我將街上面見到嗰部消防車，變成自己部私家車！！！

【提貨同埋土地問題】
喺拍賣成功之後，有一個月時間可以同所屬物品部門聯絡安排提貨手續。以我為例，我就盡量將提貨時間推遲，希望可以從中爭取更多時間搵到停泊消防車嘅地點咁囉。

好好彩嘅係，喺一個月時間裏面搵到一位朋友可以借少少地方畀我擺消防車，其實冇講幾耐，我都係借呢個機會諗吓後續點處理佢。

提貨嗰日係三個星期後嘅日子。一朝早嚟到天水圍消防局，拖車司機事先溝通好晒，準時嚟到接走消防車。






提貨之後，原本諗住直接將佢拖佢安排好嘅地方不過行程比想像中緊湊，原來打算將決拖去一個普通停車場泊幾日。再去朋友嘅地方。可惜嘅係嗰個停車場原來只准已出牌嘅車輛停泊。

所以將架車拖去屋企附近一塊空地擺住先，前後擺咗兩日。


好在鄰居都冇太大投訴。最後架車成功再次拖去原本安排好的地方停泊，雖然話臨時擺住先，但足足借咗一年咁耐。

附送當年tg group 既一張圖
其他網友提供：

件t shirt 仲有無得買 幾靚

大家都係

細搶？

唔係咁簡單架師父

我都想知

【第一次】

就係咁，消防車頭一年就係喺呢一塊草地渡過。呢一年係我認識消防車嘅一年，好多好多嘅知識同埋經驗都係喺呢一年裏面慢慢累積蓄同埋沉澱，有好多嘗試都係呢一年發生。最起碼，考咗車牌先吖。

好多年前睇過 估唔到追到黎連登都仲未有結局

當年睇過你po

咁就幾年了 睇番你依家重po覺得自己老左

LM

（第一次著車）

喺提貨嘅時候消防車已經跟埋車，理論上係有足夠現有嘅情況之下消防車係應該可以扭車匙就可以成功著車，不過事情唔係想像中咁順利。由於喺提貨嘅時候有時嘅消防車係唔著，所以唯有用拖車將佢拖去安排好嘅地方停泊。去到停泊地點之後嘅一年嘅頭半年之內我都一直都嘗試扭動車匙令到佢著車，但直至嗰一刻我都未成功過。




初時以為消防車唔夠足夠嘅電力所以先唔能夠成功著車，所以就買咗一舊外置電池電接消防車中排座椅之下嘅電池，但係點整冇反應。






之後發現乘客位好多電線，又發現乘客位之下亦都有一個電池，於是將外置電池連接到乘客座位電池之上...... 但車內電力冇任何反應嘅跡象，當時心裏面以為嘅電力系統出現十分之嚴重嘅問題，心裏面有啲打定輸數想劏車。直至有一日 --




嗰日去到探消防車，忽然想踎低望下消防車嘅司機位凳嘅時候，發現有一個塑膠製嘅窿，多手喺用支螺絲批插落去嘅時候，部車竟然識得響！




當時嘅我再畀呢一股聲音嚇親，定一定神之後，發現原來呢一個位置係電源嘅總開關掣。於是就上網買番呢一粒消失咗嘅開關掣返嚟，喺維修呢一個開關掣之後做車終於可以正常啟動。

一切準備就緒！扭車匙著車，引擎喺士撻嘅帶動之下，慢慢起動。瞬間之下引擎竟能完全正常起動！當刻嘅感動為我嘅保留計劃打下一支強心針。

因為現實生活中既結局發生左一個月左右而已

LM

（第一次享受冷氣）

之後每逢禮拜六日，探消防車已經成為我嘅習慣，其實每次去到呢塊草地探消防車都冇乜特別嘅嘢會做。因為當時嘅我實在冇能力，為呢一架消防車做任何嘅復修工作。唯一可以做嘅就係抹下車同埋著下車，同埋上消防車裏面hea，同埋開動冷氣涼快一下。

消防車嘅冷氣講唔上係凍，但係微弱嘅冷風已經令我好感動，嗰種冷風大概比芭蕉手提電風扇涼少少，似一部廢咗八成武功嘅四分之三匹冷氣嘅。

喺過去三年同消防車相處嘅日子感覺到冷氣嘅製冷一日比一日弱，依家嘅冷氣直情係同風扇冇分別。好明顯嚟緊需要投放精力去維修消防車嘅冷氣，如果唔係，熱天肯定冇人想坐消防車喇。


（抹走大部分噴漆字了）

屌，我以為回帶西

定時入嚟

回小小帶，如果唔係新朋友唔知我講乜

（第一次颱風）

二零一七年嘅天鴿，係人生之中最擔心嘅颱風。因為好擔心消防車會遭遇不測，話晒都係郊區，時不時聽到有車被大樹嘖爛...

喺天鴿吹襲香港嘅時候，相信大家都記得，連屋企都感受到風暴雨嘅威力。當時嘅我喺床上面輾轉反側，有一刻好想冒著風雨上去消防車嘅位置，睇下消防車有冇畀大樹整爛，隨著風暴消失喺大自然嘅洪流當中。

喺風暴完結之後，我即刻，係即刻去探望消防車，發現消防車嘅位置絲毫無損，心裏面即刻安靜落嚟。睇嚟上天都係鼓勵我繼續將消防車保留落去。

呢款個病床要直隊司機位, 好恐怖
明明日本本土都唔洗咁


vs
http://rise-nippon.co.jp/report/4953/

【尋找技術支援】
時間嚟到二零一七年嘅十二月。一年又過去，即係代表得環保署廢氣豁免出牌嘅日子又近咗一年，呢個時間又代表我應該著手開始消防車復修工作，尤其是消防處同埋機電工程署嘅改裝盡量還原至到原裝嘅狀態，令出牌嘅工作變得更加容易。

偶然之間，經過兒時既一個小記憶搵到一位朋友，都有收藏好多俗稱麵包車嘅小型貨車，梗係立即相約食飯交流心得！

我記得喺見面一刻佢已經表示可以提供地方安放消防車，令我可以開始修復消防車嘅計劃，當時嘅我十分之感動，因為難得可以咁容易就搵到位專家幫忙處理機械上或者車身上嘅難題，嚟到依家我都覺得好奇妙，或者，一切都是緣份使然。



2006年拍攝的可樂公司 Suzuki Super Carry
人生第一次接觸 Kei size 車
（拍攝者：我）

聖誕節之後，就迎來第二次搬屋嘅環節，不過今次有啲唔同，唔同嘅係消防車係離開拖車之後，終於可以用自身動力駛入 車位當中。

喺見到消防車能夠行第一段以當時嚟講已經好長嘅距離，我心裏面當然係十分之興奮，又十分之感動！嗰刻有種望見家鄉嘅感覺，但係其實仍然有一年半載嘅時間需要等待同埋準備。



當日拖車照片後補
（拍攝者：我）