（重啟/同人）如果蜘蛛俠係香港人…

多謝，不過下一篇應該要等半年後，對唔住

多謝！但要等多一陣先可以完故喇

巴打都加油！
我遲啲出返黎果陣睇下見唔見到巴打作品！

奧比巴要等多一陣先知喇

多謝支持呀，唔好意思要大家等

好喇，樓主都正式潛水喇，各位巴絲，我地大半年後見

度日如年...

倒數5個月

有故未

要等多陣，預6 7月，如果有得早到出就會早繼續出
不過放心樓主冇唔記得個故，但現實生活真係忙

話咁快仲有2個月就有文睇啦

放心，我冇唔記得個故

樓豬

我返黎喇，今晚出文

Lm睇陰謀

二十二

真係班叔叔！？

變成左蜥蜴人既班叔叔！？

果隻咁既蜥蜴佬真係已經失去左聯絡五年既班叔叔！？

我由通風口望一望裝住血清既雪櫃，再望一望班守衛同班叔叔既距離…

我有個好衝動既計劃。

就係跳落去，然後再衝過去打開雪櫃，取出血清，再直接打落班叔叔度，然後再帶佢離開呢個鬼地方！

冇錯，呢個係一個好冇腦既計劃，但係錯過左呢次機會，我就唔知幾時先可以再見到班叔叔！

成為蜘蛛俠之後我戰無不勝，令我對自己太過有信心。就好似阿舜一樣咁有信心。

我再一次迅速咁踢開通風口個欄，然後由射出一條蜘蛛絲，幫助我fing過去個雪櫃前既位置！

「在哪邊！」一句蝗語由其中一位守衛A口中叫出黎。

「小心！先不要開槍！」守衛B大叫：「小心損了實驗品！」

我就趁住呢個空檔，用力咁夾硬打開個雪櫃！

但就響我未完全打開晒個雪櫃之際，我既蜘蛛感應感覺到有危險！

我諗都冇諗，即時打個筋斗跳開，而一條強而有力既蜥蜴尾已經打中個雪櫃！

係班叔叔！

定…應該叫佢做蜥蜴人？

蜥蜴人既行動真係好快，響我啱啱fing落地既時候已經不知不覺間衝左去我後面，我全靠蜘蛛感應先避開到佢一擊！

而個雪櫃雖然係由睇落極度堅固既金屬組成，但係都比蜥蜴人條尾打到凹左！

「你他媽的小心點呀！」守衛B對住蜥蜴人大叫：「那些是康博士的研究成果呀！」

「吼！吼！吼！」蜥蜴人發出嘶啞既聲音：「收聲…！」然後向住我既位置一爪攻擊過黎！

我既目的唔係要傷害班叔叔，所以我儘量利用自己靈活既身手去躲避蜥蜴人既攻擊，然後想用蜘蛛絲射落蜥蜴人度去限制佢既行動。

蜥蜴人既攻擊速度好快，我就響研究室四圍跳黎跳去、爬黎爬去，間中射一兩下蜘蛛絲還擊。

啲蜘蛛絲某程度上的確可以綁住蜥蜴人既活動，但係單獨幾條既蜘蛛絲並唔夠用，佢可以好快就掙脫蜘蛛絲既束縛。

要集中射出蜘蛛絲將蜥蜴人固定，本身就已經有一定難度，但更大鑊既係，果十個守衛開始參戰。

本身佢地都諗住觀望下先既，可能係因為驚射爛毀壞左啲實驗室設備或者實驗品等等，但因為我同蜥蜴人既戰鬥實在太激烈，所以已經將成個研究室整到亂七八糟。

咁既情況之下，班守衛決定參戰。

即係我同時間要應付蜥蜴人化左既班叔叔，另一方面仲要避開十個守衛射出黎既子彈！

我地既戰場亦都越擴越大，研究室都開始比我地破壞左唔少。

雖然我身手好靈活，加埋有蜘蛛感應既協助，但係都避得好吃力，完全陷於苦戰。

「喂～你把玩具槍黎架？」我打個筋斗，順便將射出一條蜘蛛絲將守衛D既槍扯走：「借黎睇下喇！咁似我細個玩果枝既？」

就響呢個時候，響槍林彈雨之下，我隻右腳不慎比幾中一發子彈擦中！

屌，雖然唔係直接打中，但都好撚痛！

早知唔打咀炮，專心迴避啲子彈喇！

就係因為呢下令到我既迴避動作稍一遲疑，班叔叔既長尾巴就響呢個時候打中我，我成個人被打到成個打橫咁直飛出去，撞冧左幾張枱，最後撞埋研究室既牆上面先停低…再跌落地趴低左響地上面…

屌…好大力…

度牆凹埋…

成身既骨頭好似散晒咁…

呢個時候，可能因為我被擊飛，暫時冇還擊之力，十個守衛停止左槍擊。

我努力咁打個筋斗想起身重整旗鼓，但我一打完個筋斗蜥蜴人已經用好靈活既身手好似蜥蜴咁爬到我面前…

喪失先機既我比蜥蜴人用佢右掌迎頭重擊！

啪！

我再次頭落地咁成個趴低左響地上面。

嗚…

我頭上突然一緊！

好好好好好痛！

蜥蜴人用佢果隻蜥蜴化左既右手一手抓實我個頭，好似想鍊爆我個頭咁將原本已經趴低左既我秤起身！

佢一手舉起我…

我個頭…就比佢鍊爆喇…好痛！

「吼！吼！吼！」佢一手秤起對住我怒吼！

我雙手嘗試扯開佢隻巨手，但徒勞無功…

好痛！

好痛呀！

（待續）

大家好，我回來了。

要大家等咁耐唔好意思，今次如無意外都唔會再休刊架喇。

希望舊讀者會多多支持，而如果有新讀者既話都希望你地鍾意。

今次連載既時間會稍有變動，逢星期一至四每日7至8點左右，星期五六日就隨心出。

再一次多謝大家。

巴打終於翻黎啦