《覆沒‧香港》 【三十八】
我地從一條螺絲梯向上走,大約行左2層左右,就見到樓梯頂部有一個手把似乎係出口。
我地先留心聽外面會唔會有喪屍既叫聲。 等左一陣,似乎都冇任何古怪聲援。
「我地出去啦!」
「OK」
我向上一推,樓梯頂既一度門被推開。
「…點解會有個神壇係度…好邪門啊…」Bella上到第一脈就見到神壇。
黑暗的房間只有一個神枱,放置著一個香爐及三杯水。抬頭看上去,天花有一個電燈膽及神枱上兩盞紅光。天花橫樑有一支長數米長方形的木棒被橫掛成樑。天花用日式瓦頂建築,而木棒上刻有「清水組株式會社」的字樣。
「係厭勝棒….」我細聲自己同自己講。
「下? 咩棒??」Bella唔知道我講咩。
「你冇聽過厭勝棒既傳說!?」我問完都覺得自己白痴,厭勝棒真係唔會好多人識。
「厭勝術」是巫術既一種,以詛咒或害人為主。傳說日軍當年二次大戰侵略亞洲各國時,就用厭勝術「作法治人」管治被侵略既地區。喺一個國家嘅龍脈要穴上插下金屬樁或木棒,截斷國家地運,要該國永遠受日本管治。
Bella聽我講解後一臉心寒地問:「下…. 點解依度會有依支棒…? 係日本人放入黎??? 」
「相信係! 果支木棒上寫既清水組就係當年日本入侵亞洲時負責建築依一D棒既公司。」 我係房內四周看,搵到一度門::「傳說日軍佔領香港時,將本來英式建築既港督府遭拆卸後,改建日式建築,同時係入面插左厭勝棒。二戰結束後港督楊慕琦重返港督府,發現入面插咗一支奇怪既木棒。佢就叫人丟左支木棒,但唔知點解每次都有意外發生,最後冇人敢郁支木棒。之後就一直放左係港督府內。」我細心聽門外有冇怪聲。
出面似乎安全,冇喪屍聲亦冇人聲。我繽說:「之後傳說曾任權做特首時採用風水佈局,係大廳附近暗設神壇鎮壓此棒。」
「咁我地…依家係特首府入面?」Bella問。
「唔係啊。 我地係禮賓府入面。」我答完:「出面安全,我地出去睇下咩環境。」
「下…咁支木棒會唔會有咩恐佈野架? 我地有冇危險?」
「應該冇咩事,有用依家你就係日本人啦~ 哈~~~ 唔好掂支木棒就OK! 依家最重要係我地搵個安全地方!」我已經出左去大廳。
一個非常大而華麗既歷史建築物,裝潢充滿古典氣息。 整個大宅都冇人既氣息,只有我地兩個人。
「依度好似冇人…. 不過好怪。 都係有電既。」Bella同我已經行左禮賓府一周。
「我諗不如係度搜索一下物資之後返去會館內搵Jolie,差唔多到天光希望我想係會館果邊整理一下物資同等阿Ben佢地,我諗佢地會襯天光喪屍冇咁活躍時走,我地係果邊接應佢地。」
我同Bella係禮賓府內搵到一D乾糧就走。
我地從原路走:「大舟…. 點解咁怪,岩岩係大宅每個洗手間都有咁多廁紙?! 個屋主好驚冇廁紙? 定係好多廁所要去…?」
「可能係佢唔識買廁紙啦,唔好理人咁多啦。」 回程時我望向分差路,更加肯定果個傳說