其實都幾好丫
唔知幾多年冇出現過啲Fans為左自己偶像而同人鬧交既畫面
同埋我覺得依兩年香港樂壇終於冇咁悶
有啲新人出現,新曲風,甚至偶像都有
我自己其實2010年左右開始少左聽廣東歌
雖然都會係youtube禁黎聽,但係就覺得好悶,冇乜特別,好似年年啲歌都差唔多咁
但依兩年終於唔止陳奕迅張敬軒容祖兒
牙醫,陳健安,Jay Fung,Aga ,小巧
依堆開始上緊位,樹立緊自己風格既作品
林家謙,Jace,吳林峰,甚至Mirror
依啲新人已經好似唔係以前唱K歌既新人咁
佢地既作品唔多唔少都代表緊自己
其實我覺得Mirror係幾成功, 令到多左一班妹妹聽番廣東歌,同埋終於有番啲跳舞歌,唔駛咁悶
我相信每個歌手都一定有啲fans係比較激動既,不過偶像都有責任教下自己啲粉絲,唔好咁瘋狂
不過我樂於見到多左人討論廣東歌