[水草造景] 集中交流召區4

開左

想同大家請教下造景 我依家個缸我嫌上半部太空 後方又好似冇乜嘢 諗住買啲木同埋草加落去 （未諗到住）有少少想買椒草 想茂密啲似返個森林 大家有冇啲咩擺位上或者乜嘢建議我加令到成個缸靚啲

我舊木係咪揀得好醜樣 水榕係咪應該擺咁前 大家幫我諗下點樣執🙈

我個人覺得已經幾好睇
唔駛再加

最後新年流流都係忍唔住換下佈置🙈🙈執咗少少

師兄枝燈點解要搵野包住咁得意既

覺得暗光感覺靚啲 朝早就唔包等佢光合作用 夜晚太殘眼不了 同埋我有條所謂藍線金燈 要暗先至見到藍色 雖然我唔係好覺😂冇啦淘寶呢盞燈$25 我見幾抵 佢就係冇得調光

種了幾耐？黑既摵左佢

細蝦缸啱啱重新set完

黑木蕨好似要轉水轉一兩個月

有冇人用過twinstar同千尋醫生呢舊野
有冇用?

但短鯛好一般
Facebook有D grp 好多師兄換魚玩
幾抵

有
放泡泡好型
但照樣有藻

有冇對比圖
似未轉完水多喎

係呀 應該未轉好水, 其實我開缸前都想換燈 但諗住新年點都開左先 之後先再換支燈, 因為上一個景用呢支450種唔到烏拉圭草皮 剩係種到迷矮 我就知可能支燈唔夠力
睇下後面果堆完全爬唔郁

邊到有靚鬥魚賣

即係小小預防功效都冇?

我估有既
但真係好難知

巴打個造景幾靚 自己設計？

其實唔靚.....第一次學人整石景 果時唔識都係亂擺 好隨心 完全冇規劃過, 真正既iwagumi係真係每舊石點有原因 考慮埋golden ration, 果啲先真係叫靚

係邊學 個人覺得已經好好

我都係上網呢到睇下果到又睇下, 幾推薦green aqua channel, 好多種造景佢都有拍video step by stop咁比你睇到佢點做
https://www.youtube.com/watch?v=ov8xgNyqIec&t
https://www.youtube.com/watch?v=_mpqK_KtUSY&t
文字版既話呢個都有講到https://www.paludarium.net/aquarium/aquascape-analysis-of-one-pot-iwagumi

亂入一下。。。想問下依家香港係咪無乜人玩水晶蝦? 依家想搵個討論區有人講水晶蝦同螯蝦都難