我將街上面見到嗰部消防車，變成自己部私家車！！！

睇完呢個post都想學樓主咁買部退役Every
唔知而家呢一代離島消防車/救護車仲有幾耐退役?

可以分享吓喎呢個題目：

政府賣車以我所知有兩種方法，一就係拍賣，二就係招標（不過我唔識招標嘅詳細）。

拍賣車一般攞齊文件，去舉手搶贏架車，然後做廢氣測試（或者廢氣豁免好似消防車咁）,再驗車，海關評稅就可以俾錢登記出牌。

而有啲車就會招標（定某啲我唔識又或者係非公開方法），一批批咁攞走 。

依家嘅政府退役車好多都係非公開地出售，尤其係車齡低嘅車（7年）。感覺上車齡起碼15年以上嘅車先會拍賣，唔知點解。

如果好鍾情小弟呢款車，可以等F683 / F684 ，佢地係隸屬西貢同薄扶林局嘅支援車，以前都服務過離島。



轉載自 LHP ALP 消防＆救護 專頁

又或者可以留意吓 F981 F982，佢地冇記錯係服務坪洲同南丫島嘅後勤支援車。不過目測佢超過兩米高，同埋出唔出到私家車牌呢就睇你喇。

最近聽聞有漁護署嘅 suzuki every登記出牌，呢部就應該係招標/非公開方法買返嚟嘅車。

頭盔：以上資料純粹個人分析，本人唔會承擔任何責任，投資者所購買2嘅產品價值可能會變為零。



轉載自 HR586 Emergency Collection 專頁

老爺車可以唔使出牌，攝張permit就可以參與車會活動，詳細唔識

【後記 －一生一世】
何謂一生一世？其實好難可以落定論，話晒人未到過身一刻都唔知係身邊嘅，係咪就係當初認定一生一世嗰個人，又或者係嗰樣嘢。一個好好嘅人或者會離開自己，一部當年炒到成萬蚊嘅iphone 又可能連兩三年都捱唔過。

當初我都無打算將消防車長期保留，喺買車嘅頭一年幾乎隔個禮拜就諗住放棄佢，消防車一直都係閒置嘅狀態。直至一年幾後嘅某一日，攞住一舊電，一對過江龍電線，終於搭落架車正確嘅電池正負極之後，開總制，插車匙，踩極力子扭匙... 引擎聲跟住士撻（起動摩打）徐徐而起，引擎嘅震動帶入車廂... 事隔超過一年半之下引擎仍然冇半點怠工跡象，機件摩擦碰撞聲音恰如其份得有點離譜。

呢一刻我就知道，原來有啲人同事，係會默默等待自己出現，正如自己亦可能一直等待正確嘅人同事物進入生命當中。只有合適嘅時間遇上合適嘅人物，或者就係值得付出一生一世嘅理由。

加返條白腰帶啦

絕大部分政府車BOS嘅時候都會拆車牌 咁一次過噴曬4面車牌 拉花同字就好自然變成辨認嘅方法

有心思思想加，但唔知點加好
中間又唔寫得消防處

樓主出普通私家車牌冇任何限制，
老爺車車牌主要就係For左軚車，例如Bmw E30 M5嗰d可以係街行，但右軚都得嘅，
不過要報路線上運輸處，只可由A點去B點，同埋只可以參加香港老爺車車會嘅活動，1個月行一次
所以周不時會有d掛住外國車牌嘅老爺車係街行

加番條白色會好啲喎
巴打我欣賞你嘅毅力，希望你一直都咁愛錫佢

我覺得加左起碼令人見到會諗起係消防車先
btw 竟然比我睇到結局

今次準時入嚟樓主追夢好熱血
可唔可以講下點解當年睇到部車鍾意就夠推動力去做咁多嘢 到一路整車係咪都keep住個興趣
同埋都好彩投到 個阿叔竟然會同你爭

係嘅，雖然F686 都冇白線，等我諗諗佢

有時都好想分享，唔係話我拖稿呃正評，如果係我擺講故台啦。而係要做一啲同政府，同法例有關嘅嘢，好難話一時三刻就完成成個過程。更何況喺有限資源下，架車嘅零件，真係逐件逐件買返嚟。

直至依家，架車都依然好多缺陷，尤其是漆面質素唔好，同車身依然有多凹陷位未修補好等等。所以我唔會話呢個係結局，呢個對我嚟講，只會係一個開始。

請大家多多支持香港交通歷史保育，我呢架唔算得咩，因為仲有更多有歷史價值嘅需要大家支持！

生而屬於香港嘅車，比新鮮入口嘅優質老爺車更珍貴。

Jumbo Bus Hong Kong
https://www.facebook.com/JumboBusHongKong/

Island Vintage Bus
https://www.facebook.com/island.vintage.bus/

The Red Lantern
https://www.facebook.com/redLanternHK/

又唔係話好鍾意部車

只係當時嘅我係嗰種想做就做嘅人

諗到件事好似work就想實現佢嗰種

其實去到半路一直都好迷失，好想放棄，不過有身邊朋友支持，同埋同時間咁啱又有啲另外嘅老爺車需要幫手，分散咗少少注意力，日子又感覺上好過啲

同埋只有星期六日先有時間整，整到發現買漏嘢又可以等下個禮拜，所以好似個個禮拜都有啲寄託咁

多謝樓主既堅持

有生之年

n年前係高登定連登話拍賣買消防車果個係你黎?

完成品睇落一啲都唔消防係咁講咩追夢，情意結睇到有啲嘔心

見到你個username 好懷念諗起嗰陣喺杏花村站外等就好尷尬