Joker 劇本一般，說服唔到我聽佢既心理變化

咪就係結局先黎twist
結局前心理轉變係少描述
回應返之前巴打
若非結局夠震撼
Se7en應該上唔到神台

Anyway 同fight club 一樣都係one of the best collection

我覺得套戲係要欣賞啲細節，轉接，人物內心，乃至攝影，美指同配樂
如果單用fight club嗰種plot twist嚟做比較嘅話
注定失望

利申：鍾意bladerunner, bvs嗰類型電影風格

希特拉本來都係一個九流畫家，一戰時都無任何突出表現

Arthur 一次又一次咁崩潰
以為Randall俾槍係想為佢好 點知做佢 間接令佢冇咗份工
Murray 佢嘅偶像 曾經鼓勵過佢 但竟然係節目上面嘲笑佢
佢老母 一路以嚟都係佢支柱 但最後發現佢個大笑病都係佢老母間接造成

當知道真相之後 連心入面僅存對佢好嘅老母都幻滅左
所有嘢崩潰曬 就係變嘅開始
佢開始要報仇 殺曬其他嗰啲曾經俾個假希望佢
殺老母
殺Randall 但放Gary走
成個攝影棚裏面 淨係殺Murray
係見到佢有目標咁殺人

Btw 佢個病係咪出唔到傷心緊張情緒？

睇演員係ok
但我真係無辦法relate落去反極權/社會問題等等

感覺上劇本將所有野都推晒落去佢精神問題度咁樣
甚至乎係特登唔將幻想同現實分開既拍攝手法
更加會令人覺得 "其實佢所受到既壓迫係咪都係幻覺？"(例如佢係第一次殺個三個人會唔會根本無搞過佢？點解火車停既時候個女人會無出現返？係咪只係佢幻想自己既狂笑病可以"救到人"?)

個角色太極端 完全搵唔到代入位

一有情緒就會大笑
所以佢subway 見到女仔比人蝦
佢嘅憤恨令佢笑到停唔到

就算你話套戲係想講精神病人係社會既處境
我都好懷疑佢地會唔會connect到
因為當你以為段劇情係講緊自己同類既處境時，兩分鐘後佢好可能突然同你講 - sorry 其實係佢幻想出黎既 根本無人搞過佢

我都睇唔到反極權同社會問題

明明呢個就係一個精神病患者嘅故仔

點解咁多人都覺得羅拔迪尼路係嘲笑joker，俾偶像嘲笑好慘？其實真係俾緊機會佢上位喎，就算佢原意係嘲笑佢，咁本身就無人明佢D gag，唔會上到電視，本身係騎呢人，而家俾你上當紅talk show，可能因為咁紅左，當年William Hung 都係咁啦

我又唔會覺得咁就代表套戲好差
戲都分好多種 唔一定要係代入到現實先係好片
我只係唔明點解咁多評論將佢同社會現況比較

幾時有正常過

完全唔同意樓主所講

套戲就係講緊一個本身有自毀傾向嘅精神病人喺社會嘅排斥之下慢慢發掘出自己暴力嘅一面。人際關係，想像中嘅兩個父親象徵同事業嘅崩壞令佢失去所有能夠逃避現實嘅門路，剩低嘅宣洩口就剩返向(佢覺得)對唔住佢嘅人報仇。個心理變化由壓抑到決提其實都做得好明顯，第一次殺人後冇質疑自己，仲要跳舞亦係呈現左佢嘅暴力本質。呢一幕佢表現出嘅自在同喜悅，令後續亦都唔需要多花筆墨去講佢點樣興奮點樣有安全感。

角色本身冇咩特別，佢只係一個亟需協助嘅精神病人。而竟然係由佢黎點燃左一直以黎嘅社會炸彈亦十分諷刺。整體黎講個故事唔算特別，但建構一個崩潰嘅角色黎講又綽綽有餘

btw失控大笑係真嘅病黎，叫Pseudobulbar affect，非常貼近現實

奴性重到

關奴性咩事咁佢本身真係無天份搞gag喎
即係唔係人人都唱歌好聽，但就夾硬要唱歌

畀老細嘲笑好慘？畀老細侮辱好慘？畀緊機會你上位喎

點同佢嘅表演係有娛樂/藝術成份，本身就係要討好其他人，唔係佢自己話好就係好，唔通明明好笑夾硬迫觀眾認同你好笑就唔奴性

你都9唔搭8
我都無話好唔好笑
我係回應緊你前半段

同意呢個Joker同我地預期中既Joker有好大出入
大家入戲院前可能係期待佢有啲高智商/操弄人心既行為
但出到黎就係一個備受社會欺壓再加上極度不幸而走向瘋狂既一個人
所以理解有唔少人覺得有落差

但拋開本身對Joker形象既認知，個人覺得呢套野其實算係唔錯
演員實力無話可說，開頭果種狂笑中帶淚既演技真係會令人覺得心痛，套戲係情緒牽動方面做得非常好
但劇本的確可以做得更好，套野冇咩發人深省既位，純粹係普通角色發展，講到同抗爭連繫就真係吹大咗

所以導演死人都唔拍續集
完全係借丑爺威名過橋
唔借超級英雄個名完全係小圈子cult片

你用常理logic去審視一個精神病人？

咁如果佢本身係唔好笑，都仲俾佢上節目未俾緊機會佢囉，大家互惠互利

我覺得好好睇演得好正
不過都同意你講法
如果之後講到佢識飛咁滯
我就會覺得好怪
因為今集佢只係一個被迫瘋嘅普通人

唔係唔想去認同，但你形容緊既野同我睇到體會到既野已經兩回事
其實點睇得出Joker 係社會排斥下一步一步變得暴力 ?
如果真係咁我就電影描寫得唔係好夠，大多數時間電影都係講緊既係主角自身既不幸，然後係某個觸發點作出暴力，犯罪如同普通法人一樣，香港成日都上映緊 eg 陳同佳帶綠帽而殺人、少女因患遺傳皮膚病而殺屋企人、單親成長少年犯法，通通都係自身背景不幸而走去犯罪。細心發現就會覺得Joker 情節其實同出一轍，社會並無刻意去排斥佢地

係我角度社會排斥佢地會係咩? 某D工作唔比精神病人做、群體唔尋佢地玩、家長大人叫小朋友唔好同精神病交流、政府帶頭宣傳精神病係危險人物，上班台有個巴講自已本身有精神病患但係工作上比公司監控，呢D我就認為社會排斥既行為。 但Joker 成出戲係極少帶出過呢D信息，上一段都講左只係單純地形容主角既不幸，甚至主角成日失控笑，普通人都無去歧視佢 eg 巴士上拎張卡比黑人肥媽話佢有病就停左去鬧主角、Murray邀請佢出show (murray個partner先叫做排斥, 唔想比佢出show 又驚出事又剩)

真，唔借joker個名只係普通劇情片。