我將街上面見到嗰部消防車，變成自己部私家車！！！

留名

lm

整好未

只能夠話有一個小結局
但你問我整好未
我會答未整好

我有段時間係長洲過
班消防好鍾意4.5點打排球
步操都有但好少 有時有訓話都係操場做
做得最多係海上練習 不過當時我人窮無錢買機影
當然無維港演習咁大型 唔同既係距離好近

【還原工程】
搬屋之後嘅日子，就係還原工程開始。目標就係將消防處喺服役期間嘅改裝同破壞（損壞都唔係輕微，話晒工作車）盡量修復到能夠通過驗車嘅狀態，再駛去去土瓜灣嘅驗車中心接受檢驗。

最大問題係將之前機電處改裝嘅地台板同埋隔貨網等等嘅裝備拆除，同埋將車身車外嘅缺憾一一修復。





（拆除消防處/機電署因左門鎖缺失而加上嘅拉釘鋁片，補回左門鎖組件。）



（更換生鏽組件）

由cd-rom睇到依家有account

g持樓主

呢個故事好多政府程序嘢
唔似得普通車買返嚟就揸得咁簡單

【水和氧化物】

喺提貨消防車之後其實一直都遇到一個好奇怪嘅問題，就係喺落雨天之後地檯面都會有好奇怪嘅積水，但係一直都睇唔到水嘅源頭。直至有一日將車內嘅絨面裝飾板拆除之後，就發現與水會由車頂改裝嘅天線接收口，滲入到車上地台中間。發現問題之後即刻著手修補天線上面嘅窿，經過修補之後漏水問題先至得以解決，托賴到依家到未需要翻手。




自問只係窮毒撚一個，連平價零件都要儲錢買嘅時候，補完全車缺失或者損壞嘅零件，還需身邊兄弟好友義助，我甚至有種感覺，就係要將呢一個過程玩得好好睇睇，要將消防車出牌，成為大家努力嘅見證。慢慢地，消防車就成為咗我三年間嘅寄託，又或者，成為咗我假期嘅伙伴。








三年嘅等待，修補車身嘅生鏽，補回缺失嘅零件，更換老化嘅部份。三年來嘅假日，都奉獻俾消防車嘅生活，就如當年嘅假期，消防車喺長洲陪我渡過一個又一個嘅美好日子。

【手續】

當三年之日一到，我即刻申請環保署廢氣豁免，接住半年後安排運輸署驗車排期，再去運輸署驗車，驗車之後安排海關評稅。無數文件來往，不斷證明自己係車主，不斷走嚟走去張羅一切所需要嘅。




然後終於到三年零四個月之後嘅嗰一日。

喺運輸署攞到牌簿，正式擁有人生第一架車，同時間成為嗰架車法例上第一個車主。之後去大坑利萬走左套車牌，開始我同消防車喺馬路上嘅歲月。




「Goodbye and thank you F672, Welcome home WP6039」

一段三年零四個月嘅旅程，將當初離島旅程擦肩而過嘅你，變成屋企嘅一份子。你代表我嘅假期，更成為我快樂歲月嘅一個小總結。



多謝大家三年零四個月以來嘅支持。

正文已連載完畢，之後會繼續分享啲小片段。
再次感謝各位。

呀屌你又幾感動
以前追post啲回憶返曬黎

冇呀，我吹水

拉post

成架車翻噴啦
同埋而家個樣同消防車個陣差好遠

其實好正好男人浪漫
但又好好笑
樓主份堅持好勁

好似唔俾用消防果隻紅色

無話唔俾嘅，係我配極都配唔啱色啫

成架車翻噴啦
同埋而家個樣同消防車個陣差好遠

好似唔俾用消防果隻紅色

最起碼都封隻窗同加返條白腰帶啦

有show嘅話會封返窗