(穿越、娛圈、政治)回到1998奮進篇(24)
春泥
311
回覆
83 Like
0 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
鈴聲可以寧靜
2020-05-15 10:59:14
有晒人板啦 「上帝叫我參選」
春泥
2020-05-15 23:05:44
文光義的話說得對極,就算Michael Jackson、披頭四、麥當娜再受歡迎亦難以比得上耶穌的萬分之一。
我所提及的多位國際巨星已經光芒萬丈得讓我難以直視,可是文光義的說話完全超出了我的想像,他說的是傲立整個人類文明的宗教偶像,巨星再大再亮亦會有暗淡隕歿的一天,然而那高懸在天上的太陽則會永恆的存在,就算我們這一代人離去,祂依舊照亮往後的世世代代,永垂不朽。
文光義的說話讓我愣住了,他續道:「全世界有十幾億信徒嘅天主教,你能夠想像到佢背後資產嘅數量係一個點嘅天文數字嘛?某啲國家甚至可以以宗教主導國家嘅行政方針,宗教偶像比起流行偶像有影響力得多。」
文光義說到這裡,我的腦袋才再次運作起來,我苦笑道:「你嘅意思係要我創辦一個宗教?成為嗰個宗教嘅教主?你講嗰種宗教嘅影響力,要用千年以上嘅時間累積返嚟,一般創辦嘅宗教團體,點可能可以做到咁大嘅影響力?」
文光義道:「你知唔知基督教、伊斯蘭教、猶太教都係拜同一個神,只不過係唔同嘅代言人,如果你嘅宗教都係信同一個神,而偉大嘅聖人不過由耶穌同穆罕默德換咗做睡仙陳搏。」
我詫異道:「你嘅想法實在太瘋狂喇!點可能將西方信奉嘅上帝同睡仙拉上關係?」
文光義道:「佛教由印度傳入中國都俾中國人重新演繹啦!只要有啲知名嘅權威學者支持你嘅說法,就會成為事實,而且宗教最重要嘅係神蹟,之前你都已經喺公眾面前展現過依種能力。」
文光義的想法實在太瘋狂了,而且只是一切只是建基於一個理想的想法。
發夢王李大有
2020-05-16 00:31:59
寫到咁敵基督
月夜神
2020-05-16 02:51:54
立教建軍北進殲滅共匪
春泥
2020-05-16 12:09:33
邊樹有
癌症病人(語癌)
2020-05-16 19:20:43
寫到好似要整個邪教出嚟咁
到湯仲謀出嚟就搵邪教徒嚟擋刀
睡仙
2020-05-16 23:09:21
正呀
睡仙
2020-05-16 23:18:55
見過咁多事 其實成知點對佢自己最好 雖然可能會受無間苦
究竟人係咪生而邪惡 我唔知
但面對究極嘅邪惡 點解仲要堅持絕對嘅善良
成仲有揀 我哋冇
春泥
2020-05-17 00:47:33
文光義好像洞悉我內心的想法,他道:「你可能覺得我嘅說話好天荒夜談,但係我有實際嘅可行方法,如果真係如你所講你師父係有預知能力嘅睡仙陳搏,咁你就可以用預知能力喺金融市場、賭場去搵錢,然後用你嘅能力去認識一啲商賈名流、政要學者,建立人際關係網同名聲,再用依層關係同銀行借錢重覆操作,當你嘅資產累積到一個水平,就去投資科技、媒體、電訊、物流、娛樂事業。講起科技,雖然依家科網股出現泡沫,但我覺得互聯網嘅潛能未完全發揮出嚟,只要將來有一種方便携帶嘅器材結合互聯網,人類就可以無遠弗屆、唔受身處地方嘅影響去透過互聯網處理生活所需。掌握最尖端嘅技術,就可以掌控世界嘅命運,科技遍及各項範疇,好似醫療、航運、能源、影視……」
我是一名穿越者,目光超前這世代的人並不奇怪;可是文光義只是一名普通人都有如此高瞻遠矚的眼界,真是非常難得。
「……媒體:作為監察政府嘅第四權,佢可以作為自己嘅喉舌發聲造勢,可以向公眾揭露真相,同將你嘅想法傳遞俾大眾,運用得好甚至可以鼓動群眾,向政權施加壓力;電訊:講返之前嘅互聯網,我覺得手提電話就係最適合結合互聯網嘅載體,如果他朝科技能夠發展到手提電話成為一部Pocket PC,手提電話成為一部集影視娛樂、通訊、理財等嘅多功能裝置,成為人們必不可缺嘅產品;物流,隨住科技嘅進步,嚟緊我覺得人們唔會再停留喺舊有嘅消費模式,好似電視購物、電話購物咁,我覺得遲啲網上購物漸漸會流行起嚟,物流係一個好傳統嘅行業,但係隨住科技嘅進步同消費模式嘅革新,依一行都會作出改變。娛樂事業係一種傳遞文化嘅軟實力,唔同階層人士都會聽音樂同睇電影,觀眾亦會不知不覺間被音樂同電影潛移默化咁影響,當年香港就係透過電影、音樂、電視劇向中國、台灣、南韓、東南亞輸出文化;而日本嘅動漫、電子遊戲;荷里活嘅電影就係向全世界輸出文化。中國古時嘅音樂係一種道德教化嘅手段,係約束人們嘅工具。只要你掌握咗我講依五個行業,互相遞補,再利用你擁有嘅預知能力,你等於創造咗一個宗教。」
春泥
2020-05-17 01:00:47
作為成皇志嘅敵人
湯仲謀當然會升lv
Hernandez
2020-05-17 01:16:31
文光義真係都好似未來人
發夢王李大有
2020-05-17 01:18:56
Facebook
呂靜宜老公
2020-05-17 04:06:49
莫講係大鳩志
就算係讀者呢幾篇都要消化下
單吊西
2020-05-17 18:14:49
嘩,不得了,開中晒成教主果範
大比中比細比
2020-05-17 22:28:33
一早都估到係
春泥
2020-05-17 23:11:59
文光義所說的話震撼著我,但如此石破天驚的說話細心一想並非完全不可行。如果我真的要成就文光義口中所說的大業,文光義絕對是必不可少的一員,他的說話豐富了我的想像,我空有掌握歷史軌跡的能力,可是我並不能完全發揮自身優勢,文光義的策略能夠把我的優勢發揮出極致。自強會就是缺乏文光義這種具備戰略眼光、運籌帷幄的軍師,一直在自強會充當這位置的陳依官,他的優點是人緣好、親和力強、為人公道,但是並沒有文光義的頭腦和眼光。
文光義向我說出這個大戰略,猶如當初諸葛亮向劉玄德說出隆中對,照亮了劉玄德今後的路向一樣,我今後的路向也會被文光義這一番「車上對」所影響。
文光義見我久久不語,問道:「我嘅說話講完喇!你究竟係接受易星宿嘅邀請,定係走上一條成皇封聖嘅道路?」
加盟星旺看似與文光義所說的「車上對」沒有相悖,其實不然,如果我簽了星旺,便只是易星宿的其中一名歌手,順位在伊申清、凌風之後,先不論星途前程,我每說一句話都會受到易星宿的約束,甚至會被對方強迫我做一些不願意做的事情,說一些違心的說話。成皇封聖的人怎可以受制屈服於他人,宗教領袖從來就不會就範妥協。普通人絕不會拒絕一筆七位數字的加盟費,然而難得我擁有這得天獨厚的奇遇,難到我還甘心去走一條普通人走的路嗎?
我笑道:「你嘅說話令我嘅野心膨脹到幾千萬已經滿足唔到我,正所謂『寧為雞首,勿為牛後』,更何況成為一個最有影響力嘅偶像真係好吸引。」
文光義點頭道:「成皇志,你要有咁嘅志氣先對得住依個名。」
我道:「你導咗我上依條路,你一定要幫我。」
文光義道:「依家未係時候,等我處理完一啲私人事,同埋等你真係做到成績,證明你真係有咁嘅能力,我就會幫你。」
我伸出手,道:「嚟緊依兩年我會証明畀你睇,我係有能力值得你輔助。」
文光義握著我的手,道:「拭目以待。」
翌日,我到了星旺的總公司,當面拒絕了易星宿的邀請,易星宿皺著眉道:「有其他公司出嘅價高過我?」
我搖頭道:「易生,行內無人出嘅價可以比得上你。」
「咁係咩原因喔?你要咩條件?可以講出嚟。」
我道:「易生,你開嘅條件好優厚,不過我想嘅係自己可以話晒事。」
易星宿哈哈一笑,點了點頭道:「你好貪心,不過我欣賞你,我做唔到你老闆,不過希望可以同你成為朋友。」
「能夠同易生交朋友,係我嘅榮幸。」
當初我因為湯仲謀而加入娛樂圈,希望加盟星旺這種班霸公司,可是當星旺以優厚的條件網羅我成為旗下藝人的時候,我又以別的理由婉拒,當真世事無常,我作出如此選擇不知是福還是禍?
第二部曲第一季完
癌症病人(語癌)
2020-05-17 23:19:27
有文
春泥
2020-05-17 23:21:35
各位遲啲再見
第一季完
jonny孔仲尼
2020-05-17 23:28:40
好好睇
幾時有下一季
Hernandez
2020-05-17 23:30:14
咁樣完左
又要等lu
春泥
2020-05-17 23:34:03
多啲鼓勵支持,動力大啲,就寫得快啲
快樂的SA
2020-05-17 23:55:44
推
游大輝
2020-05-18 00:45:54
第二部曲有幾多季嫁?來季幾時會出?春巴加油,到時再見
岩瀨健(三)
2020-05-18 01:21:47
春巴休息下好喇 唔好太耐呀
八哥肥趴古
2020-05-18 01:49:19
比少少甜啦...睇左幾年啦
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞