不如講下大家遇過嘅靈異經歷

唔記得啦 好似20幾

是咁的，小弟住村屋，村口就有個涼亭嘅，我返屋企就要經過個涼亭入條村到。

個排sem break收工返到條村都接近淩晨1點，聽同睇到涼亭有對父母係到教個仔數學，都奇怪緊，咁岩我行過個陣，佢地就問個仔7*9=幾多，個仔冇出聲，個呀媽就話：「咁都唔識嘅，哥哥仔，你知唔知呀？」，咁我就另轉頭答「63囉？」（個陣已經過左個亭入緊條村），跟著就走左。

其實我個刻好想戴眼鏡望清楚佢地個樣，但係無啦啦戴又好怪，只係隱約見到3個人。

又有次係屋企，個陣係黃大仙住，咁有晚星期六我就自己係屋企，熄完電視就訓，第朝竟然比個電視聲嘈醒左 , 雖然覺得好撚怪，但都係照開電腦打機

利申：部電視壞壞地，有時熄完會開返，但多數都係即刻開返，唔會咁耐，由其是到我訓著個刻都係未聽到電視聲。

你望住佢移動？

但塔羅唔係自己揀牌咩

有晚去女朋友屋企度訓 半夜去完廁所洗手嗰陣 咁岩唔知邊度反光見到一個倒映 入面有個長頭髮既女人望住我 因為個女人外型都幾似我女朋友 所以嗰晚都有問佢有冇出過黎 但係佢只係係房一直等我 所以我戈晚就覺得自己可能只係一時眼花
到左第二次上佢度食晚飯 原來我女朋友有同uncle提過我見到野件事 uncle就係食緊飯戈陣再提起件事 然後佢用奸笑樣咁叫我再形容一次件事俾屋企人聽 但係成件事我本人就覺得唔係咩特別野 但係嫲嫲聽到竟然覺得好驚咁 仲叫我唔好再講 當時就以為只係嫲嫲細膽

同女朋友一齊之前已經知佢以前唔係住呢度 最後打聽到之所以佢地會搬左入呢間屋度住 係因為以前舊屋度 女朋友同伯母番工番學既時段 嫲嫲經常會係房度見到女朋友同伯母站立住既人映出現

唔屌你班撚樣都偷笑

班撚樣已經受到懲罰

兩個可能性
一 兩個差唔多樣嘅女人
二 未俾錢行返去嘟卡你又冇留意到

件事喺自己屋企發生

背景：我呀媽每年都會買睡衣比我同個妹
同款但唔同色

咁我不嬲都係朝早沖涼 之後喺個廳到吹頭
嗰日吹吹下頭一抬起頭見到有個著住黃色睡衣嘅影好快咁由廁所衝入我間房
咁我以為係我呀妹
但我再望下自己套睡衣 發覺自己先係著黃色睡衣

到依家我都唔知係我嗰日未訓醒睇錯
定係佢有心扮我

我都試過類似嘅
係我喺客廳做緊嘢
眼尾見到我阿妹返咗屋企 好快跑咗入房
隔無幾耐收到佢msg話佢好多嘢拎叫我幫佢開定門
我心諗喺房都要我幫佢開門？
然後我阿妹先從門口入嚟
我仲呆咗好耐
咁我啱啱見到返嚟嘅係邊個
我仲係咁問佢 你係咪返過屋企再出咗再返嚟
佢話佢真係啱啱先返

講起電視我都諗返起有件事想分享

早幾年我仲讀緊中學 記得係暑假嘅下午嚟

嗰日特別在係打風嘅日子 印象中嗰陣已經打緊八號波
勁大雨就不再話下 行雷閃電勁大聲

因為打風我阿媽唔使返工
中午大家食完飯就各自入咗房
我阿媽放假好多時都會瞓晏覺的
同埋其實雖然佢咁大個人 都仲係會驚大聲嘅雷聲
我自己就入房戴住耳機打機

記得某個響雷之後 屋企部電視開咗
本身我以為阿媽嘈得滯醒咗出廳開電視睇 所以都冇咩點理會 同埋我間房個電腦枱都係背向住個廳 喺我冇擰轉身嘅情況下其實係唔知道出面點的
但係後尾發現唔對路 部電視越嚟越大聲
我就即刻除低耳機叫我阿媽較細聲啲

阿媽同我講
「下 你睇電視開到咁大聲做乜鬼」
把聲喺佢自己房傳嚟的 即係廳根本冇人
我出廳睇 電視真係自己開咗
個音量一直自己上升緊 我出到廳已經係90幾 為咗確認我見住佢最後升到100
隻耳好撚辛苦 即刻熄咗佢

事後我都諗咗個科學嘅解釋
因為我住頂樓最高嗰層嘅
其實會唔會係啲雷劈到啲天線激活咗啲電路搞到咁

細個同呀哥同房
無啦啦有幾日
我床右邊牆有個好明顯係人臉嘅側影
我哥同我媽見我細，哄我話睇錯
但係我房d嘢又無郁過，點會之前無，無啦啦有
跟住又自動消失

之後有次嗰陣自己一個住
廁所柯完尿，開水洗手，d水血紅色
嚇到我成個震晒，
最後去廚房洗手，掛喺度條毛巾飄下飄下
可能係大風自己嚇自己，但係真係驚到死

其實係好似有差d飛唔番入去 當你見到你既身體既時候你想入番去 但有道力阻止你唔比你飛番入去

細個仲識控制夢境 依家好想要番依個功能

笑到仆街，又釋放惡意，又屌老豆
呀嫲生前最錫佢，然後佢連呀嫲出殯去比呀嫲見最後一面都發晒脾氣好委屈佢咁然後釋放惡意兇鳩呀嫲（即係心入面係咁屌呀嫲老母）

等緊你呀ching，快啲打埋啦

最尾嗰下點做架

留個名先

係 所以先嚇到即刻走

好恐怖