希望大家繼續多多關注其他行動post，唔好比佢停
當然我開得依個post就唔係打下飛機咁簡單
依幾日我聯絡左少部分前員工取得左唔少佢地之前用黎儲存一部分原材料的倉庫照片，如果你唔怕噁心的話可以繼續睇落去
放相之前先講一下相關背景，相片約於去年年底直到今年年初[red]拍攝，儲存的地方位於葵涌新豐中心其中一個舖位，以下稱做G14，該地方是bless租下來打算擴充廠房但最後技術上不可行（因為要放置大型機械）最後空置一段時間後變成放置雜物、[red]已經發漲變壞的過期果汁、儲存及揀選符合品質生果的地方
幕後老闆對此毫不知情，因為他絕不容許出現過期果汁以及死貨的出現，他曾經巡視業務的時候打算去參觀G14的時候，內裏就是放置了上述物品，某些負責人怕被屌所以以知道密碼鎖的高層已經放工，自己不知道密碼為理由使幕後老闆對此事不知情
最後警告大家一次，睇之前要有心理準備
買啲咩橙入咩貨上兩個post已經講左，講多口臭所以唔再講
我諗有飲開佢地橙汁嘅人都知道佢地啲橙汁成日都唔同味道，有時候甚至得＂劫＂味，亦有人表示新買回來的果汁樽口發霉，依啲可能同儲存環境有關
我先引用上個post的圖
-再來就是我上面所述背景時期的儲存環境
圖片可以見到十分多已腐爛生果隨處掉棄，地上都是那些生果爛掉滴下來的污積，環境十分惡劣
而且部分放置生果的紙箱底部已經發霉
-而員工就是在這個充滿惡臭的環境下挑選沒有爛及壞的生果
而咁多腐爛生果係會吸引大量昆蟲，所以佢地會用殺蟲藥去處理，但不會清理屍體，任由擺放
-佢地公司好鐘意開WhatsApp group，無論你放工定凌晨都會收到whatsapp，以下係佢地其中一個group，下面所有對話圖有私隱以及無關的都會上碼
-圖中可見有人指示員工揀生果，並不要壞的以及爛的
其後有員工表示81箱橙中有34箱壞與之前橙有1/4是壞的說法相符
第二張圖亦有員工表示108箱橙中有72箱壞，即是超過一半是壞橙
由此可見係咁多壞橙嘅清況下，揀出來的質素如何大家可以自己想想
最後一定會有人話就咁放啲生果相同對話圖都証明唔到關bless事，好，我放大少少其中一張圖先
圖上可見＂穗聯包裝製品有限公司＂等字眼
而依間公司其實係bless膠樽嘅供應商，膠樽之前亦一樣放在G14
圖中可見bless RT04等字眼
RT04就係依隻
以上証明上述圖片與bless的關連，亦感謝提供圖片的前同事們
最後重申一次我的説法，佢地係去年年底至今年年初有在環境惡劣的地方挑走接近一半壞橙並把剩下沒有被挑走的橙拿去製作果汁並售賣
對唔住我地應該要一早提醒大家
希望大家關注廣告商之餘亦要注意飲食，有好嘅身體先可以繼續撐落去！
