［零深度長文］如果你考慮緊去唔去英國，不妨入嚟睇一睇我嘅經歷

一語道破

樓主寫得幾好 好貼地

畢業之後出黎做野既生活係點

讀書時期去邊都開心架啦，晒鳩氣
仲要靠父幹

你老豆好撚仆街

一路行緊返工一路睇，除咗羨慕還是羨慕

呢句真，你睇鬥黃就知

因為香港人真係好排人
唔好話排大陸人先，香港人連香港人，自己人，同黃絲都要鬥黃既時候，就覺得人地外國都會好排外

樓主屋企本身做咩

工作關係識唔少英國人
普遍都幾好幾就人

樓主父幹型已經贏左啦

問心個句
樓主呢類過到英國就算唔岩既大不了可以再返香港重新起步，又無負擔

無家底無父幹個班真係唔知點算

一個二世祖去英國鳩Fing嘅故事

喺英國讀過書，發現其實外國人唔會因為你係華人就唔睬你，反而係自己成日驚呢樣驚嗰樣唔敢同人傾計

感想係分享親既,
女既出國屌到開巷,
男既出國睇人屌到開巷.
之前有個女去歐洲既,
一落機dl tinder即晚已有得屌,
男既住咁多年做ifirm都無鬼妹屌.

見識過
外國讀左好似6-7年成日都好自豪話自己以前英國點點點
但講英文差過香港啲band2尾
少少外國文化都唔識（會扮識但好多都錯）淨係識落Club

呢點欣賞樓主

好多人明明靠父幹去外國讀書都唔認，如果無父幹一早留左喺香港讀啲垃圾嘢

父幹帶黎ge唔只錢 仲有自信
BTW巴打U Life 英國生活真係精彩我係老美唔係做intern就係番pt
邊有咁多時間玩

諗返起都想再寫深入少少
當係自己嘅日記 記錄返記得嘅瑣事
有個我十分崇拜嘅作家講過
「越深入越仔細嘅敍述，越令到其他人有共鳴」

我會穿插返 由而家睇以前 同以前睇以前嘅敍述
未必全部關於英國生活
但會圍繞由生活轉變 所啟發嘅感悟

第一年 （一）

我當年係搭BA由香港直飛LDN
我好記得當年係香港閘口臨上飛機之前
個空姐要例行Check Passport
佢問一個著皮褸長毛金髮嘅白人男人「Can I check your passport please?」
個男人遞俾佢個空姐
空姐查完之後俾返個男人「Thank You」
個男人好有型嘅講咗一個單字「Pleasure」

我到而家都記得呢一幕

我學咗英文咁多年 淨係識「You’re Welcome」
原來有一個單字可以用嚟講唔使客氣「Pleasure」

我喺嗰一刻開始覺得
呢個去英國讀書嘅體驗
會係一個未知之旅
而呢個感悟
竟然係來自第一次聽到有個外國人
用咗一個我識嘅英文單字
去表達一個我唔識嘅含義
嗰刻嘅感覺真係 Mind Blown
嗰一刻已經開始咗未知嘅生活

但我有時再諗返前少少
反而係開頭嘅幾幕令我印象深刻

第一幕係
臨走前約啲親戚食飯話盞行
都係循例問候寒喧「好叻仔喎 第時做大律師」
跟住我又循例回應「係啊 我會努力衰十一 之後轉營奶共㗎啦」
垃圾行貨對答

嗰陣我細佬又同時出發去加拿大讀高中
我記得姨丈同我阿爸講咗句「啲仔出哂國，你就耳根清靜哂啦」
我阿爸講咗句我到而家都記得嘅嘢「係嘅，不過都會唔捨得嘅」

呢樣嘢又係Blow My Mind
我由出世到而家都無聽過阿爸流露任何情感
就算以前金融風暴 或者 失業再搵工
都無見過佢有絲毫軟弱嘅一面
嗰次係我第一次聽到佢有情感

聽落好奇怪
但華人父母 或者全世界一樣
好少會稱讚你 通常都係會搵位批評你
我父母都係咁
我記得有次考數學拎一百分我俾份卷佢睇
佢第一個反應係「係唔係老師改錯卷？」

所以我記得呢一幕

之後第二樣我有印象嘅嘢
係朋友嚟送機「同學與我 臨別互相揮手
當時天真相信 友誼畢了業後更倚重」

我走嗰日又真係好多同學嚟送機
千里送鵝毛 物輕情義重
但諗諗吓 我返香港又冇接我機
我暑假完香港返英國又冇送機
變咗係臨走前食餐飯 飲杯嘢

已經成為大人啦
再冇一種 「有心嘅一定要送到機場」
我又諗係唔係友情淡咗呢？
又話友誼畢了業後更倚重？

原來人喺唔同階段
都有唔同方式表達情感
唔需要話 「係老死嘅 唔係唔嚟送機吓話」
去到廿五歲嗰陣 肯抽時間 夾時間 一齊食餐飯
比十八歲送你去機場更加難得
時間成本高咗 感情投放少咗

畢業到送機 只係相隔五個月
但英國返嚟香港再見 已經係五年
最奇怪嘅係 廿五歲嘅中學同學
相處落都仲係十五歲時候嘅相處模式

少咗 大學同學 公司同事嘅無形隔膜
因為佢哋會問你 成年人嘅嘢
幾時結婚 有乜動向 會唔會轉工 睇啱邊個單位 會唔會買樓
或者俗套啲 睇咗邊套戲 去咗邊間餐廳

但中學同學 從來都冇傾過呢個話題
我連每次見面傾計傾咗乜都唔記得
因為所有對話都冇內容冇養份
應該都係講AV女優 打Fifa邊個最垃圾
只係記得傾計嗰陣好開心

而家諗返起
生活中所有經歷嘅嘢 未必記得詳情
未必可以鉅細無遺咁回憶起
但 經歷嘅時刻嘅感覺
成日都可以腦裡重溫

我唔記得以前中學 放學一齊夾Band唱K
其實唱咗乜 彈咗乜
但我記得 嗰陣時好開心

儲存情感 可能比 儲存情景
容易得多 會唔會係人腦構造係咁呢？
因為我最記得嘅畫面 原來都係最微細嘅事

第一年 （一）完

我都有遇過呢啲人
好Career Driven
成日去Networking
上堂又成套Business Attire
又不停答Professor問題 做足Pre Reading
平日通常係圖書館
CV寫爆 課外活動

我自己做唔嚟
呢啲嘢要毅力同決心
我只係單純咁見步行步咁過

你每日既生活都有主題？

咁要留意我講第三年嗰章節
入面有講多啲呢方面嘅紮扎