試過family trip同阿媽+阿哥去大阪，因為回程會坐早機，
所以最後一晚book左機場酒店嚟住。
當時我book左一間三人房，去到check in果陣唔知係咪無房，搞左好耐
之後搞掂上到房先發現係尾房。
咁我地當下就覺得間酒店正正常常，條走廊都唔係特別陰森
加上都係住一晚，就無落去要求轉房。
跟住奇怪既事就嚟喇，果晚我食完飯，沖涼之後就訓左
當時大約9:30左右，我阿媽同阿哥都未訓既。
當時佢兩個開住電視玩手機。
咁好啦，我訓訓下覺得好熱就醒左，我當時坐左起身
發現阿哥同阿媽都已經訓左，而電視都熄左。
我當下覺得奇怪，因為我屋企習慣去旅行訓覺係唔會熄電視
但因為太眼訓無深究，又訓返。
訓到第二朝，我第一個醒，發現部電視開左
阿媽同阿哥訓到隻豬咁，之後到大家醒晒落去食早餐果陣我就問佢地
尋晚有無人熄過電視，兩個都話無熄過
我好肯定自己唔係發夢之後返到香港，我同阿媽講返件事。
阿媽話果晚佢最遲訓，好肯定訓前無熄電視
之後我阿媽都講返，佢返到香港發現對腳好多一撻撻，好細撻既瘀痕
禁落去又唔會痛，但好多撻同好明顯。
唔知係咪傳說中既比鬼搣
