拍左六年 分左半年 放唔低

3年long d plan好哂下年5月去working holiday搵佢結束long d
但佢話等唔到 同我睇唔到將來 long d好攰
跟住就無縫接軌了

一齊七年話價值觀唔同，事後先知分手即日佢（無縫接軌），我仲傻下傻下去搵佢，搵佢朋友幫手（個男仔喺佢班姊妹既friend),再俾佢冷漠對待

我仲諗緊喺唔喺我唔夠好，入去佢ig 睇住佢同新仔既對話已經想死，佢自己又save低分手失戀好痛落既post,唔知喺唔喺笑緊我

我一直睇，希望自己承受到所有真相，唔會因為發生呢啲事而唔愛佢，承受返我之前可能俾佢既痛苦，睇咗二個月，知道越嚟越多，發現佢份人愛自己多過愛我，唔知算唔算自私定我傻仔，以為只要愛對方，對方就會無條件愛我，細水流長變做家人。

但到而家，個心已經插咗好多把劍，佢地熱戀期所有情情塔塔嘅對話，人啲唔想公開俾大家既秘密，佢地互相既承諾（好似我同佢既承諾都嘲笑緊我）。

我個心已經難難哋，雖然想move on,身邊朋友都叫我唔好睇，但知道自己仲愛佢，唔嬲佢，覺得喺自己唔夠吸引力，人地要激情，唔喺我呢個家人。

大家點睇無縫接軌既人？

入嚟屌醒你 過一排無事啦

巴打我完全明白你感受
上星期約到佢一齊食飯過佢生日，大家戴住情侶錶連互動都好似一齊緊果陣咁有傾有笑，食飯果陣又主動同我交換野飲，好想拖住佢同佢講我仲好掛住好愛你
但平時佢唔會搵我，搵佢傾計覆得時快時慢，之前約佢又會扮睇唔到
我應該衝定唔應該破壞呢份和諧
見面既熱情同平時msg反差太巨大會唔會佢只係當我係好熟可以信任既朋友所以果晚食飯先咁

我都冇嬲佢 因為我愛佢
但身邊個個都話佢係臭雞 但我次次都幫佢講好說話

Lm

巴打同我一樣甘心情願做傻仔，就連我啲親人都話我老套。邊有細水長流既戀愛。

岩呀
但偏偏覺得佢係the special one
分左手兩個月 我個心仍然好酸好痛
不過可能巴打你7年感情 仲傷心過我
我只係3年long d 而佢無縫接軌

交友app識下個？

用交友app傾幾句就唔想傾落去

完左final太得閒

冇野做到 學識同傷心共處

其實你地2個都有出軌
咁多嘢唔分散注意力係要搵ptgf?
兩個都唔忠誠，仲有乜好拍？
快d分，下段感情唔該認真啲。

好明白你感受 我一齊五年分咗幾個月
但係期間我仲感覺到佢有少少對我嘅希望 但係當時我想大家冷靜下 但係再過多幾個星期有條仔乘虛而入 佢覺得搵個愛佢多啲嘅人會冇咁辛苦 我知道咗佢同人哋一齊嗰幾個星期我忍唔住係咁搵佢 終於比我有一日約到佢啦 我做返晒以前俾唔到佢嘅嘢送下戒指 唱首歌畀佢聽佈置下屋企 但係發現所有嘢都唔同晒佢個心已經喺人哋度 過咗嗰日之後我就知道
我係時候要放低啦 我再逼佢同返我一齊都冇用
我都只係想佢過得開心快樂 傷害佢嘅刺永遠都唔會攞得走 只要唔係同返我一齊 佢就唔會既返起以前嘅嘢咁傷害 而家有個人對佢好 錫佢愛佢珍惜佢 雖然可能係啱啱開始嘅暫時 但係佢好快開心番 感先係我愛佢既初憧 雖然個個人唔再係我
過多幾日平安夜 佢可能完全屬於其他人 一諗到我會覺得自己有精神病 諗野好矛盾 因為仲愛佢
但我都會做到真正放低佢 到做到佢想要既男人
我唔知將來會點 可能我拍緊拖 佢結左婚 冇人知
但呢刻清楚左自己要點做 就做啦

巴打個心路歷程同我幾乎一樣，講到初憧，我差唔多又想流眼淚

我都諗緊，喺唔喺佢開心就得，我搵佢只喺煩住人，但我又驚我唔搵佢，佢會當咗我喺無情無意唔喺真心愛佢既人，好矛盾。

喺唔喺我做個傻仔佢就會開心

你有日見到你真人 個感覺好唔同 但仲係愛佢既
知道佢對我已經唔同左 一切都係一相情願自己諗
最後為佢做到既野 就係佢想我成為既人 包括要清楚身份唔同左 我地大家都冇憎對方 想大家都有好生活
有日巴打都會認清要點做 過程係痛苦 但諗番以前大家都相愛過 最好嘅嘢留返回憶裏面啦

分手後幾日同一個月我都有搵佢，我見到佢真人個陣，兩次都好冷漠冷淡，好似覺得我煩住佢咁，我已經知道我再點搵佢都無用，因為佢連講野既機會都唔俾我，（同人熱戀緊）話唔得閒或者約咗人，唔好等佢。

咁我都無謂打搞佢，驚佢憎我主動權喺佢到，唔喺我，我做咩都無用，無力感好重

我都慢慢認清緊事實，想慢慢走出嚟，但好辛苦，見到巴打個心路歷程同我一樣，好似多咗個知音人帶我走出去，多謝你

愛佢嘅同時都要為自己努力 冇可能話唔愛佢就真係做到 呃佢呃下自己啫 一齊痛苦多陣好啦 巴打
聖誕節情人節新年 都要習慣番以前自己一個人啦

其實真係唔係個回事
解鈴還須繫鈴人