達明一派真係好L正

但佢地 d 野實在太copy morden talking 。

https://youtu.be/4kHl4FoK1Ys

https://youtu.be/4WfnfRbS2lQ

到而家香港都冇乜人超越

係有啲唔同

Raidas出得1隻ep 2集album就收皮
2隻album都進化得好明顯
唔計傾心果類港式情歌
仲有好多香港當時未出現過嘅曲風
同達明風格相比，係另一個世界（唔係話邊個好啲）
「傳說」曲詞編都係前無古人（香港而言），第一次聽完真係成個人呆左仲去圖書館搵返林夕歌詞中嘅典故

拆夥前最後一隻碟最正（藍色果隻）真正玩大量modern romance,同eurobeat，但好快就成隊野收皮

達明我細個時屋企人買落幾隻唱片
那個下午我在舊屋燒信
溜冰滾軸

啱兩隻曲風都好唔同冇得比 但係我覺得劉以達認罪咁多年嘅出產品質都好高持續性好勁

係嘅咩😂😂以為鍾意張國榮嗰啲

唔知嗰啲美術依家去晒邊 真係唔見到佢哋嘅蹤跡 依家香港啲唱片封套係一坺屎

我都係Spotify越聽越上癮 最後決定開post

可惜已經好少產量

Raidas真係好正

加埋夾住林夕 比晒佢發揮佢啲創造力

詞曲都一流

愈快樂愈墮落主題曲，明哥唱別有一番風味
同管絃樂團合作個版本又係好鬼正
https://youtu.be/vh9s_NtnQi4

唔講唔知，留名一陣返睇

其實我知有好多人覺得達明係唔值得攞金針獎 覺得佢係奇怪組合 唔入流 我心諗 咪又係政治原因啲人抗拒 單純討論音樂性 攞返啲歌出嚟每年攞出嚟重新嗰啲流行曲比都唔知應該有幾多年嘅最佳作詞 旋律未輪到而家個批

高質評論，多謝分享

港樂嗰啲都好正 因為平時聽開嘅都係電子難得可以聽下管弦樂底

我都留名😵多啲評論唔該

如果唔係佢點講嘢點會疾下疾下

冇乜好講，係同唔係我地無乜機會知，與其估估吓，不如當佢係把口跟唔上個腦

你嘅回覆係我打字嘅原動力，興慶有人共嗚。

尼首正，聽過現場堅正

我都分享下個人聽達明、明哥既歌既心得：
之前睇過一個對談（無記錯係明哥、林夕、黃偉文一齊），明哥對歌詞係好揀擇，即使係好友如林夕填詞，亦都唔係來者不拒。所以大概可以咁講：黃耀明、劉以達響佢地既音樂作品上既角色，唔單止係歌唱、作曲者、編曲者，同時亦都係歌詞既把關人。可能因為咁，達明一派（明哥）既歌唔單止音樂風格別豎一幟，歌詞上往往值得玩味再三。

無論就創作背景，抑或歌曲主題而言，宗教絕對係達明一派（黃耀明）既歌既一大標誌。樓上孟末仲初之夏巴打對月黑風高國粵語版本既對讀，就係具體例子。

我曾經問過同樣喜歡明哥既朋友：「其實佢地有冇一首快樂既歌？」到哩一刻我都未搵到。後來發覺，哩個正正係達明一派（明哥）既歌的特點。達明既歌既歌詞所以普遍優越於其他歌手既原因係：佢地既歌充滿批判性，而冇推銷佢既信念或判斷。比如說，《十個救火的少年》表明講述一個拯救火災既故事，實則透露出更大既災難係人性所共同造成。又例如《甜美生活》，讀到歌詞最後「請歌頌 這一對 標準伴侶」，一下子令人警醒：所謂「美好」其實隱藏著刻板既危機。

最後，請原諒我寫埋「達明既歌既歌詞」哩D咁「橋口」既句子，因為佢地又唔係填詞果個，但佢地既歌既歌詞又有一貫既風格。而我成日將達明同明哥並稱，係因為我記性極差，成日都記唔清邊首係達明合作，邊首係明哥單飛後主唱。

我記得講過唯一推過林夕歌詞嘅就係得黃偉文同埋林憶蓮

我理解你第一段嘅意思就係 達明係整體音樂嘅把關者 佢出得就等於自己加咗個簽名 好壞都係計落佢自己度

你點醒我一樣嘢，就係佢地似乎冇一首真正快樂嘅歌。
又或者人生於世，本來就係樂與怒，無耐與爭扎之間擺動，冇絕對嘅自由，亦冇絕對嘅囚禁。
所以辛酸批判嘅歌詞加上快樂優美嘅旋律，就係達明一派嘅跟本。

快樂地悲觀，其實係一種黑色幽默，亦係無力改變大世界嘅前提下嘅一種生活之道，多謝你令我認真思考佢地有冇一首歌係快樂呢個問題。