濕疹真係好煩好困擾！

有做過 但係個範圍極大
中大豆 小麥真係死撚緊
試過跟住戒足三個月 改善唔係冇 不過唔太有效
同埋致敏源係有機會轉
呢啲好睇人 我自己就比較關天氣事
轉天氣點都會敏感啲
死海鹽都有用 但用到依家埋哂傷口
得返啲巢皮 乾 反而唔知點好
btw都建議做 打個針就搞掂
重有本書教你食咩

有冇平靚正既lotion介紹

燕麥覺得有少少粒

Ceptapil restoraderm moisturiser

我係mineral_ _ _ _到驗
驗左203種 $4k 左右
我唔想驗完原來仲有未知嘅敏感源
我完全戒得晒 我都係大豆小麥 同好多豆類
仲有一大堆白痴敏感源
有心要戒就戒到 俾d毅力同堅持
你要煩定要繼續濕疹丫？
怕煩就繼續r到成身損手爛腳啦


初初係好唔適應 好難戒架
每次食野都要諗諗自食
但你長期俾濕疹困擾仲煩啦
戒下戒下就會好似scanner咁
每樣食物都知佢成份會唔會有致敏源
真係唔記得記拎返個表出黎對下
全部無問題先食


食每樣野都睇標籤 通常會有contains字眼
屋企用無麩質無大豆蠔油（仆街藍屍士多有賣）
最好就盡量唔好出街食
叫屋企人盡量就下你食得嘅菜式
出街一定唔可食正常野
建議唔好約人出街食啦
人地一定要就你睇完餐牌有無野岩食先去食
每樣餸都諗下佢用咩醬煮 同用咩材料整/制造
你當你自己要煮一次該樣餸 就會拆到成份出黎


中餐大多數會中招 因會落生抽老抽
又要避開炸類（eg生炒骨）因有炸粉
同埋小心佢醃肉有落豉油
所以我屋企醃肉用鹽 雞粉都有微量小麥
茶餐廳/茶樓 基本上無野岩食
所有有醬嘅點心都唔食得
腸粉要叫佢豉油另上
叉燒腸都唔食得 叉燒有醬整過


西餐都一樣唔洗諗
個d咩意粉呀通粉呀麵呀 全部唔洗食
雜扒乜乜柒柒 又會有個唔知咩汁
同埋豬仔骨/雞翼個d有汁又係唔食得


食車仔麵要避開個湯 譚仔清湯/茄湯穩陣
因佢係就咁烚嘅餸 *要走芽菜同腐皮*
除左食譚仔 我好少食其他屋企以外嘅野


其實 香港有好多gluten free friendly店舖
Pizza express有 gf pizza
再唔係上iherb買都一大堆gf野
但都係個句
每樣野再對一對成份表咁囉

我同你大致上一樣飯粉麵果啲好難戒..
宜家發到成個俾中無曬精神..

其實唔會難戒
係難忍口多d
要忍住唔好為食。難戒都要戒
唔得都要得！一定要堅持

真係大爆發時就淨食白飯/烚米粉
少少鹽炒菜/肉就算


你要記住
永遠都唔可以好似以前咁食野
譚仔米線會係你嘅好拍檔
（唔包括小食 乜乜白肉、青瓜）
粉麵 大魚大肉？美食佳餚？忘記左佢啦

我飯粉麵意粉麵包果啲都要戒唯有食多啲蔬菜生果

好佩服你既毅力
我都知要忍 不過永遠都係忍唔到口同R
死R爛R 唔R到見血出水唔心息
捱得一日得一日

小弟應該係有汗疱疹係右腳腳底前端，成三十歲人先有，好痕…想像唔到如果生係面同手點頂……ching加油

依家有好轉：
1.上一份工壓力較大
2.戒食朱古力sosad
3.少食蝦蟹

呢兩日又突然嚴重咗，唔知咩事

我都係 咁啱嘅

我都係麵意粉麵包麵唔得
但我米造嘅粉就得 米線 米粉 河粉
但你白飯都唔得？

馬莎有gluten-free麵包/餅乾/意粉買
Fb有個gf group
佢list晒d地點出黎邊間餐廳有提供gf野

可能因為我濕疹除左個身
塊臉都會有 眼周圍 嘴周圍 同臉頰位
所以一出就好樣衰好樣衰
好似鐘無艷咁 搞到好無自信
好彩男朋友無嫌棄我 仲支持我
如果淨手腳可能我都無咁大恆心去戒
加油呀 我戒得到 你地都得架


Btw 我覺得做運動同飲乾淨嘅水都好重要
我除左戒 我都有做依兩樣野

一黎做運動 排毒排濕 有助發炎傷口愈合
二黎做運動 身體好d
免疫力系統無咁易出事就會少d發濕疹
水就東江水污糟就唔洗講啦
經濟許可就裝濾水器/ 買真礦泉水 （唔係礦物質水）

可能天氣問題，呢幾日温差都幾大

你真係好叻
我忍左一日又爆SEED R爛面
真係爛到血淋淋果隻 好得人驚
你做D咩運動多? 出完汗唔怕身痕咩?
我已經冇著短衫短褲好多年
而家最嚴重係塊面
一直R 佢埋唔到口 唔知可以點

Grape seed係extract?
有咩用?
第一次聽

的有隻藥好有用 不過係大陸出品

個人經驗

想濕疹唔再復發

最重要係諗清楚有咩原因導致發復

唔好盲目聽中藥或網上尻up

以後日撚日話咩介口

其實唔一定關事

十分正確

唔好聽濕尻講睇中醫

睇專科啦

我自己夜晚特別痕 都幾肯定係塵蟎敏感

買左抽濕機 長期保持40-50濕度
防塵蟎床被枕頭
吸塵蟎吸塵器日日吸床

用左幾日好左d 過幾日再返黎包膠

之前仲未封體育館個陣
去室內健身室踩健身單車
帶氧feel到踹氣得黎唔會太出汗
帶條毛巾仔去索汗 係會痕痕乸乸
但做完運動去廁所搵水抹下會好d
返到屋企即刻沖涼就無事

加油呀
如果真係頂唔住 我會食止痕藥
畢竟埋口需時 同埋痕位敷冰有用
凍到佢痺痺地就無咁痕

想知點樣去印,成身一撻撻