不如講下大家遇過嘅靈異經歷

我同第二個上車嘅嗰個女人係有眼神交流

因為佢見到我一路望住佢 佢個眼神話俾我聽 佢唔明我點解望住佢

巴打有冇睇 204檔案， 真心推薦

我都講下：
小學果陣住公屋，我地三姐弟同一間房，家姐係上格，我訓中間，細佬訓拖出黎果張床。

咁我地間房就冇門，裝左對拉閘，但唔到地面，可以勉強望到出面廳有咩「腳」行過。

有一晚，我起身屙尿，眼尾望到廚房門口有個人企左係度，白袍長髮綠光，即刻嚇到鳩縮，9秒9返入被度

到左第日講開呢單嘢，估唔到我家姐同細佬都有見到嘢！

衰多口

第二個關於電燈 冇咁恐怖

我以前嗰一份工係要守夜 一個人捱天光

咁如常嗰日我又守夜 落樓下買咗宵夜先上嚟

坐到準備食果下 心入邊諗：呢度咁黑，我連盒飯都望唔清楚，個燈制又勁遠，真係唔想行過去開燈

然後盞燈就突然開咗

唔係係果一度嘅電燈唔係感應開關 而係好傳統嗰隻要咁落去嗰種燈

住鬼屋實大把嘢聽

我以前癲到碟仙，銀仙，塔羅，靈探乜都玩過哂

唔講鬼，講正統嘅仙

我以前係朋友屋企玩塔羅 癲到佢屋企個觀音像冧咗 所以啲人同我講塔羅唔係碟仙 我真係得啖笑

塔羅根本就係碟仙 不過係用塔羅牌做媒介咋嘛

我遭遇過最犀利嘅靈異經歷 應該係我以前不斷咁樣夢到黃大仙 但係我講親都俾人笑

以後唔番夜班

我番倉既，有一晚其中一個部門鎖左，我同partner一齊去攞貨。之後我多口講句「鬼片入面，d燈多數都係一排排禁熄，仲要有dom dom dom dom禁既聲，一排一排熄」 講完熄左一排。之前冇人肯同我夜晚做partner攞貨。

我懷疑佢哋係聽到我哋諗咩
佢哋可能好悶 就玩下人

有次放工返到樓下係凌晨3 4點
個時𨋢大堂得返一部𨋢
咁岩有個男人又返到
我就等埋佢先閂𨋢門
大家樓層唔同 佢低層過我
點知部𨋢去到佢個層停左 唔開門
就繼續上

我發夢試過一醒個人出晒汗 唔荒好野

唔知算唔算靈異經歷，我喺蔡意橋見過許冠英，當時黃昏時分，天氣算熱，佢着住件車咗好多個章既牛仔褸，面色極之蒼白，行路係好慢 un 下 un 下嗰種，我望佢兩眼就冇理，點知過兩日新聞話佢喺屋企失救死咗一段時間先比人發現

個次唯一令我安慰嘅係
第二日管理處貼左通告話部𨋢有故障要維修

lm

有次公司部野自己落-1樓 明明冇人禁，亦冇制落去
仲要佢係兩道門果種，你身後道門冇啦啦打開，燈又唔裝
食完晚飯番公司，禁完樓層閂門，屌你唔係上嘅？
feel到個重力係向下，道門開L左，唔敢調轉頭，陰風陣陣，d唧車螺絲鬆會有吱吱聲，又唔知邊到黎d風吹一吹你後頸

有無機會你當日見嘅係活人 只係身體健康已經嚴重岀問題？

瞓瞓吓覺突然feel到有野摸我耳仔
咁我就醒咗 但係全身郁唔到
然後見到床邊有個着黑袍嘅人企咗喺度


問題我當時係一個人住

留名睇鬼故

之後點？

我以前讀U住hall都試過 又係唔郁得 然後有個女人坐係床尾望住我

仆街 臨瞓前講啲咁嘅嘢

我記得去到頂樓
又係唔知點解好大風
聽到啲好尖嘅風聲
閂唔到𨋢個下只係心寒
跟住佢自己閂再直落一樓開門
直頭我同個男人都驚到震
隻手keep住好大力捉個扶手唔識放
去到一樓我同佢都無講野
Feel到個心跳到超快

一直同自己講係部𨋢故障
都有一排唔敢搭個部𨋢

唔肯定，所以話唔知算唔算靈異經歷

想聽！

係咪中大/港大

佢摸完我嗰下成個人寒晒
之後迷迷糊糊咁瞓返

不過我由細到大都sense到鬼神嗰啲嘢都算習慣咗 佢唔係黎害我咪算鳩數

後尾屋企養左2隻黑貓就冇乜再發生呢啲嘢

我細個已經有近視，咁我間房一開門左手邊就係廁所。住公屋又好細 床到門只係兩步左右。
個陣夏天，我地開門訓教
我突然醒左未戴眼鏡 望出窗係天岩岩光，聽到個廳有d “卡卡”聲 好似啪手指或者機械關節個種聲，咁我就伸個頭望出廳，我見到有個黑色圓形既物體係廁所門邊但因為無眼鏡睇唔清楚係咩，一開始以為係老豆或者老母，我同舊黑色野對望左一陣，我望去大人房見到有人訓係床到 應該係老豆，我再另番轉頭見到舊黑色野“卡”一聲又伸出多少少，咁我就問：「呀媽？」又無人應我 再問一次 都係無人應，見舊黑色野又“卡”縮番入去少少 之後我就訓番。













起身先發現，舊黑色野出現既位置係門既底部位置 你要訓係地下伸個頭出黎先係個個位置，而我當時見到舊黑色野係好平穩 好生硬 “卡卡”聲咁伸出同縮入去，到底我當時見到咩 就真係唔清楚了

連登有個神秘台
不過信耶穌嘅連仔將佢under咗學術台
你開喺神秘台會俾無神唯物論科學fans圍