[拉麵獨立 唯一出路] 拉麵/沾麵集中交流區(10)!!!

隱家咁，自己食幾次ok, 不過見過ching話唔得，可能唔穩定

隱家原本個師博開架

但唔係好既拉麵唔應該靠味精架咩？

上次去冇大媽店員wor

好既拉麵要靠味精架咩？
我以為味千先係味精

就咁食都好好啦

味千係本身個湯底唔入流 , 要靠味精拉起個味
而正常拉麵店其實個湯煲得靚係唔使落味精 , 不過好多都落
我估係想再一步增加個味 , 就好似香港好多中餐廳明明用料唔差都落味精咁
味精起源係日本 , 佢地對味精嘅抗拒冇我地咁大

又講日本嘅拉麵又會有人衝出嚟屌唔好用日本標準同香港比不過都忍唔住講兩句

間嘢叫「博多拉麵」即係唔理佢正唔正宗都當係北九州嘢嘅前提
首先巴打有冇去過北九州食北九州嘅拉麵先？（福岡佐賀嗰啲啦）
拉闊啲個地圖嚟睇，十間主打豬骨嘅有九間都落味精，未試過的話他日有機會可以去試下，去之前google下邊啲係純豬骨／醬油豬骨／魚介豬骨／清湯，之類
個人經驗係落得比較少旨味物質嘅濁湯比較難吊起豬骨湯好味嗰部分

跟住就係點解落味精
承上部，味精係人工抽取得嚟嘅旨味物質
含有豐富旨味物質嘅天然材料，不外乎昆布、醬油、鰹節、乾冬菇等等，多數係日式高湯常用嘅
拉麵湯通常分三部分：湯底、醬汁（タレ／カエシ）、香味油
咁假設煮一碗純豬骨湯，走醬汁，理論上旨味嘅部分就要加啲人工旨味補足，即係好似屋企阿媽煲湯唔落鹽差咁啲嘢除非令堂煲湯勁，好羨慕
落味精多定少就係啲舖佢哋選擇，好唔好味同味精多寡冇直接關係

結論就係冇味精又好好味嘅豬骨濁湯唔易搵，搵到的話恭喜晒
上年先有間小倉附近嘅退休唔做

中環健康食品拉麵，有超硬可以選擇
灣仔個間未食過唔知

其實味精本身就係日本仔發明，原意唔係啲咩衰嘢嚟，最初嘅味精係純天然提取，用意係增加「旨味(umai)」，係後來啲人溝好多化學劑入去先搞到佢嘅形象又唔健康又生cancer咁

以前喺高登拉麵post睇過一篇文：

(唔係想針對人,所以分開回覆)

其實呢對於落味精呢回事....我想講大家唔好以為係D低級/香港唔正宗拉麵店先落
其實係日本出名既拉麵店都會落

同埋有巴打話唔落味精先係正宗豬骨味.....我夠膽講如果有日佢真係去食(剩豬骨湯加落鹽) VS (你平時食開有味精既湯)
你係一定覺得有味精時係好食D
大家唔好FF太多,如果長時間煮出黎既純豬骨豬腦湯係唔會香...係應該臭!(唔落調味料的話飲落都唔會好重味, 只會聞到臭豬酥味)
有試過日本舊式豬骨湯底拉麵店既應該聞過呢陣味
點解話你地FF呢?
因為豬骨湯由煲開10個鍾變20個鍾,個湯唔會"香濃左",只會"杰左", 因為入面都係D骨髓同豬腦
假如本身煲10個鍾已經出哂味, 你再煲都只係收乾水, 唔會更美味
但係好多人都有錯覺就係D豬骨湯煲左好耐就好好味.... 呢樣野我聽過好多人講

就算係被高登追擊既拉麵達人都唔會用"煲左幾耐", "有無味精"去評價一個湯底
咁唔知大家俾評價人地碗麵時, 又會唔會好care會人地落味精呢？

仲有關於有人問點解要有叉燒，蛋
再加味精呢樣野，想係到講多少少

一碗日式拉麵最基本套路就係以下呢幾樣：

麵 (主糧)
湯 (e.g雞/魚/醬油/味增---決定拉麵風味同特色，個別湯底會有特定相應麵種配搭，例如豬骨配幼直麵。 )
醬料 (e.g日本醬油/麻油/豬油/味精/盬/糖 --決定湯底味道不可或決既部份，不過大部份人都只係識湯唔識醬既重要。 有幾重要？ 好似呀媽煲湯落盬咁重要)
主食 (主糧以外既主菜， 通常係叉燒，亦都有海鮮/牛肉/豬肉片等等)
副食 (用黎配搭主食既配料，多數係荀，有錢咪加隻蛋。。。)
香味配料 (用黎提味，一般係蔥/芝麻)

以上咁多種元素都有個日文名既，不過我唔記得

以上講既係基本套路，所以點解拉麵會跟叉燒就好似問細蓉點解要跟雲吞一樣，都係傳統黎。

而味精，豬油都係常見既醬料原料一部份，其實無需見怪

轉頭去港島食，有咩拉麵推介?
只需要唔係藍就得
最好近總統戲院嗰頭，食完去睇戲

唔好食

黃店中台風。R算最近

尖沙咀厚福街麵処一家

灣仔o個間依間好似變左主力做飯咁(午市至tea time)

尋晚食左轉不如歸
上餐速度快到呢

個人覺得好食過依家深水涉隱家

梅光軒

我係以為d味精係化學整出黎，咁如果係天然我冇問題既
btw，2年前去過福岡，去之前上網搵左好多出名又高分既拉麵，去到試左好多間豬骨湯，唔知點解全部都勁普通，同香港食差唔多質素咁，覺得中晒伏唔知係咪豬骨湯既極限就係咁

食完幸拉麵，啲荀好大陣味同埋可能我叫白豚 個湯唔夠鹹，可能叫味噌嗰兩個好啲，我俾合格以下

香港啲豬骨濃湯冇豬味，福岡嘅豬骨清湯豬味都濃過香港嘅濃湯，雖然有啲好臭
有啲舖都ok，想翻食，我垃圾口sorry
仲有啲區好那遠又要夾電車／巴士班次，每半日先食到一間

點為之好多間？

福岡好似大部份都係豬骨湯咁，試左3定4間都覺得好麻麻，唔想再risk

openrice睇到係博多拉麵，唔通真係博多拉麵好難好食

覺得點?俾幾多分?