白居二(2019)討論

今時唔同往日, 要認清事實喇.

到而家都有消息同未見主任

有冇人已經見左

簽野係簽咩?

我同樓上都交晒野冇消息

明晒 thx 巴打 擔心左一陣
祝你同我都批到哈哈

咪買居屋，買私樓啦，9按抵屌好多
居屋班閪業主開閪價，仲要唔係自由市場金，到你想賣走，搵鬼接貨

我係上年果批中簽者, 我仲好記得果時中左簽之後心情好似坐過山車咁大起大落

中簽本應係一件好開心既事, 但當你問清楚個樓按之後你發覺要做到8,9成按既樓一定要20年樓齡以下你就已經灰左
上房署個LIST睇, 真心屌左出黎, 大部份20年樓齡以下既居屋全部都係向大西北, FINE, 唔緊要, 入去視察下環境先
(利申: 住開九龍區同九龍區返工)

入到去天水圍行左個圈, 見又有圖書館又有泳池, 行去西鐵都唔係遠, 心諗大西北D環境同交通都唔差, 雖然返工係遠左D, 咪早睡早起返工當改善下生活習慣

接受左要住到大西北咁遠之後諗住行去嘉湖果邊地產鋪果邊問一問有咩盤睇啦, 未入到鋪淨係企向門口睇果下我已經覺得絕望, 細單位400萬+未補, 大單位500萬以上未補, 心諗咩料呀, 上房署個網睇大部份大西北個折扣率都成49-51%, 除返個折扣率補埋個地價個單位咪賣成800-1000萬!?

我諗緊呢個問題既時侯有個AA走左出黎
AA: 先生有咩幫到你?
我: 我係白居二中簽者, 想問一問而家D居二市場四百幾呎咩價位
AA: 而家大部份綠表個價都推哂上黎, 你預期要諗白居二點解唔考慮嘉湖山莊果邊? 都係差唔多價錢, 而家嘉湖四百幾呎先做緊四百萬尾五百萬頭
我: 咁樣我考慮下先 - (轉身走人)

我份工出現金糧, 我就係因為難過壓測先去抽白居二, 我而家搵緊居二盤你SELL返我私盤樓, 果一下我真係動搖左, 私樓先四百幾尾五百頭, 我仲咩要咁ON鳩比四百幾萬五百頭走去買一個未補地價既居屋??

我返到屋企沖左個凍水涼冷靜完, 再上下D地產網睇下D全港未補地價既居屋, 睇左大概1-2個鐘, 得出個結論係: 如果你對自住真係有必要需求既話先好諗白居二, 如果唔係我真係建議你買私樓

最後而嫁睇定d 盤 環境 積
留意下 有無 離婚 差d 到時有信價岩可以出手