不如講下大家遇過嘅靈異經歷

我明
仲要係啲人全部睇落都係正常人咁
但轉個頭唔見哂
我果陣又係成個人勁寒

我果陣仲要係日光日白晏就一兩點嘅事

有無跟你返屋企？
或者後續？


可能你唔覺意見到者

小妹好好彩
撞到之後都無事發生
應該係咁啱比我撞到佢地都一齊等車

呢個幾寒
最恐怖係見住佢同自己揮手......

屋企一家四口，父母訓一間房，我同細佬訓一間房。因為兩間房都近廁所，所以沖廁聲會好應聲。

咁琴晚十二點左右，差唔多訓着嘅時候，聽到父母間房有開門聲，着住膠拖行去廁所嘅腳步聲，同埋沖廁聲。因為呀爸平時臨訓前都會去廁所，所以我都不以為然。

過咗一陣，又聽到父母間房有開門聲，之後就聽到呀媽向住廁所講左一聲：“邊個喺廁所呀？” 好似以為我或者細佬去左廁所咁，咁我就開門應佢。

直到今朝起身問返呀媽，原來琴日佢咁問，係因為喺房門罅見到有人行去廁所，但聽到沖廁聲後一直冇人出黎，但我就反而聽到有人由父母間房行去廁所。而事實係當時全家都冇人去過廁所。

最詭異嘅係，問埋呀爸同細佬先知，原來當時得我同呀媽聽到腳步聲同沖廁聲……

嘩屌 起雞皮

廿零歲個時同ex+佢呀媽係大埔入大尾篤個邊既村屋住 附近好多樹 本身已經好陰暗 夜晚有街燈照住仲恐怖
當時佢呀媽擺左一架朋友送既bb車係天台度門隔離 比我地將來用
冬天既某一日 只有我同佢呀媽係屋企 我上左天台晾衫 諗住快快手趁仲有少少黃昏晾埋d衫
當時我背住天台度門 突然之間背脊好寒 完全唔係冬天個種寒氣 係寒到打冷震起雞皮 因為由細睇到大 所以心知不妙估到係奶野

我準備好要衝落去個一下⋯⋯⋯⋯⋯⋯

有個黑白色半透明既細路女屈膝抱頭咁踎左係架bb車隔離
當時我真係好撚驚 驚到大叫跑返落去

佢老母之後仲屌鳩我話我生人唔生膽 呢個世界邊有鬼

題外話：當時佢呀媽係咁叫我去打避孕針 係我地分左手之後 ex話佢呀媽子宮有事

所以有時真係人在做 天在看

留架BB車比你即是預你會生仔，但又係咁叫你打避孕針？ 即係點

細個翻大陸過年，住個度成幢都係呀嫲，有六層，嗰時屋企人同埋成班親戚喺晒一間房度傾緊計，我就喺走廊度周圍跑，跟住見到樓梯上面有個人企喺度望住我，即刻喊住跑入房！嗰陣仲要係日頭嚟。
深刻到過咗10幾年都仲記得，個位人兄係非主流爆炸頭造型

佢精神有d問題架⋯⋯成日都好矛盾佢拎左架bb車返黎 一時又話比我地 一時又話要比人 好多時都估唔到佢想點 好鐘意虐待人 係心靈上個種

所以話
食煙唔好的

以前去過親戚屋企住幾日，佢屋企有條走廊而走廊頭同走廊尾都有一塊鏡（走廊尾全身鏡 走廊頭梳妝枱）。

有晚全部人喺哂客廳我自己去廚房攞碗湯飲，攞住碗湯喺廚房行出黎向住梳妝枱方向一抬頭，見到後面塊全身鏡有個全黑嘅影喺鏡入面行過

你試吓行出露天個位
無敵墳場景

大家有無印象舊登以前有個真人真事係關於話男主角識阿A，但係因為太耐無阿A既消息，就周圍問朋友BCDEF，但係BCDEF都聲稱話無依個共同朋友，男主角就好奇怪，於是就搵上門，連A媽媽都話無依個人，男主角發現越黎越唔妥，開始懷疑自己係咪精神病，之後故事不了了之。

有無人記得依個故仔

高登年代
主角叫呀荃（無記錯嘅話）

個故事叫咩，想搵返黎睇

係咪呢個？
【吹水台】[是咁的]親身恐怖經歷---死亡Hi西
https://forum.hkgolden.com/thread/1476420/page/1

睇咗幾篇好似唔係呢個

唔係依個
個陣好多人討論個樓主係咪有精神病定係最後死咗
仿彿全世界得樓主識阿A咁，阿A好似無存在過一樣

之前大陸咩博文故事又差唔多

咁我就唔清楚啦
不過個故事就0幾年
樓主係live形式出Po
個陣一路睇一路覺得好震撼