【為何在北歐終結】《原來瑞典沒有貓》【之三】

文呀

做咩變左咕嚕肉😂

男主角俾周采蘋完全操控住
我係男主角會覺得好辛苦

推

我屌 又追到live
追故仲要係咁正嘅故真係好撚辛苦

諗起對上一次追故已經係小小肥同Jojo 果個故仔

蘋蘋好似先知咁

反而要問下自己因為啲咩而繼續生存

留住名先，最近都無乜時間睇故，遲下再追

沉船 周采蘋三萬蚊過夜！係雞！

小黑磨牙

樓主加油

早晨一pish

早晨

「做咩？好想了解我？」

「係。」我坦言。

我這樣直白，好像令她有點錯愕，不過幾秒之後，她就恢復常態。

「每個人都有一死㗎啦。」

「我覺得妳好熱愛生命，根本唔似係咁嘅人。」

「任何人都唔可以睇表面。」

牙膏拍完照回來，她輕說：「唔好太鍾意我，我係無雀仔嘅腳。」

回程時，看見街頭正有一大班人，穿着六、七十代的衣服，踩着單車，遊過一條又一條街，十分有趣，應該是復古的愛好友。




瑞典人也有這種幽默。

那一夜，她帶着我們在超市掃貨，買了許多零食和薯片回家，那時小黑早已回家了。

我們烤了三隻雞脾來吃，每人一隻，烤東西永遠不會差得去哪裏，夠肉汁嫩滑。




不知為何，她這樣喝得有點多酒，跟牙膏兩個人相談甚歡，當然是沒有我的空間，因為是女生話題，我只好一個人在看孤星淚。

談了良久後，牙膏說要看電視，拿着酒杯過來，坐在梳化上，不消一會就聽到他的打鼾聲。

「咁快醉。」

我上前到餐桌，她也醉了，我拍拍她說：「妳不如落房瞓啦，呢度會凍親。」

「沖涼⋯⋯」她忽然起身，雙頰全紅，站起就想脫衣服。

「呢度唔係浴室呀！」

一秒後，她就說：「唔沖。」又伏在桌上睡着。

「妳不如落房瞓啦。」我再拍她說。

「上去。」

「上面唔係我哋住啵。」

我小心翼翼地扶她下樓，好不容易來到我的房間，將她安置在我床上。

忽然她從後雙手環繞着我頸，問：「啊⋯⋯你走啦？」她的聲音已完全進入小孩子的聲線。

「⋯⋯嗯⋯⋯？」我嘗試聲音不顫抖，但這刻心跳真的爆升，每秒都想接下來會怎樣。

「未哄我瞓。」

「好啦，點先叫哄？」

「講故事⋯⋯」

我們面對面坐在床上，她靠近我幾分，她面紅的樣子，又多了幾分嬌媚，我感到自己的面開始熱，她的呼吸有點亂，噴出的氣溫熱，眼皮時張時閉。

「咳⋯⋯好，從前有三隻小豬⋯⋯」我的喉嚨極乾躁，那刻仿如吞了一個沙漠一樣，腦海憑記憶講故事。

「好攰好想瞓一瞓⋯⋯」

最終她不知不覺倒在我的大脾上，口水都流濕了我的褲，但樣子很安詳。

我呼了一口氣，有點失望又有點慶幸。

曳曳

醉左既蘋蘋

咁樣點忍呀

我都接受唔到 好煩

男主角已經每個行為都用周采蘋為出發點去諗嘢

我都係
唔明點解呢度啲人咁鍾意女主角
我對女主角完全冇好感

利申：唔係話樓主文筆差

喂呀！加甜呀！