不如講下大家遇過嘅靈異經歷

唔好係正門入 係學校側邊入 鐵絲網圍住 搵個缺口入就得

你講嗰兩個地方都未聽過

原來係由側門入，唔怪得可以入到去探險。
呢間小學出哂名猛，猛到國家地理頻道都報埋。
咁 將軍澳永遠華人墳場聽過未？
魔鬼山就係墳場果座山，佢仲有遺跡響度，係當年被海盜殺害嘅地方

喺醫院做嘢，凌晨戈陣要上病房幫個丫婆做嘢，
上到去見到個丫婆之後佢話唔會做，仲好堅持咁話叫我幫手叫姑娘嚟
後尾個姑娘嚟到之後同丫婆傾計，傾傾吓就指住我同另一個阿sir問：係唔係佢地丫？
丫婆就直接答話唔係，然後先好聽話咁又肯做檢查
完事之後個姑娘走嚟問我：你頭先無同佢講d咩嘢丫嘛
然後佢話：頭先丫婆講話有個男人係咁煩住佢，叫佢唔好瞓覺同埋陪佢玩
不過佢問丫婆係唔係在場嘅男士，佢又好清醒咁答唔係

我都試過

果陣啱啱入職舊公司無耐

成日撞版做錯野

有次個 Senior 同事同我講

佢見到自己(講緊我)

因為我同佢一樣做野行屍走肉無 heart

果下我即刻毛管棟晒

我之前凌晨要係附近做嘢

咁恐怖？

你唔講我都唔知魔鬼山之前係咁

魔鬼山真係幾好行架！如果唔怕有一堆先人嘅話。
當年我幾歲成日被老竇帶去行

嗌我名 係fd先會嗌既名 講番起都心寒 屌

我試過！但我搵到個科學原因！

我小學雞嗰陣時 有一日個fd打電話搵我 佢第一句好響亮: “喂！？係咪XXX？”

過咗幾日 我嗰日好攰 做做下功課 開始聽到人嗌我

把聲好實在 exactly就係朋友把聲 不停”喂喂喂” 我嚇到不停咁搵個聲音嘅source

嚇到流晒汗

收尾諗返起就係幾日前個電話打聲

應該係我好攰 精神衰弱 個腦唔知做乜9亂咁嚟 搵返以前啲記憶嚟玩幻聽

我見你話病 應該都係太攰引致

係醫院做

More鬼故pls

巴打入咗結界？

講黎聽下

咁我再講一個

話說有一期我勁黑仔 失業 分手 咩都齊
有日我諗住落街行下
有期咪興玩Pokémon Go 我就落街捉精靈
行到大馬路前 我望清楚兩邊有無車
因為玩Pokémon Go 所以我有個習慣就係會係馬路前停一停 望清楚先過

我停咗 望咗 無車就走過去啦咁
點知一過 居然被小巴撞
好彩架小巴及時收制 但架車身已經掂到我手臂

我即刻望小巴司機
佢個眼神話我知：痴線 點解無啦啦會有人？明明啱先唔見有！？

我哋對望 互相巨shocked

因為條馬路係大直路 好長 我望清楚先過嘅話 無可能下一秒就就車瞬間移動到我身邊

！！！我細個都夢過幾次 竟然都有人夢過咁嘅場境 次次嚇醒都勁驚

呢樣我朋友都試過
佢話行出馬路之前明明左右睇清楚無車，但突然被部的士撞
撞完之後佢可以起番身自己行到，個司機都呆咗，問我朋友要唔要送佢去醫院，我朋友見無咩事又趕時間就話唔使
但之後過幾日先開始瘀同頭痛

有d長 小學畢業營 唔算好靈異 但大個諗番起其實幾邪

果度一間房可以住住六個人 但我果間因為湊唔夠數住得三個人

每間房都有個冇門既櫃 櫃入面有本打開左既聖經 細個唔識死 臨尾前一日拎左本聖經放係間房中間張臺到 然後又偷偷地將幾粒棉花糖塞係我個frd張床既床褥下面（我都唔明點解我細個果陣咁戇鳩）

日頭玩完團體活動 見係最後一晚夜晚番房沖完涼之後我就自己一個走左去其他房玩枕頭大戰

番到房之後我d frd就同我講我一出左去之後 本聖經自己係度翻頁 我一開波覺得佢地想嚇鳩我 但見佢地又好似堅係驚 我就話係冷氣機吹到本野姐 冇事既 順手就將本野放番入個櫃到 然後就訓左

到第二朝 前一晚同我玩枕頭大戰果房人問我做咩夜媽媽嚇人 話我凌晨拍門想再玩枕頭大戰 仲叫佢地快啲開門 但佢地話佢地冇人夠薑開門

我又以為佢地想嚇鳩我 我就話你地係咪發夢呀 尋晚我玩完就番房一覺到天光喇喎

當然佢地個個都唔信我 之後我都冇再理佢地

到搭車番到學校 我地要打電話向屋企人報平安 但係同我同房既人同埋有份同我玩枕頭大戰既人無啦啦把聲變到勁沙 接近出唔到聲果種 呢刻我開始覺得怪怪地 走去問訓導主任 佢答我肯定係你地夜訓搞病自己 （但明明果朝同搭車番黎果陣都冇事 番到學校先一齊病）

最後： 勿相認

應該係根本大家都見唔到大家
到而家我都唔明發生咩事

佢都話到而家都諗唔明當時發生咩事

唔知開咗門會點
正常人都唔會開 唔知點解小學啲camp營地成日都好恐怖陰森
我記得有條友話凌晨見到有個女人係camp site盲目咁行嚟行去 話唔係老師 白袍長髮嗰啲
當時我哋無人信佢

早幾年外國讀書 住個啲countryside
即係一大遍草原 揸車5分鐘先會經過一間屋個種

有晚大約1-2am揸車同大佬揸車返屋企 （佢揸）
冇啦啦見到條路有個人路邊行緊著白色衫
心諗呢啲時間呢個位 有咩可能有人行

咁我地pass by左佢之後 我專登擰轉頭望佢咩樣 係咩人
已經見唔到有人

講緊係1秒時間

咁誇張
我細個都撞過幾多古怪野 但冇一次係見到實體 所以我一律當係自己聽錯/feel錯