(重啟/同人)如果蜘蛛俠係香港人…
葉開葉開
257
回覆
43 Like
4 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
葉開葉開
2019-11-20 22:06:13
之前果篇個反應比想像中好,而家轉連載先。
暫定同以前樓主既故一樣,逢星期一至四每日一更,星期五六日至少一更。
之前個開頭都會響度再post多次,多謝大家。
如果覺得寫得都尚算ok既,不妨比個正皮,或者like下小弟既fb同ig:
ig: leafopen3
fb: leafopenleafopen
葉開葉開
2019-11-20 22:07:25
一
大家好,我叫柏彼得,係一個響香港讀緊中三,周圍都見得到、好普通既中學生。
嗯…至少幾個月之前仲係。
*
幾個月之前,我讀緊既中學舉辦左一個參觀團,去一個由大陸公司所建造同管理既垃圾廢物回收工場參觀,個參觀團會介紹佢地點用最新科技去處理香港同埋大灣區所收集返黎既垃圾。
我身為一個科學迷,有新科技可以參觀理所當然就梗係第一時間報名喇。
參觀當日,我地老師連埋學生大約二十人左右就去到個垃圾廢物回收工廠,聽一個講普通話講得好快既大陸光頭中坑介紹佢地用既高科技回收技術。
btw條大陸光頭中坑心口塊牌上面個名好似叫劉澤基。
言歸正傳。
講堅…其實佢講得好撚悶。
「自古以來,祖國就使用了最高科技去回收廢物…」佢所謂既高科技其實好流,我一聽就知係一啲好普通既技術,只不過佢用左好多言語藝術去修餘啫。
不過,當條中坑劉澤基介紹到一個技術既時候,我地一行二十人都屏息靜氣咁凝神傾聽。
條中坑介紹緊佢地點用佢地啲「高科技」去處理由大○灣核電廠運落黎香港既核廢料。
我真係當堂嚇一跳,然後得啖笑。
諗諗下,佢地響香港搞大陸既核廢料真係好得人驚。
「好了,你們有甚麼問題想問?」中坑用普通話問我地。
我正想開口屌柒佢響香港玩啲咁危險既野既時候,有人比我先開口。
「請問一下,你們能確保這些核廢料不會污染附近的環境嗎?」用唔鹹唔淡既普通話講緊野既係華瑪莉,我通常就咁叫佢MJ,係我既鄰居,可以講得上係我既青梅竹馬,由細玩到大。
「這個你犯不著擔心。」光頭中坑好自信咁笑左出黎,繼續用快到聽唔到既速度用普通話回答:「我們廠得到國家全力支持,用的都是最新科技,根本不可能發生意外。」
「很難不擔心呀!」呢次講野既係關黛西,佢係學校入面既女神,樣靚身材正之餘學習成績都好好:「這些核廢料就在我們香港的土地上呀,就算不發生意外,也很難避免確保環境不受污染呀!」
「美挫!美挫!(沒錯!沒錯!)」女神都出到聲,我梗係要幫拖喇!於是我托一托我副眼鏡,再用仲爛過MJ既普通話道:「腥港既環賤土地很翁二被李們烏揚!(香港既環境土地很容易被你們污染!)」
中坑伸出右手食指搖一搖:「不是香港的土地,是祖國的土地。」
屌,咁撚寸,我要繼續還擊!
就響我想開口既時候,我突然覺得右手背心一痛!
係好痛!
我即刻望一望自己既手背,有一隻好大既黑長毛蜘蛛!我本能反應一下就拍左落去,搞到成隻手背都係啲蜘蛛漿!
嘔,好核突!
我求其搵紙巾抹走左pat蜘蛛漿,見到手背腫起左一撻。
頂,真係比隻蜘蛛咬親!
同一時間我突然覺得好頭暈同好想嘔…唔知關唔關比隻蜘蛛咬中事…
頂…
越黎越暈…
隻蜘蛛係咪中左輻射…我好想嘔…但係又嘔唔出,好辛苦…
「彼得,你冇事吖嘛?」企響我旁邊既好朋友敖哈利好快就發現左我有唔妥:「喂,你面青口唇白,仲要標晒冷汗,不如我同Miss講聲先喇!」哈利之後伸手扶住我。
我辛苦到出唔到聲回應,只可以虛弱地點點頭。
「Miss Leung,柏彼得佢突然間好唔舒服呀。」哈利向住Miss Leung大嗌。
四周圍突然靜左落黎。
似乎頭先大家都響度同中坑劉澤基舌戰緊,所以除左企我隔離既哈利之外,冇人見到我突然唔舒服。
MJ見狀趕緊衝埋過黎,扶埋我另一邊…
Miss Leung都走埋過黎睇下我乜野事…
「不要緊不要緊,我們這裡有最先進的醫療設施…」條中坑繼續講。
「屌…唔好…理佢…幫…我call…白車…」比大陸野醫完…我條命仲響度既…
Miss Leung都冇理條大陸中坑照打999,點知打極都打唔通,後尾睇新聞先知班差佬話市民針對佢地,所以佢地就玩野唔聽電話…
Miss Leung唯有直接打去醫院,好快白車就到。
「Miss Leung,我陪彼得去醫院得架喇,我住佢隔離,有咩事上黎都可以有個照應。」我隱約聽到MJ自告奮勇陪我去醫院。
「咁…」Miss Leung諗左一陣,點一點頭:「辛苦妳喇華同學。我要睇住其他學生所以跟唔到車,拜託妳喇。」
「冇問題!」MJ好似好堅定咁點頭。
「Miss,我都想去幫手…」哈利都未講完已經比Miss Leung截停。
「一個去夠喇。」Miss Leung道:「況且華同學住柏同學隔離,佢去幫佢嬸嬸手都方便啲。」
嗯…唔記得左講…我細細個爸爸媽媽就響交通意外中死左,之後我既叔叔同嬸嬸就做左我監護人。
「柏同學,唔駛擔心,我啱啱都通知左你嬸嬸,佢會響醫院等你。」Miss Leung對我說道。
我虛弱咁點點頭,之後MJ扶左我去附近一張凳上面坐。
白車好快就到左,我記得我訓左響擔架床上面,MJ就好緊張咁一面擔心咁捉住我左手:「放心喇…冇事既,好快就到醫院架喇。」
正如MJ所言,架白車好快就車左我去醫院,而且我好快就昏迷左,我失去知覺之前我記得我係比人推緊入急症室。
*
我緩緩咁打開眼睛…
咦?點解睇野咁高清既?
我反手拎起副眼鏡帶上,反而濛到乜野都睇唔到…
奇怪…都係除返眼鏡先。
我覺得自己好似好精神,而且身體入面好似充滿左力量…
不過…我好口渴…
「彼得!你終於醒喇?嚇死嬸嬸喇!」梅嬸嬸慈愛地對我說道:「我去叫醫生先。」
「水…我想飲水…」我好口渴…
「嗱,慢慢飲。」梅嬸嬸斟左杯水落個玻璃杯度遞比我。
我好似平時咁伸手接過。
砰嘭!
成隻水杯竟然比我右手握碎左!
說時遲那時快,其中一啲玻璃碎彈緊去梅嬸嬸雙眼度!
我隻左手快過我個腦運作,一伸手出去一掌包住晒啲玻璃碎片!
呼…冇事。
梅嬸嬸呆左咁望住我。
「嬸嬸,妳冇事吖嘛?」我問。
嬸嬸仲係呆左一陣先答我:「冇事,冇事。」然後望一望地上既玻璃碎:「醫院啲杯真係化學…咁易碎都有既。你隻手冇事嗎?」
葉開葉開
2019-11-20 22:08:19
我望一望自己雙手,到成手損晒都只係流左小小血,冇乜大礙。
反而係我右手背比蜘蛛咬中果個傷口唔見左。
另外,到底係玻璃杯易碎?
定係我大力左?
同埋點解我啱啱好似有預感梅嬸嬸會比玻璃碎彈親,可以一手咁快接住啲玻璃碎既?
嬸嬸之後對我笑一笑:「彼得,你等我一陣,我去換過隻杯同埋叫清潔工黎掃一掃地下,仲有要叫姑娘幫你包一包比玻璃碎整親既傷口。呀,仲要去叫醫生,話比佢知你醒左!」
我點點頭,環顧四周,突然醒覺一樣野:「MJ呢?」我記得佢陪埋我一齊黎架喎。
嬸嬸微微一笑:「個傻妹陪左你成晚,我叫左佢返屋企抖下先,有乜野消息先叫佢。」
「哦…我究竟昏迷左幾耐?」我暈左好耐?
「一晚。」嬸嬸邊離座邊向我回答。
*
醫生話我冇乜事,好快就比我出院。
我返到屋企之後,先發覺自己既身體…真係變得好奇怪。
除左之前所述,我個人反應快左好多,靈活左好多,又大力左好多,仲識預計到危險之外…我仲識得爬牆。
你冇睇錯,我真係識得爬牆。
天花板都得。
甚至乎我直情爬出屋企幢樓既外牆度,都完全冇問題。
成隻蜘蛛咁。
蜘蛛…
可能就係果次比隻蜘蛛咬親既後遺症。
*
「能力越大,責任越大。」
呢句係我失左踪既叔叔柏班既名言,佢亦都成日用呢句說話黎激勵我。
我個人冇乜野叻,但係成日無厘頭咁發明啲小裝置,所以為左實現「能力越大,責任越大」呢句名言,我響班叔叔失左踪之後就幫學校參加好多唔同既發明比賽,仲贏過果啲乜鳩機械人大賽冠軍,整左個識射鐳射槍既機械人。
Well…其實係一個太陽能鐳射電筒機械人。
自從我發現自己有蜘蛛超能力之後,我開始有一個諗頭--就係想用自己既能力保護香港呢個城市。
我唔想再有人好似班叔叔咁失踪。
為左唔好比人知我既真正身份,於是我自己設計左一套紅藍色蜘蛛紋既緊身衣、一個紅色有蜘蛛紋同白色眼罩既頭套,同整左啲小裝置,包括一個裝左響手腕識噴蜘蛛絲既噴射器,響眼罩入面加左個聲控既微電腦等等。
好似好複雜,但對於我呢個發明天才黎講其實又易如反掌。
我之後試用過蜘蛛絲既強韌性同黏性,足夠痴左我成個人響高樓大廈之間周圍fing。
好!
萬事俱備,我決定今晚要出去警惡懲奸!
我著好件緊身衣,檢查埋自己既裝置,一切ready,就由自己間房既窗口fing出去!
我雙手裝置不斷咁噴出蜘蛛絲,靠住佢地不斷咁響高樓大廈之間盪黎盪去,好舒服!好暢快!
冇幾耐,我就見到有罪案發生!
我離遠見到響條貼滿文宣海報既行人隧道入面有兩個大肚腩既中坑,手揸住兩枝棍狀既物體,襲擊緊兩個同我差唔多年紀既少年!
我二話不說,利用蜘蛛絲扯我埋去隧道口,再沿住隧道上面既天花板爬入去。
「打死你班暴徒!搞搞震!」一個中坑打得好起勁。
「你班曱甴正仆街!」
兩個後生仔完全冇還擊之力,被打到響地下,只能用雙手護頭。
我毫不猶豫咁將雙手兩條蜘蛛絲瞄準果兩枝伸縮警棍狀既物體射出,再將佢地由果兩條中坑手上扯甩。
兩個中坑呆左。
兩個後生仔則瑟縮響地上面。
「哎呀,兩個暴徒夾埋黎蝦小朋友,你兩條柒頭醜唔醜呀?」我將自己倒吊到兩條中坑面前。
「你係邊個!」中坑A對住我大叫。
「係喎,我係邊個呢?」我應該比個綽號自己。
中坑B呢個時候一拳打埋黎,比我輕鬆避開。
「唔…不如你叫我蜘蛛俠好唔好?」我跳落地,一路輕鬆咁打筋斗迴避中坑們既攻擊,一邊輕鬆咁回答:「不如你地停喇,我一出手,連自己都驚呀!」
「你收聲!」中坑B好努力咁想打中我:「阿sir做野唔駛你教!」
「阿sir,補習社呃人錢果啲阿sir?」我嘲笑。
「警察呀屌你!」
終於,我向後一跳,再向兩條中坑不斷發射蜘蛛絲,最後將佢地射到痴埋牆上面。
「警察?」我行近佢地,拍一拍佢地個柒頭:「委任證呢?」
「唔…唔…」比蜘蛛絲封實個口既佢地出唔到聲。
「唔好意思兩位補習阿sir,我驚我一出拳就打死你兩個,唔好怪我用低殺傷力武器呀。」
之後我轉頭去睇一睇兩個後生仔。
「你地冇事嗎?」我問。
「唔該晒呀。」少年A向我道謝。
「我報警先。」少年B提議。
「唔好喇,我覺得呢兩個人怪怪地,況且警察信唔過架。」少年A反對。
「放心,等警察將佢地拘捕好過放佢地響度展覽喇,係咪?蜘蛛仔!」少年B突然問我。
「蜘蛛仔?」我尷尬地答:「咁我冇乜所謂。」
「就咁話啦!」少年B話口未完已經報左警。
我都係時候走,去第二度巡邏下!
「蜘蛛仔…你可唔可以唔好走住…陪我地陪到警察黎?」少年A苦苦哀求。
咁又係,比著我冇超能力果陣都驚喇。
「好,我等差人黎到就走!」我點點頭。
等左一陣之後,我突然感覺到有危機。
一大隊防暴警察封住左行人隧道兩邊出口。
其中一個似係司令對住我地大叫:「入面既疑犯同我聽住,你地涉嫌襲警、非法集結,即刻放低你地既武器出黎投降!」
下!?
WTF!
襲警?
果兩條友真係差佬!?
「仲有,紅藍衫果個,即刻除低你既面罩,你已經違反左反蒙面法!」
乜撚呀!
(待續)
蜘蛛俠都要返工
2019-11-20 22:08:19
葉開葉開
2019-11-20 22:08:43
二
老實講,啲催淚彈對我冇乜用。
可能因為咬我隻蜘蛛本身係有輻射同劇毒,我比佢咬完又唔死去之後,反而變到百毒不侵…
係啲煙搞到我唔係好睇到野。
不過雖然我比啲煙搞到睇唔清楚,但我得到超能力之後我既聽覺同感觀大幅提升,所以我感覺到少年A同少年B響我身邊好辛苦咁狂咳。
唔止少年A同B,連比我用蜘蛛絲痴住響行人隧道既牆上面果兩條疑似黑警都狂流眼水鼻涕,但佢地仲慘,聲都出唔到。
班黑警真係痴線。
「喂,細路。」我對住少年A同少年B講。
哈,明明我自己都係一個十五歲既細路。
少年A同少年B抬起頭,眯埋眼咁望住我。
「你地信唔信得過我?」我問。
少年A同少年B好辛苦咁出唔到聲,唯有係咁點頭。
「你兩個一左一右咁捉實我。」我冇等佢地答應,雙手已經推佢地埋我身邊:「我一陣就會放手,你地一定要攬實我。」
少年A同少年B冇出聲,但我就感覺到佢地已經用力咁攬住左我。
很好。
…
…
…
好個屁。
點解唔係我女神關黛西攬住我?而係兩個少年響充滿催淚氣體既行人隧道入面攬住我?
唉,唔理了,著草緊要。
危急關頭,仲諗埋啲戇鳩野。
「準備好喇喎。」我對住兩位少年道。
我感覺到兩位少年攬得我更緊了。
我抬高頭望住行人隧道外面既一枝電燈柱,舉起兩隻手。
瞄準,發射!
兩行蜘蛛絲由我兩手既手腕上既蛛網發射器射出,穩穩咁痴住左響燈柱頭上面。
「中呀!」唔知係咪因為我五官同身體感覺能力都大幅提升呢?好似好易就射得中咁既。
我向前一扯兩條蜘蛛絲,身體就向前騰空,帶住兩位少年,飛越班防暴警察既頭頂,再穩穩咁響燈柱頂上面降落。
班防暴警察首先係呆晒,個指揮官最早回復清醒:「響後面!」
痴撚線,就算真係想拉我地非法集結駛唔駛一大隊防暴警察又催淚彈咁呀?
講到尾,我地都只係三個十五歲既小朋友啫。
Well,雖然我係有超能力喇…
「射個幪面人落黎先!」指揮官一眼就睇得出得我有戰鬥力。
「但係入面果兩個伙記…」防暴A提醒指揮官行人隧道入面仲有果兩個比我痴實左既警察。
啪!
指揮官一巴打左落防暴A度:「伙你老母,我係指揮官定你係指揮官呀!」之後向後面班防暴警察大叫:「射啦!屌你老母!仲望!」
我搖搖頭,心諗你身為指揮官咁樣對啲下屬都有既。
不過一出到室外,就更加係我既世界。
「再捉實我,而家真係要走喇。」我對兩位少年道。
「嘩…仲黎…好驚呀!」少年A大驚。
我拍下佢個頭:「你想坐監定飛多轉?」
「飛…飛多轉…」少年A聲都震埋。
「捉實我。」我道。
橙柱下面眾多既黑警已經用唔同既武器瞄準住我。
「喂!你班濛撚,係開槍就快喇!」我向佢地打打咀炮:「不過係射得中我先好呀!」
「喂…唔好…唔好再撩佢地喇…」今次到少年B。
「射佢!射鳩佢!」指揮官比我咀炮激一激,失晒理智咁大叫:「射佢落黎!」
我冇等佢地真係開槍,就由雙腕不停咁射出蜘蛛絲,一面響周圍既大廈上面左穿右插,一面憑自己既蜘蛛感應(即係預視危機果種能力…呢個名我啱啱先改架,型唔型呢?)避開射過黎既橡膠子彈、布袋彈同催淚彈,揚長而去。
「屌你!你班廢柴唔好比條仆街走甩呀…」指揮官既聲音越黎越細…直至沒入黑夜之中。
*
深夜。
響條街鳩fing左一段長距離,正式擺脫左班黑警之後,我響一個公園附近降落。
兩個少年已經嚇到面都青埋。
「你地啱啱就算面對住果兩個疑似差佬比佢地打既時候,眼神同表情都好堅定不屈架喎。」我笑下少年A同少年B:「做乜而家飛兩下就嚇到面青口唇白呀?」
「點同呀…蜘蛛仔…」少年B抗議:「啱啱飛得咁快…我幾驚跌死呀…」
「而家唔驚喇。」我溫柔咁拍下佢個頭。其實如果我除左個面罩做呢個動作都幾詭異,但而家就好似一個超級英雄安慰小朋友咁:「仲有,我叫蜘蛛俠。」
「蜘蛛仔仲好聽喇!」少年B已經唔再膽怯。
「唉,是旦喇。」我聳聳肩:「果面有個廁所,你地快啲去清洗下先喇!」
「最衰都係你,唔報警咪冇事囉!」一直一言不發既少年A突然指住少年B大鬧:「你唔係唔知警察幾橫蠻架喇!你仲記唔記得點解我地要響行人隧道貼文宣呀!」
少年B先係呆左一呆,之後先再講:「你講得好啱…對唔住…」
唉,其實我都知呢幾年啲警察無法無天架喇,今日我總算真正親身領教到班警察係幾咁野蠻。
仲衰過日本皇軍。
皇軍都唔會殺返日本人。
「好喇,而家冇事喇。」我拍拍兩位少年既膊頭,再輕輕推一推佢地:「去清洗下先喇,你地應該仲好辛苦好難受。」
目送佢地離開之後,我望一望眼罩入面個微電腦mon個鐘,原來已經差唔多四點。
「屌,聽朝仲要返學。」我向旁邊既大廈射出蜘蛛絲離開,冇同兩位響公園廁所清洗既少年道別就揚長而去。
(待續)
處男終究要破處
2019-11-20 22:11:24
TLDR
奧比旺
2019-11-20 22:52:58
加油!
情有獨鍾
2019-11-20 22:59:45
f5已經撳爛咗
伴讀小書童
2019-11-21 09:11:35
終於有update啦~~好正呀
葉開葉開
2019-11-21 13:14:32
葉開葉開
2019-11-21 13:15:11
唔緊要唔緊要
有興趣既先睇喇
葉開葉開
2019-11-21 13:15:30
多謝奧比巴!
葉開葉開
2019-11-21 13:15:47
今晚會出,多謝支持!
葉開葉開
2019-11-21 13:16:39
多謝你地支持就真
冇你地呢篇都唔會轉長篇
希望啱睇
伴讀小書童
2019-11-21 14:28:27
正義既朋友打POPO就啱睇~~
葉開葉開
2019-11-21 20:20:46
打狗英雄~
葉開葉開
2019-11-21 20:21:18
每日一飛刀
黑警冚家亡
買得返韋達喇
2019-11-21 20:41:31
我有諗過寫鷹眼外傳, 寫鷹眼因為反送中變成忍者浪人
同埋加插埋港版制裁者做黑警殺手
葉開葉開
2019-11-21 20:53:28
我覺得韋達巴呢個諗法可行喎
我既靈感來源都係類似
而家我自行設定呢個故既世界觀做Marvel宇宙 Earth-D74689777
葉開葉開
2019-11-21 20:53:39
多謝飛機巴
葉開葉開
2019-11-21 20:55:16
多謝,我會繼續努力
葉開葉開
2019-11-21 21:34:12
三
「屌,好大陣味。」我由大廈外牆爬返入自己間房,自言自語地道。
啲催淚彈味對我一點生理上既影響都冇,不過我就覺得好臭。
我豎起耳仔凝神傾聽,梅嬸嬸仲響隔離房熟睡中。
「唉,都要洗左佢架。要聽K Kw○ng講,唔可以撈埋其他衫一齊洗…」我一邊嘆口氣,一邊除左件蜘蛛俠緊身衣:「況且我自己都要沖個涼…唉,搞得黎都唔駛訓喇。」
有時候,做超級英雄,係要犧牲啲野既。
訓少一晚半晚,ok既。
我諗。
順帶一提,我為左唔好比人知我近視好返,我將自己副眼鏡既鏡片求其拆左出黎,再好似平時咁帶住佢。
*
「柏彼得。」
好眼訓呀…邊個叫我呀…
「柏彼得!」
咪嘈喇,我尋晚大戰完幾十個防暴呀。
「柏彼得!!」把聲突然變到好大。
「係!係!」我嚇到成個彈起!
我響課室自己既座位度企左起身。
係喎,我而家返緊學架喎。
我低頭望一望,坐我隔離位既哈利掩住咀吃吃地笑,一副要睇好既樣。
你個仆街仔…
「柏彼得!你望住我!」啱啱果把粗獷既聲音大吼。
嚇到我即刻將視線由哈利個死人樣移去我面前既呢個好兇既五十幾歲短髮肥佬身上。
佢係我地既數學老師兼訓導主任-黎兆基。
「係…係!肥基!呀,唔係,係肥佬黎!呀,唔係唔係,黎sir,乜野事?」我比呢把咁大既聲音嚇到有小小語無倫次地道。
「上我堂你都夠膽訓覺!?」肥基怒吼:「你尋晚做賊黎呀?」
做賊?
我去做蜘蛛俠呀。
「係,係!我尋晚去左做賊!」我唯唯諾諾咁應道。
班上一陣竊笑聲。
「仲敢駁咀!」肥基依舊怒吼,而竊笑聲令佢把聲聽落更加憤怒。
喂…你問我係咪做賊,我咪順下你意答你係囉,咁都話我駁咀…
「你同我出黎做左呢條數佢!」肥基怒指黑板:「解唔到既話你今日同我留堂!」
我望一望黑板條數,心下冷笑一聲,一言不發咁走出去解決左條數佢。
「咁OK喇?」我做完條數之後轉身望住肥基一笑。
「…」肥基望住我做好果條數,冇聲出。
「咁我返埋位先?」我試探性一問。
「你放學之後黎教員室搵我!」肥基大聲回答。
「吓…」你唔係話解決唔到條數先留堂既咩…
「吓乜野?」肥基瞪視住我:「仲唔返埋位?」
我冇得揀,唯有死死氣咁返埋位…
條死仔哈利仲響度掩咀笑緊…
*
「哈哈哈哈…你條死仔真係夠薑響肥基堂訓覺…」哈利倚住欄杆,指住我恥笑道。
呢個時候已經係lunch time,我同哈利已經食完左我地既飯盒,響課室門口走廊既欄杆閒聊。
順帶一提,哈利係個有錢仔,個飯盒入面全部都係鮑魚海參等等既珍貴食物,有時佢仲會話食得太多好厭,會分小小比我食。
「食屎喇,你唔以為我睇唔到你響我比肥基鬧緊既時候笑得好開心呀!」我睇到晒呀!
「咩呀,肥基指住你既時候我有拍你架!」哈利依然笑得好賤:「但你訓到好似隻死豬咁拍極都唔醒,係要等到肥基大聲嗌左你幾次先醒!」
「吓,我有冇訓得咁冧呀?」我質疑。
「我覺得你尋晚唔係去左做賊。」哈利收起笑容,一本正經咁上下打量住我。
我心中微微一驚,唔係比佢估到我出去行俠仗義下嘛?完全冇可能架喎!我尋晚先第一次出動,邊有可能咁快有人識蜘蛛俠呀?
哈利望住我,再一本正經咁講:「講!你尋晚對住三○悠亞打左幾多次飛機!?五次?十次?」
「屌你。」我向住哈利舉中指。
屌,嚇死人咩,我有一刻真係以為哈利知道我尋晚去左邊…
明明冇可能架嘛。
「喂,彼得。」哈利再次一本正經地道。
「今次又點樣呀?」
「我留意左你一段時間…」哈利定睛望實我。
我既蜘蛛感應突然感覺到危險!
我自然向後一縮,咁啱避開左哈利用佢右手食指同中指插向我眼睛!
我避開左哈利既插眼攻擊。
「嘩,駛唔駛避得咁快呀?」哈利兩隻手指仍然懸浮響空中:「我想督下你副眼鏡其實係咪冇鏡片啫。」
「頂你個肺,嚇死人咩。」我道:「你問我咪得囉,駛乜襲擊我…」
「哈哈,又唔係真係想插你眼,玩下咋嘛。」哈利嘻嘻笑道:「不過你避得真係快。」
「係你慢啫。」我求其hea下佢。
的確,佢插眼果陣既時候既速度的確唔算太快…
「仲有,你做gym黎?」哈利一手拍落我個胸度:「嘩,真係結實左好多喎!除左件校服黎睇下先?」
「屌你,咪玩喇!」我推一推開哈利隻手:「窮撚那有錢做gym。」
就響我地仲閒談緊既時候…
「喂!死肥仔!」走廊既轉角位突然傳黎一陣語帶不屑既聲音。
(待續)
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞