拍左六年 分左半年 放唔低

同女朋友拍左6年拖 依家散左半年多啲
我仲好放唔低
日日都好掛住佢 無哂心機做野
但佢好似已經有新一任
依家搵佢 佢都唔再覆我
試過去佢樓下搵佢 但佢唔肯見
呢刻好想好想見到佢 可以點做？

Push

一直都覺得佢會後悔番轉頭
但好似無咁既可能

算喇，唔好再搵佢
搵自己既興趣做下

拍左六年拖都係一段幾長嘅時間...
大家都應該認定左對方...
因為咩事分手啊？

唔好撚搵佢，男人黎架！
搵過佢又唔應你，呢d做一次就夠。
增值自己為下個更好的她做準備。

講起都好長篇
係呢六年裏面佢試過出軌
無啦啦同我講分手 話同左第個一齊
個時我不停乞佢番轉頭 一個月後佢真係番轉頭
我比左次機會佢 但個心一直都好不安
擔心同樣既事會發生 但都再一齊左幾年

最近呢幾年 我入左U
讀書壓力好大 要追1st hon
可能因為咁冷落左佢
直到臨分手前個半月 我忙完mid term
得閒陪佢既時候 發覺佢好冷淡
一直搵藉口唔見 維持左個半月
（佢不嬲都痴實我 一星期要見2-3日個啲人黎)
個種感覺同上次佢出軌既態度係一樣

係佢好冷淡唔見呢個半月裏面
我好怕無左佢唔得 但又同自己講
如果佢再出軌 一定要忍痛分手
我好怕會好似上次咁忍唔到 死纏爛打佢
咁我做左件好錯既事 就係開左個ig
搵啲類似ptgf既囡傾計 分散注意力

直到有一日 我發現佢放工之後無番屋企
凌晨仲係條街 我不停打比佢
但佢cut我線 仲熄埋機
第二日當無事發生 繼續唔理我
咁我就唯有同佢講分手
點知佢直接應承左

之後散左幾日 佢誤打誤撞入左個ig Acct
睇哂我同其他人既對話
然後佢話我知發現左 但佢話佢會原諒我
但就無一齊番 一直keep contact左一兩個月後
佢就突然完全唔肯覆我

其實係冷淡期呢個半月裏面
佢除左一直唔肯見我之外
仲間中會行蹤好奇怪
話番屋企 但其實無番到
成日話要陪朋友 但佢不嬲好少同朋友見面

我到依家仲好念唔明
究竟係佢出軌在先 但佢嬲我同囡傾計先散

*定佢嬲我同囡傾計先散

其實會唔會係佢識左第二個先同你散
所以咁快有下一任

好似我咁 無啦啦散左
遇過唔少女仔 但都唔岩感覺
就好似對所有女都無哂興趣咁
做咩都念起佢 遇過咩女都同佢比較

我唔明點解咁深感情 又經歷左咁多
可以咁快放低 投入下一段感情

呢啲女算罷啦

兩個半斤八両快啲溝翻佢

佢有左第二個就復合唔到架喇。
搵朋友打下波，做下運動，開解下，老土講句，時間真係會衝淡一切。

我都算過來人。

2010年試過同拍左5年幾6年既女友分開左，我明白個種痛，日日喊 無動力做野等等。分開原因，係因為自己做左好多衰野，賭錢呀，工作唔上進，無諗將來等等。之後我就改變自己壞習慣再慢慢同佢復合。而家仲結埋婚。

但你個case 就暫時復合唔到，因為佢有左第二個，半年應該熱戀期啦，你再搵佢，只會令佢更討厭你。將來有機會，佢無拍拖你先再諗啦。改變下自己，增值下。

放假搵下朋友吹下水 做下運動咁 會開心d。我以前仲慘 無乜朋友，上高登搵人傾，好彩以前好多人都幫下手咁。加油巴打。

我同佢一齊呢幾年 都已經盡左力做得好好
驚佢擔心我入U會變心 我都好少識朋友
番part time一出糧就買野送比佢
好俾心機讀書 一直keep住1st hon既GPA
想未來同佢結婚 養佢一世

好似好難再有好大改變 令佢覺得我好左好多

我都知我有唔岩 但我初衷唔係貪玩去溝女
我真係驚佢有第二個 我會控制唔到自己
先搵人傾計 念住分散注意力
但散左我先發現根本係唔work
我既世界 早已經佢同融為一體

雙方幾大?

二十出頭

我無乜怨恨 更多既係不捨

有無人係到？