上回講到師父講故~講一個年輕英雄點樣將惡魔放逐嘅故事~
誰不知原來所有嘢都係惡魔嘅精心安排!
年輕嘅英雄啟動審判程序!卻親手創造一個新地獄!而自己亦慘困喺呢個新地獄之中!
不過年輕嘅英雄即嘗試體會地獄嘅痛苦!
然後就到阿月爸爸講故~
話新上任嘅統治者乜都唔識~不過好彩就係有班得力幫手幫助~
當然最重要就係最愛嘅人喺身邊啦~
阿月媽咪帶住莞爾一笑:「嘩吖...好多人㗎...你唔怕羞我怕吖...」
呃...係咯係咯...好老尷㗎嘛...
阿月爸爸帶住尷尬嘅傻笑摸摸頭:「唔好意思...太有Feel喇...忍唔住就講咗出口...」
在場嘅其他人都冷眼打量住阿月爸爸...
「咳咳...」阿月爸爸咳兩聲,「而事實上...身邊所有得力嘅幫手...其實都係聽從惡魔嘅指示...」
耶穌伯伯搶住講:「喂...連你都話我係惡魔吖?!」
阿月爸爸冷眼打量住耶穌伯伯:「都唔係第一日㗎啦...由我知道你嘅真正身份...我一直都視你為惡魔㗎啦...」
耶穌伯伯無奈咁擰擰頭:「所以話親生子又好~半邊仔又好~都係信唔過~」
阿月爸爸同師父異口同聲:「係信唔過就唔會幫你做咗咁多嘢喇...」
做咗咁多嘢...
阿月爸爸同師父...都幫耶穌伯伯做咗好多嘢?
跟住嘅劇情發展又會係點呢?
準備出文