不如講下大家遇過嘅靈異經歷

佢喺錯鑽石山落車都冇理由會喺彩虹上返同一架車掛

見人share過搭地鐵, 當本身架車喺金鐘站, 但到咗下一站嗰陣竟然又係金鐘, 重要唔係得佢一個人察覺到, 同行女朋友都係

果日瞓覺就醒之前聽到屋企人企係床邊想叫我起身
我應咗佢一聲 之後起醒咗
諗起原來佢唔係香港

其實酒店尾房真係猛啲？定其實酒店間間都係咁

屌我呢排搭lift都成日壞壞哋咁 無啦啦du..du..聲 好驚

D野自己飛走
我都試過，所以我信有呢味野
大概5、6年級時
當時好興戴babyG大大舊既電子錶
有日放學返到屋企，得自己一個
放左隻錶係廳既鞋櫃上
入房換衫時，聽到有野跌左落地下
以為係樓上跌野聲，無理到

出返廳想拎返隻錶，唔見左
心諗唔通頭先跌野聲，係跌錶落地既聲？
可能放得太邊，但周圍搵都唔見

轉彎入廚房諗住搵野食
見到隻錶係廚房最入既位置，垃圾桶旁
即係，我隻錶，自己轉彎飛左入廚房

都唔止一次
只要自己一個係屋企，就會有野跌
跌係d好遠既地方
同老母講又唔信，話我亂講野

諗起中學都有個幾靈異既經歷
以前初中有段時間好興水晶，我都有買嚟戴。
好記得當時買咗條聲稱可以辟邪既手晶手鏈
然後細個好貪玩，會出街玩到凌晨冇晒車翻屋企
有一日我同個女仔朋友又係玩到凌晨，大家都好攰好眼訓，於是就求其去咗啲好平既酒店諗住訓一晚。
一拎完卡上到房，我即刻打咗個冷震覺得好唔舒服咁
於是我就想同我個fd講，但我一諗住開口，突然之間啪一聲，我手上條鏈斷咗
我驚到仆街，問我個fd咩事點解會咁，因為佢都有戴開。
佢好冷靜咁同我講，無事咁啱斷咗姐
(佢事後同我講其實佢當時驚到仆街但唔想令到我更驚就扮鎮定)
跟住佢就同我一齊執翻啲水晶放落袋就即刻沖涼訓。
第二朝我哋一早就醒咗走咗
然後去翻買水晶既舖頭，個老闆就話條鏈幫我擋咗啲嘢，所以功成身退斷咗。
聽到嗰下我嚇到標晒冷汗
然後按照個老闆既講法安置條斷咗既鏈，
安置條鏈之後我隻手即刻又痕又紅晒，
就好似有人好大力捉住我隻手好耐先放開咁

雖然以家諗起唔知真定假，定係心理作用，但好多野真係覺得寧可信其有 不可信其無

我建議你可能要去睇一睇醫生。

我之前都係一搭完飛機好頭痛，痛到打止痛針都唔掂，結果原來係鼻竇炎。我知道鼻竇炎同頭痛好似好冇關聯咁，亦聽落去好無厘頭。

但呢個係我親身經歷，亦都係前年做過鼻竇炎手術，之後搭飛機甚至日常生活都好轉咗好多。

有次病咗入咗瑪麗訓咗幾晚
有晚訓訓下突然比人捏頸係想捏死我嗰隻
我就嚟窒息又掙唔開對眼想掙扎但郁唔到
用盡全身力氣大叫咗一聲 諗住唔得就可能要死。。。
之後聽到護士腳步聲行緊過嚟隻手就突然消失咗
我就終於開得返對眼 之後成晚都唔敢訓


仲有次
幾年前自己一個去高雄玩卜咗間大房
去到check in 比尾房要求換房
但櫃檯話間大房每層都係同一位置 於是冇換
頭幾晚都冇咩事
去到有晚入門個key卡嘟咗3次都唔得
正當打算嘟埋呢今次都唔得就落RECEPTION嘈

又突然入到
其實我嗰晚已經病病地 夜晚仲開始發燒
訓到清晨矇矓間見到窗邊有人形黑影
因為窗有陽光射入黎 個黑形好驚咁LEE埋係角落
以為自己眼花 之後望多次都仲係到
但食咗藥好攰 唔得閒理佢 繼續訓


我平時好少見到佢地
通常係大病既時候就會見到

日光日白搭巴士見到前面有隻鬼擰轉頭對住我笑
爛面&超大隻橙色眼
果下呆左
諗緊係咪其實條友玩緊cosplay

個呀伯鑽石山落車 去隔離道門上返車
到彩虹落車 去返你嗰道門上返車

試過一次去露營行夜山
一行10人左右
夜晚喺水塘落
去到營地之前條路一盞燈都冇 黑媽媽
所以我哋全部拎曬電筒出嚟行

行到一半見到成班人 有老有嫩
向我哋反方向行
但我哋係喺山上面落嚟 我哋後面乜都冇 好荒蕪
而嗰班人全部都冇拎電筒

我哋全部都覺得唔對路
於是電筒全部射住好遠啲樹
望都唔敢望嗰班人
同佢哋擦身而過之後就即刻急步跑去營地

事後去到營地
有個女仔話見到佢哋冇腳

btw 勿相認

幽默感呢啲嘢真係....

你班人賣鳩司機自己一個

坐荃灣線去金鐘，油麻地站經過左兩次

冇見過。但試過現實見到夢中境

1999
個勇者姐係點

訓bb床既記憶都咁清楚

鑽石山柒左落錯車，係第二卡上返車
彩虹又柒多次，去返你果卡上車

小妹試過晏就係藍x半島嘅巴士總站等車
明明見到有十幾條友同自己一齊等緊
但我只係講左個幾十秒嘅電話
轉個頭一個人都冇
重點係完全冇聽到有車聲都同埋有人走過
問埋對面巴士司機都話未有車
好驚

哇屌，我明明正評左你個comment，見正皮去到102，點解依家又變返做100

我有同事試過坐朋友車經過元朗圍村
話見過日本兵