首先因為收到太多令人震撼嘅消息 我想係一開始同大家宣揚
千萬唔好去寵物店購買任何寵物 唔好再比呢啲鋪有生存既機會
呢個po主要係整合返柏雅點樣前言不對後語同埋寵物店背後嘅黑幕
首先 我想喺度感激Olga唔怕比佢班信徒追擊 講事實既真相出黎
佢係獸醫助護 都係貓界入面算係比較知名嘅人 佢都收過唔少由柏雅發出既針卡 但係佢重點懷疑唔係冇打針 而係點解個打針時間同一般唔吻合
跟住 你哋話我好執着支筆 喺度講埋啲咩原子筆都刷得甩既廢話
以下呢度有一張係親自去你哋診所打疫苗嘅針卡 我想問點解呢張唔用嗰啲閪筆呀柏雅
https://www.instagram.com/p/CBzWPJvjEvI/?igshid=12wpr7gq2meoj
呢條片係卡主試下擦唔擦得甩
跟住就係前經x既員工爆料
柏雅 好啦而家唔講用支咩筆啦 但係你一直都話如果你哋修改嘅話會簽翻名同chop印
咁請問呢張針卡點解下面有茶左你個簽名但係你冇好似你所講再簽返名同chop既下
你唔好話呢個簽名係寵物店冒簽呀 同之前嗰啲都係一樣㗎
為免大家唔清楚江醫生既簽名 又或者佢哋唔承認係江醫生打 我喺度為大家送上江醫生既簽名集 因為佢一個人有幾個簽名 我想方便大家對比下你哋個簽名係唔係江醫生打
另外亦都有前VA既爆料
我喺度想引用我獸醫同我講嘅一句 只要支針唔係你親自帶佢去打 你都當冇打過
因為已經不約而同聽到有苦主話明明齊針都有fip
柏雅你係咁話你比人莊 咁我想問如果你做足程序點樣俾人莊到你呀你自己啲嘢都冇寫清楚落去 最簡單連體重都冇寫到 咁樣你點知落幾多藥呀?唔好再同我講私隱條例呢啲廢話 你連你自己個實務守則都冇遵守 學人講私隱 同埋我想話俾你同你班信徒知 私隱條例只適用於在世既個人 並不包括動物架 橫掂你啲針卡都冇寫清楚主人資料 咁點解唔俾得我呀