白居二(2019)討論

淨係簽唔使再交多次d證明？

今日了解過，居二盤住到廿五年樓齡係極難轉手。想換樓難過登天。
因為廿五年係需要比四成首期，有壓力測試，唔可以加擔保人幫手供樓。
有咁樣能力既綠表/居二買家，絕對會買私樓，仲要係好L多選擇！
當然你話我補地價轉手都得，但如果你買居二補地價真係貴過哂私樓囉。
所以你想自住一世，又唔介意幾球野比人責住一世（因為有樣野叫加按同埋安老按揭，which is現時白居二盤係做唔到既，因為居屋有斷層），咁你可以買未補居屋喇。

其實只要價錢平冇野係解決唔到，但你地睇下宜家廿五年樓齡內既未補居屋d價

所以黎緊呢幾期既白居二係最L慘，得返d已經去到25年，20年大限既居二樓揀，以後仲要同d 3，4年樓齡既新二手居屋爭，保到值都已經當贏。

又唔咁講
地點
間隔都唔同

我個陣唔使再交
唔敢肯定會唔會抽查

睇來白居二，最好抽到綠置居，然後賣番俾綠表，再套現買私樓

見到有新聞，細細單位，咁就賺左150個

綠置居係比綠表人玩
白居二應該係冇得抽綠置居的

唸幾年白居二真係難買得落，

最平就2手市區公屋，但真係成世...
居屋都起碼3球？

小弟有野想請教下
前幾日收到批准信
但係批准信上面有寫白表居屋第二市場計劃(2019), 咁姐係同理會有綠表
我係白表白居二
想問下如果搵白居二既樓盤會唔會同綠表白居二申請者搵既樓盤有唔同?
同埋搵樓盤個陣有冇話一定係跟房屋署網頁上面列明既二手樓盤先買得?
因為我見網上面有D賣樓既網頁上面都係賣緊白居二盤但係好似個屋苑係冇list係房署個網頁上面,同埋有D盤仲會寫咩綠表價
咁姐係有白表價? 定白表唔買得? 呢樣野搞到我好亂
定係無論你申請個陣係白表定綠表都好,只要最後有張批准信,所有市場上未補地價既二手居屋都買得而唔會有任何限制?
小弟第一次中,唔係太清楚,上網搵過info但係好似都唔係解釋得咁詳盡
希望有心人可以解答一下

問左銀行。樓齡細過20可做9成25年。多過20年就用40減樓齡做9成 或 75成做25年。樓齡大過25年做6成加壓測。

未補地價居屋閒閒地都要10K/呎
睇你買幾多呎

同私樓同價，仲要無得轉按，下手無人接.....

買2手綠置居（新個d xx苑？）

冇錯，新果啲居屋同2000年果啲
開則用料都冇得比
仲未計有啲位置絕佳又或者發展商參建果啲
用乜乜苑同富榮寶盈來比
梗係價錢爭好遠

明明同區仲有大把其他居屋屋苑可以選擇,
點解係都要不停攞嗰一間半間開離地價既樓皇黎討論呢