白居二（2019）討論（2）

係呀佢買私樓, 但以家二手居屋 3大 都係統一0.2% 同無一樣

無計喇，我嗰時1%，只係講緊四個月前

想問下白居二20年以下免壓測？
20年up有壓測可否借8-9成？

白居2好似無壓測依樣野
房署擔保ma

問aa果陣佢比左個表我
但太耐dum左

好似都係唔需要壓測，但供款年期會縮短

直接問個banker就得！個人覺得細貓最易批。

買20年up，就係想供款長，唔想每月供咁貴。咁如果當供款短，假設15年，每月賺3皮，但供2皮可唔可以？定係最高只可月入一半？

呢張表係無壓測情況，如果有壓測，係唔係同私樓一樣可借8-9成25-30年？

唔關壓測事，總之20年樓齡以上，按此表計成數同年期。

20年樓齡以內，就可以最多借9成供25年

如果照樣做壓測，銀行會唔會唔借？例如白居二，30年樓，借銀行4球，做唔到25年。假如買私樓，一樣借4球，過左壓測，咁樣就做到8-9成。成件事唔會好怪咩？就類似去借錢，同樣借4球，同樣過壓測，點解白居二分25年唔得，私樓分25年就得？
如果死跟上面張圖，出面好多30年居屋，要比咁多首期，做咩唔去買私樓？

唔係好明點解你講做唔到25年。
白居二30年樓比4成首期就可以做25年。

總之未補地價冇得上mc，最多分25年還
條例係咁寫，我都未睇過
佢個壓測就只係問你還唔還到

至於點解做咩唔買私樓
你有冇睇過居屋尺價幾多
同級就算補左地價會貴過私樓
未補地價時都係平一截

白居二第一期2013年推出嗰陣已經定左呢個玩法，唔駛咁大驚小怪喎

總之跟返個遊戲規則，目標20年以內樓啦

個問題係好少20年，變相白居二係垃圾

由於20年既極少，想賣既人會叫高，就係知你想分25年

而家現實問題係20年內居屋好極少，就算搵到，賣家會叫高價，例如景泰苑果d。最大問題係抽白居二既人肯定無咩錢啦，有錢洗撚抽咩。咁無錢梗係想攤長還，每月供少d，呢d好正路，市面上20年內可以話極少或極高價（補價後），好多都25年up，如果揀果d要比4成，點解唔直接拎4成首期買私樓，呢個政策好on9啦

平又點，好多25年up，到時比勁多首期，變相首期比買私樓仲要多，有鬼用咩，又未補價又無得租無得自由賣，首期比私樓貴，仲要抽先有白居二，呢個政策好癲

要知道個政策係好耐之前出既
係個垃圾正苦唔識與時並進/同發展商夾埋間接提升私樓既相對價值
而家你咪當佢係為左買大d/位置靚d/供得輕鬆d既option囉

你問得咁就証明你本身唔清楚白居二定位同優點。由頭到尾都係話想平想新想供得少就玩新居屋大抽獎。

白居二買家好多都係分支戶，優點係地區自己揀，價錢自己同賣家相議，用同一舊錢買到比私樓大空間，有一年時間慢慢揀仲唔使交返間公屋出黎。

上面你所有供款、年期、壓測。其實到尾都係唔夠錢哩個問題。講到尾都係新居屋先最岩你玩。

做咩唔買私樓？用三個都買500尺例子比較：
例子一（將軍澳私樓）
500尺 x 15000/尺，總價750萬-75萬首期 x 2.25息做25年。月供29439、壓測67415 （你又會話有67k就唔抽居屋啦）

例子二 （將軍澳二十年居屋）
500尺 x 12000/尺，總價600萬-60萬首期x 2.25息做25年。月供23551、唔使壓測

例子三 (將軍澳二十五年居屋)
500尺 x 10000/尺，總價500萬-200萬首期x 2.25息做25年。月供13084。

如果上面3個你都唔岩用。其實你只係得返抽新居屋。

例子2極難搵，就算有，賣家都會叫高。例子3就普遍，但首期極多。至於例子1就唔洗講啦，月入要極高