麻煩」係指盧迪暴露咗佢係格雷拉特家嘅人 日後政治上會好麻煩 因為四大家族一直爭緊老大位置 盧迪資質之高隨時比人睇中 更加有可能會比其他家嘅人派刺客

12. 面對一大班少女接近盧迪
菲利普原作並非叫盧迪做好避孕 反而係警告盧迪如果學保羅咁亂搞女人只會做臭成個家庭個朵

13. 基列奴係以護衛身份加入宴會 而艾麗絲要應酬其他貴族 兩人都冇得自由食野 盧迪見佢哋咁慘 所以打包左一堆食物翻房 於是先有宴會結束後三人喺房交換禮物嘅環節

14. 盧迪同艾麗絲會瞓同一張床係因為果晚飲過酒之後就瞓咗 基列奴就好「體貼」咁放兩人上床

15. 盧迪嘅所有模型都係1:8比例

16. 獸族女僕嘅感官比人類敏感 所以好快發現有人偷睇 一方面好怕羞 第二方面唔敢反抗領主 盧迪推斷女僕會因為知道有人偷睇而更興奮

17. 果座塔有講過一般人唔入得 盧迪會上去係因為好奇心同早醒太得閒

18. 盧迪多口問爺爺夫人喺邊 先知艾麗絲嫲嫲已過身 爺爺聖人mode緊 所以輕易咁原諒盧迪講錯嘢

Lm

To動畫黨的各位

3至7集劇情補充已整合第一頁
有興趣嘅巴打可以去𥄫𥄫

劇情補充原意係想一次過補充原作內容 比動畫黨更了解劇情 亦有防止其他有睇原作嘅巴打補充過度變劇透嘅作用

所以我寫嘅補充盡量希望以精簡方式寫出來雖然都仲好長

動畫黨如果見到一啲情節我冇做補充 而你睇動畫果時又一頭霧水 咁即係代表將來劇情可能會有解答 我又唔方便做補充



最後希望呢個po少啲劇透我知好多大佬有睇原作 但有時太多四重又真係好難追po

lm

痴撚線補充好有心機
如果想劇透討論，可以去隔離post
係呢度忍唔住都記得四重加密

New post lm

Lm

痴線 巴打好有心 早排睇完兩集動畫 走咗走睇小說 睇睇下就成本睇哂

三重係乜料

保羅個角色好好.......
好有好老豆feel

係lo
偷食咗一次之後都已經修心養性

求下大家呢個po唔好再劇透已經特登開埋劇透po架啦還動畫黨一個J番嘅高汁po

LM

幾時先有第8集