（討論）優生學有咩問題？點解生仔唔可以要考牌？

而家比起優生學更似奴隸制多啲

都係鳩up啫
但我一定會想將自己所有劣質基因改正

係無優生學既社會都出現呢樣野證明唔關優生學事
而係個社會根本令人唔想生
所以要構造改革

宏觀整個進化歷程我哋其實冇得確定我哋認為嘅優生學係咪真係對進化有利

呢句真 演化上一定係多樣性越大嘅族群越大優勢
sickle cell disease 夠係缺陷基因
但以前爆鑊malaria都夠剷咗啲「正常」人淨返啲基因缺陷嘅人
難保以後唔會有啲咩事嚟個大洗牌 而家定義嘅所謂劣質基因反而變成優勢
除非真係差到環境點變都搞唔掂 (嗰啲就唔需要優生學都會自己淘汰啦)

既然無人想生，仲點解要阻止人生？
中國有板你睇

2017年末，中國國家統計局資料顯示，60歲及以上占總人口17.3%；其中65歲及以上占總人口11.4%。當時《新華社》旗下雜誌刊文指出，中國老齡化特色是速度快、規模大，預估不到2030年，中國60歲及以上人口將占25%，進入「超級老齡化社會」。

真係唔知瘧疾同基因缺陷有關可否講多少少
不過同意生物多樣性有助延續
但今時今日人類真係仲要擔心自然演化

鼓勵叻人生都係優生學一部份黎架

1. 你問優生學有咩問題嘛, 科技SUPPORT唔到都唔係問題?如果你講未來科技, 咁我都可以話將來AI取代哂人類所有工種, 滿足哂人類所有慾望, 咁咪人人平等,唔需要有優生學
2. 覺得顯性劣質基因既人比較差, 只係一個流於表面既想法。 你要由基因學上證明到顯性出劣質基既人,嚮基因完美度上,比隱性劣質基既人差
3. "提升"人類既下限既同時, 就係會抺殺當刻社會上認為"冇用"既基因。用返美斯既例子, 如果1000年前進行優生學, 冇商業化足球, 而如果美斯其他技能都唔勁, 咁對擁有足球天才既基因既佢就會被定義為"唔係優秀既人"而絕子絕孫。到900年後足球開始興起同商業化, 足球天才既基因先變得有價值, 但足球天才既基因已經失傳左。同樣,我地對未來須要咩特質既人我地唔知, 今日冇用既基因唔代表未來都冇用

冷戰你都計和平

1. 咁唔講科技，我唔明優生學點樣導致無人做低級工種喎唔係所有人都做醫生律師，而係所有做清潔工既人都capable做醫生律師啫，到時如果專業人士supply>demand,自然而家所謂低級工種就會有更好待遇而有人做

2.又係機會率問題，當然地中海貧血會有機會生天才，但需唔需要為左0.1%機率而接受地中海貧血所消耗既社會資源？價值判斷

3.呢個係結果論，如果1000年前開始實行優生學，咁今日既社會好有可能無商業足球呢樣野，又或者有商業足球之後再培養一個比美斯更天才既人出黎都有機。簡單啲講個體既重要性係優生學就implied唔夠群體利益重要。
又，如果1000年前行優生學，可能今日既美斯就係有C朗體能既美斯呢？who knows?

sickle cell即係鐮刀紅血球病, 紅血球特定情況下變成鐮刀咁, 個人會痛, 缺氧, 嚴重D要長期食藥鎮住, 可能成日要進出醫院, 而家絕對唔係咩好基因
瘧疾就係D虫入左紅血球入面繁殖, 但有鐮刀紅血球病既人就算D虫入左紅血球係難繁殖好多, 你有鐮刀紅血球, 未有瘧疾既藥時絕對係神選之人.
咁而家問題來. 你用優生學咁你清唔清鐮刀紅血球病既人?
當時如果為社會發展清左班無鐮刀紅血球既人, 咁而家全世界仆緊街
你而家係神選之人, 科技發展一排後你D絕對優勢都可以係病.
優生學只係一D眼界短淺既人用而家既標準去估以後既世界會同而家一樣.

但係最後瘧疾既cure同sickle cell有無關？
你問清唔清 咁一定清架 佢始終都係缺陷
用缺陷黎醫病本身唔可以叫最佳解
正如有得揀你都唔會亂食抗生素啦
就算比你因為有sickle cell而無瘧疾
你有sickle cell都唔係一個健康既人喎

瘧疾樓上講咗 我唔打啦

自然演化只係產生新嘅嘢 然後將相對目前環境無法生存嘅淘汰
都係靠演化先有群類人猿祖先整整下變成人類
人要擔心嘅唔係自然演化 而係未來嘅不確定性
優生學會降低人類diversity 更難產生出新嘅可能性去面對
兩個白痴樣衰怪嘅基因組合埋難保唔會係未來某件事(不論疫症天災人禍定人類移居外太空)最好嘅選擇呢

即係因為第日癌細胞基因有機會救到人
所以我地就要由今日既有癌細胞基因既人繼續生
由佢地仔女活到一個歲數就生cancer
然後用大量資源去醫佢

1. 行優生學，人類既數目就會減少，而且每個受優質教學，佢地會唔會做低職位呢。至少我已經見到香港唔會，紮鐵夠高人工，而有幾多大學生會讀完大學去紮鐵做地盤？如果要精英做垃圾工，點解唔由唔精英去做垃圾工？
2.唔係機率問題，而係你有冇能力去判斷既問題
3.行優生學即係”有用”既基因先留低，”冇用”既基因會慢慢del喎，咁”冇用”既基因點留落去。如果”美斯”被定義為冇用，即係美斯呢種基因會慢慢冇左，自然唔會出現有c朗體能既美斯。

咁邊個做搬運洗碗售貨員

有優生學的話，你岩去集中營

係㗎你點知啫
有所謂癌細胞基因又唔係一定會生cancer
到佢生cancer嘅人紀on average創造嘅價值都夠皮啦
家陣養佢唔起咩

呢個世界全部人都係either die or live long enough to have cancer㗎啦
真係咁都要優生咪淨返啲鼴鼠...sor 太樣衰所以都係要死

1.你而家見唔到係因為優生學根本唔存在，如果你同意低級工種必須有人做，咁即使去到個個社會依然會有人做，係形式同人工問題。
舉例，假設掃街今日變成5天工作輪shift，人工高而家五倍，你估下幾多大學生會做？

2.優生學邊個決定邊個有資格生我諗係千古難題，但都係個句，每一個社會學model都唔係完美。如果佢有好處就有討論價值

3.有用基因會留低，無用基因拎走，但人既演化都係會繼續。同埋足球天才基因呢樣野本身就好奇怪，如果你將佢理解成肢體協調，空間感同運動能力，前兩者未必可以量化，但運動能力絕對可以。

真我願意自殺為世界清除垃圾

咁唐氏同弱智呢

唐氏本身已經好難由唐氏患者遺傳落去 (胚胎發育唔到)
弱智首先有一大班唔係因為遺傳而弱智 仲要有人肯揀先會有基因遺傳落去
優生學又唔會阻止到父母正常嘅唐氏病人同弱智出現嘅 哂氣

睇完Brave New World可以諗下可以有幾地獄 優先學involve到existentialism同ethic等等問題
人點解要生存D咁辛苦 大家要係社會度爭餐死
我而家唯一既答案就係資本主義既道德觀既問題
唔容許唔努力既人存在
但天生人係咪要將時間每日8粒鐘去工作跟住訓覺 過大半生 有時間就消費你揾到既錢？ 共產主義就變成好吸引既一套理論