講啲實際用途啲嘅野先
其實好多文盲 (提筆忘字嗰啲) 係有學拼音
不過係普通話 呢個就係個問題所在
明明自己講緊廣東話點解要用普通話拼音打字?
面對文化侵略
除咗urge人地學根本唔熟悉嘅倉頡速成
其中一個solution就係粵拼
粵拼相對地係易上手嘅輸入法
問題係現時並未普及化 好多人都唔識
所以就要令更多人識粵拼
增加佢喺香港嘅重要性
對粵拼普及化有利
普及後會有更大部分嘅人用香港嘅輸入法
唔需要束縛於普通話拼音
更宏觀去睇
保存粵語文化重要一環就係教育
點解細蚊仔要學普通話拼音 但粵拼就毫無接觸?
由細教起粵拼可以建立粵語心中嘅一席位
細蚊仔會接觸到更多嘅廣東話
多一樣野可以對抗中國文化入侵
我唔覺得粵拼係倒退 反而係粵語嘅輔助
始終粵拼嘅目的唔係越南國語字
粵文/漢文羅馬化都唔會被人接受
教人讀字 幫人打字都已經好足夠
當然香港現時問題唔能夠單靠粵拼
但始終廣東話係香港文化圈非常重要嘅一部分
增加香港文化上影響力係對香港出路非常重要
而粵拼係可以成爲廣東話嘅新基石