不如講下大家遇過嘅靈異經歷

病人瞓到溫溫燉燉
以為自己撞鬼都常見

好多西人都認為0300-0315係屬於惡魔既時段

我估

即係一串人
隊頭入左𨋢
隊中尾岩岩行到防煙門望多左眼就尖叫

因為佢見到係隊頭入左𨋢果條友係防煙門另一邊呆企

嘩屌佢仲要喺嗰到住。。勁慘
你個償街仔！

下 原來塔羅唔玩得ga？

服務好周到

我呢個好平淡
不過係我人生一次幾難忘嘅經歷

有次搭𨋢番屋企
架𨋢就有我，一個阿姐，一個屋苑嘅維修師傅

咁大家㩒𨋢啦
我留意到有4層嘅燈係著左
以為有人㩒錯

到個一層嘅時候
開門
冇人岀

大家你眼望我眼
個師傅問邊個㩒左𨋢啊
我同個阿姐都好肯定我哋冇㩒多到

個師傅停左陣之後就自言自語
：咁奇怪嘅今朝管理處同我講呢架𨋢啲燈係咁閃下閃下
我一入到黎又冇事......

個下仆街啦
跟住個師傅一到佢個層急步行左岀去
好似仲聽到佢細細聲話唔係啊嘛......

即係佢伸個頭出嚟望你？ 唔明舊黑色野大細係點

真假都好。。尼條片真係好恐怖。。

留名

我以前住舊居屋有部lift壞壞地成日都係咁
第一次我嚇到攬撚住阿媽（果時9歲）
住左10年，搭到慣撚哂

反光啫 大吉利是

唔駛驚，電梯真係會成日壞
只要有垃圾攝住，或者電路板呀，信號板呀，DP拍呀之類有嘢壞壞哋，就幾乎一定會走亂樓層
利申 電梯公司員工

我啲個應該唔算係靈異，不過我點都解釋唔到，希望有人可以解答下

話說係我小五嘅時候，我同我同學一齊放學，咁要經過地鐵站，個地鐵站有三條電梯，我同同學一齊搭最底個條電梯，搭搭下有種奇怪嘅感覺，好似突然諗唔到野咁，跟著就好似貶咗下眼咁，我望一望，發現我同同學係最高個條電梯度，當中應該只係過咗幾秒，之後我同同學不斷捻都捻唔到中間發生咩事，不過我幾肯定我唔係突然出現係個度，只係我同同學一齊都失咗憶

之前有個同事養鬼仔
屋企養開過百個
仲特登另外俾間房佢地住
會買好多野食 玩具 俾佢地
平時會帶幾個番工

咁岩有日一齊行鐘 同檯食飯
佢食飯通常就俾啲小朋友食先
咁我其實都驚驚地 覺得唔知點咁

我同事就擺低左部手機自己行開左
我咁岩望到佢手機係顯示緊 朋友列表
係無人掂過部手機嘅情況下
突然click左入其中一個朋友到 好似想打字
跟住聽到我同事就番黎
手機又彈番出去 朋友列表
好似無事發生過咁

當時另一個同事都見到
我同佢你眼望我眼

追左咁多頁都無痴線佬 正

有次入醫院
我係好似第三者咁係遠處 （類似係天花板嘅視線）見到自己同個阿婆傾計
之後屋企人話我知
我隔離床真係個阿婆

入院到番屋企中間嘅記憶 我係完全無左
我都唔知點出院 簽名 行路番黎

以前公司一出去會經過個防煙門
有日收工前去廁所行過覺得好唔舒服
以為自己做到好攰
去完廁所返公司拎返個袋狗衝走人
行過望到防煙門有個白色衫長頭髮嘅人影
因為隔離公司啲人間唔中會喺嗰度食煙咁就無理

無做一排同前同事食lunch講開
話我走咗之後有個新同事入去做
成日都要其他人陪佢去廁所
到之後搬office個新同事同佢哋講
原來嗰時成日喺防煙門見到個白色衫長頭髮嘅女人
嗰刻先肯定自己嗰時撞嘢

呢件事我係唔同渠道有講過，大家聽過嘅話勿相認
好耐之前有次收工搭小巴，嗰陣仲要係夏天雨季落緊大雨
我當時就坐係單人位第三格，就咁睇住啲人陸陸續續上車，見到上剩一個位司機就開車
因為我上車個個位都幾唔就腳，之後個幾個站都係唔就腳，再加上落雨就以為司機係留位畀下個站
但係司機係之後個兩三個站都飛站，我同其他乘客都覺得怪怪地，就同司機講仲有位喎，點知佢話”咩呀，邊有位”而個個吉位其實係單人位第一格，我估因為落大雨冇人想坐
跟住成架車就好撚靜，然後大家都好有默契係下個站冒住大雨落哂車亦冇人夠膽惦個個扶手

好驚呀！！！！真係發生過！
讀U嗰陣時試過望住自己瞓覺 再瞓返落自己個身上面先瞓醒
但我無見過鬼

但係永遠講醫院鬼故嘅人都係最撚清醒嘅醫院員工