是咁的，我又比人呃蝦條了

係啊 我明巴打你講咩
宜家開始要清晰一下自己思路
今晚遇到d事
所以用左時間黎重新審視自己既價值觀
聽日訓醒即刻寫
保證會up 2-3篇
對唔住要大家等多一日了

油巴我要聽日先出到啊
對唔住聽日追更

唔緊要
我都唔想你咁夜出文
聽日補返數啦
快d訓啦

係咪有唔開心嘅事呀

好 聽日補翻數
本身係有啊
所以要好好閉門自省

加油呀

講出嚟會唔會舒服d呀

樓主加油啊

唔開心呢度大把人同你傾

我覺得睇你有幾了解果個人 而果個人有冇乜嘢收收埋埋已經了解到
好奇八吓每一次因乜原因沉船

（九）死胡同
人性總是犯賤，
明知道前面的路已被封死了，
偏偏還是執意前進。
到最後，被困在死胡同裡，
仍然死心不息，
想爬過那高聳的圍牆。
但無知的他們，
卻不知道圍牆背後，
原來是陡峭的懸崖，
還沒有回過神來，
便掉入萬丈深淵，
再沒有重見天日的一天。
--------------
「領部手機黎睇過！」Iris二話不說把我手機解鎖了。
還沒有等她看完，Bella便一手搶過電話，
肆意查看著我跟每個男生的對話，
我猶如赤裸裸地站在她們面前。

「呢個呀曦就係你頭先講果個男仔啊？」Iris性急地問道。

「咁悶既，你地既對話內容，都無點flirt既！睇埋其他男仔先。」而Bella的語氣裡則帶著滿滿的嫌棄。
隨即她看著我跟其他男生的對話，都是一些不重要的閒聊，也沒有半點越軌的成分。

「你地見啦，我邊度識溝仔姐。同埋我覺得呢個男仔唔係好似其他狗公咁兩三下就講到性，所以幾好。」當時的我真是太天真了。

「不過我都係覺得你地既對話同普通朋友無分別囉！悶到死！一d都唔似曖昧中！同埋啊，你覆人咁多係唔得架！」Bella突然化身兩性專家。

「你知道架啦！人類就係你越覆得佢多就越唔想覆。呢個係人性。」梳著兩條小辮子的Jenny也放下相機，加入討論。

「不過你成日講到自己咁多仔，仲以為你好識flirt，點知原來你呢方面係零。」Bella繼續火上加油。
「我無講過自己好多，只係你地見我換男友比較密姐。正正就係因為我根本唔識溝仔，所以咪成日識親d仆街囉！」快被逼得要哭的我為自己辯駁著。
「如果可以有一段好既愛情，我就唔使成日換啦！」我接著說著。

「你呢d咩邏輯啊？咁係因為每次你分完手都話無事，放低左，之後好快又識到下一個。咪以為你係玩架囉。點知原來你根本就玩唔起！」
Bella的語氣慢慢軟化下來，不知道她這樣是同情還是怕我生氣。

「咁我宜家應該點做啊，我聽日就要見佢喇。」
我焦急地問Bella。

「唔好覆佢，直到我地離開長洲為止。」Bella說罷，用寶麗萊拍下我焦急的醜態。

---------
他和我一刀兩斷的前一個晚上。
洗完澡後，我和呀曦在房間裡沉淫在音樂的極樂世界之中。
我不斷想跟他說一些生活趣事，
他卻心不在焉地敷衍回答，
看來他又心情不好了。
喜愛聽英文歌的他，
不願放我點的中文歌，
只自顧自地放著Coldplay的歌。

現在的我回想起，
如果說怨恨一個人會怨恨他的一切，
那恕我恨不下他愛的Coldplay。

放著Yellow的他，一邊聽著音樂，
一邊跟著節奏甩頭，
那模樣可愛極了，
忍不住哈哈大笑的我跌坐下來，
半躺在床上。
「做咩啊？好攰啊？」他捏捏我大腿問著。
「我企左成日，對腳就快斷喇。」
看到狀甚可憐的我，他主動提議幫我按摩。

在暗黃的燈光照影下，手勢純熟的他，
按捏著我身體每一個部位，卻又剛柔並濟，
要不是下一秒他突然把我抱起，
我定必會睡著。

他用強而有力的臂彎抱起我，
讓我坐在他大腿上，
然後輕輕地親了我一下。
「今晚你可唔可以陪我啊？」他明知故問。

我還是推開了他，
「頭先打比你嗰個人係邊個？」我裝左平靜的問道。
「邊一個啊？」他一臉困惑。
「頭先得一個人打比你渣嘛。叫做棉棉果個。」我接著說。
他沉默了一會。

「哦！果個我個friend黎架，住我對面既，成日12點幾就會叫我落去吹下水。無野架，識左好耐架啦。」他摸摸我的頭回答著。
「咁你個friend係男係女呀？」我鬆了一口氣。
「當然係女啦，唔通係男仔咩！」他還理直氣壯的答道。
當時的我一定是被鬼掩蓋了眼睛，怎麼會像傻子一樣相信這些荒唐的話？

還沒有反應得及，
呀曦卻突然把我推下來，按在床上。
「我宜家就要食左你。」他露骨的一句配上欲求不滿的眼神，這晚看來我是兇多吉少了。

今日好翻好多喇
放心油巴

多謝你絲打
我其實琴日係嬲自己多。
開始懷疑自己既待人接物係咪好有問題，
所以先會成日識埋呢種人

我都唔知自己點解無啦啦會沉
好多人扮到自己無野收埋
你一日唔到撞正果刻都唔會知

btw終於up到文
出左去做野成日
聽日做宅女希望可以up 2-3

真係冇事？

你好翻d就好啦

唔好自己諗埋一邊呀

係啊 我好翻d喇
每次寫文寫歌就係令我心情可以放鬆d既時候

咁你寫多d歌同文啦
放鬆下心情都靚返晒啦

樓主有冇打機呀
仲有你快d訓啦

敍事手法幾特別 好睇

又未必嘅 但反省下自己同面對自己都係好事

係啊
宜家無得週圍去玩
寄情寫野真係可以令我忘記好多唔開心既野
無打機呀點解咁問既

多謝火神巴g持

都係
我都好想有一段美滿既愛情 喊出黎

冇啊
我成日都問人有冇打機㗎
睇下有冇玩埋同一隻game
可以一齊打機呀

打機都可以放鬆心情
試吓呀

推