《香港傭兵》(54)

上回講阿月爸爸佢哋係想以Sacred-Armor將地獄變成天堂！
係唔係真係咁易吖？
科技…Sacred-Armor就係科嘅技帶嚟嘅產物...
飛揚從未接觸過...只係由團長口中聽過...以前呢度係充滿科技嘅地方。
審判之日之後，電能被瓦解...科技隨之而失去。
耶穌伯伯話打完就嚟聽故仔～
耶穌伯伯講起三原核嘅事！
耶穌伯伯點一點頭：「我哋人類呢個文明...千千萬萬咁多年...雖然唔係有好多人發現到三原核嘅存在...可以話就只有我...喺死海文書之中參透到～」
師父冷眼打量住耶穌伯伯...
耶穌伯伯帶住慈祥嘅微笑：「我知你又想話我認叻吖嘛～OK繼續～三原核唔單止創造咗呢個宇宙...連同宇宙裡面嘅萬物...佢哋仲潛藏喺萬物當中...而且含量被巧妙咁安排好～」
含量被巧妙咁安排好...
耶穌伯伯繼續講：「巧妙咁分配喺萬物當中...而三原核係有機會轉移到或者聚合到其他物體身上...當然個含量亦唔會超出某個水平...被自然地控制喺某個水平～」
被自然地...控制...
耶穌伯伯繼續講：「喺某個水平之下...宇宙萬物就得以平衡咁運作～宇宙擴張又好～星體轉動又好～超新星爆炸又好～太陽熄滅又好～週期循環又好～衰弱又好～生老病死又好～種種～種種～」
種種...種種...
耶穌伯伯繼續講：「而當中值得注意嘅係...喺生物方面...」
喺生物...方面...
耶穌伯伯指一指住自己...又指一指住在場所有人：「三原核有種好得意嘅特性...就係幾鍾意喺有智慧嘅生物之中聚合...例如我哋人類～」
喺有智慧嘅生物之中聚合...例如我哋人類？
跟住嘅劇情發展又會係點呢？



準備出文

今晚出完