[沙盤推演] 警方、政府9月部署

警察方面
1. 陸續拘捕6-8月已掌握一定資料既示威者
呢幾日開始拘捕6.9 6.12 6.21 7.1有份出黎既示威者，相信拘捕名單仲有好長。警方拘捕方法係每日拉少少，造成新聞疲勞，麻痺市民。每日拉3-5個比起一日內拉50個輿論會細好多好多。而拘捕既罪名都唔會太重、暴動罪都只會係一個起兩個止，令社會唔會出現太大民意反彈。(一次過起訴44人暴動罪暫時唔會出現)
但唔好唔記得，警方係可以隨時改變控告罪名！即係最絕既話係可以告晒被捕既880人暴動罪，所以點解五大訴求咁重要。

2. 繼續增加示威成本
由7月中開始，警察就不停用呢招，包括不批出反對通知書、機場禁制令、港鐵禁制令同停駛等，目標係要令示威者既行動成本增加。黎緊警方會繼續增加示威成本，令示威者係法律上、行動上、交通上都會面對愈黎愈多困境。

差佬有勁多招未出，以下作少少預測：
i) 混入示威現場附近大廈做保安，配合警方進行拘捕行動。當中以深水埗、黃大仙、天水圍等經常撚狗既地區最高危，趁街坊上樓時進行拘捕。將軍澳景林早兩晚已經試左水溫，差佬假扮警署附近既大廈保安，所以下次佢用呢招果陣，一定會搵d睇落唔似差佬既cid出動做臥底保安 (eg. 上次個肥婆)

ii) 同商場+私人物業講掂數直接衝入去拉人。由於中共吹雞，地產商係8月5號已經歸晒隊，結果就係所有私人商場都唔會安全。沉晚見到黃大仙仲有兩個女仔係商場入面隔住塊玻璃對住防暴警察跳舞，唔該你地有返小小危機意識，你以為警察唔敢開槍? 以為港鐵唔敢停駛?
根本係現時環境下，任何地方都唔會安全，你仲係到寸鳩差佬即係叫政府快d逼地產商做野。知唔知荃灣果日有幾多商場一早落閘乜人都唔俾入? 你地仲當商場安全真係好撚天真，佢要衝入黎捉人根本話都無咁易。就算係pp都係咁講，見唔見到國泰跪得幾快? 仲信太古會保護示威者?
其實機場都係，只係相對上差佬執法門檻會高好多同小心小多，始終香港機場係世界最有名既。

iii) 港鐵、巴士都有可能配合拘捕行動。唔好以為港鐵停駛就係最壞結果，最壞結果係佢俾你上車，但停駛幾分鐘俾時間差佬去下一站部署人手拘捕你，呢點先係最恐怖！港鐵最新聲明已經講左「港鐵在緊急情況下，有可能會在沒有預先通知的情況下，即時停止有關車站的運作及列車服務，甚至關閉車站；又稱公司明白警方在有需要時，會進入車站執法。」唔該大家自己用腦諗下佢點解咁講！
同埋道理，巴士(即係地產商)都有極大可能配合警方做清場行動，包括所有經示威路線既巴士停駛、甚至將一輛載有大量示威者既巴士駛入警局都有可能(唔好唔記得巴士有11部cam)。


3. 增加武力程度
其實水炮車、真槍上星期已經開左，警察已經破突左市民心理防線用第一次。佢上次明顯係打公關戰，係傳媒面前演繹到殺傷力不高、沒有傷亡既畫面。整個game plan，水炮車一幕是有心，製造弱勢；開真槍一刻是無意，順水推舟，半夜高調撲出來開記招解釋開槍事件，一切被演繹得合情合理。警察已經成功左，第一次使用而無引起太大反對，第二次就更加少人理會，諗下6.12金鐘同7.21上環，同樣都係用橡膠子彈射人，但反應同關注度已經係差天共地。9月，真係要有心理準備，水炮車同真槍會變常規武器，水炮車將來亦會配合顏色水使用。
_________________________________________
政府方面
1. 一堆人笑緊林鄭用緊急法攬炒，但我就覺得佢呢步好聰明，點解？
因為緊急法有無窮無盡既方法使用而又不會對任何金融、制度造成衝擊，當中最有可能既用法係圍繞警方執法修例： 擴大警方權力、增加示威成本、令警方執法更容易。

包括延長警察拘留時間至96小時、禁止任何遊行、集會現場蒙面、設立辱警罪、明文規定禁止傳媒防礙警方執法、禁止醫護人員阻撓警方工作等

上述各樣野都係令警方做野上黎更加方便，特別係記者風險最高，因為散仔級協會已經出左聲明叫班記者咪撚阻住晒，警隊仇視記者/傳媒已經係人所共知，往後我推測警方會連記者都拉，告唔告得入都嚇死你，當白色恐怖瀰漫前線記者時，佢地就會自我閹割。 ps. 的確今日已經拉左個城大編委記者，告佢6.12串謀刑事毀壞，可能係試水溫其中一步。

2. 9月份會出最大力去平息事件，包括警方武力、傳媒輿論戰、公關show、派糖政策、經濟民生等。因為10月1號就係中國建國70年國慶，中共係極度重視呢d大日子，政府一定好希望係10.1 之前平息事件，就算係表面上平息都好。所以警察會愈黎愈暴力、拘捕人數會愈黎愈多、秋後算帳會愈黎愈嚴重！呢鋪就睇香港人夠唔夠團結，可唔可以一齊咬實牙關、渡過呢個逆境。
____________________
總括黎講，我唔係想嚇大家，但大家真係要做足心理準備，有足夠既危機意識！特別係示威現場果陣，任何過去你覺得安全既行為、地方都未必會安全。唯有警覺到形勢惡劣、提高警覺，先會令自己有足夠保障。

記著，生存最大敵人不是弱小，傲慢才是！

香港人，加油！

好想幫你推

形勢係唔樂觀，但唔需要過份悲觀，平常心面對
https://youtu.be/ErZvfZhxrsc

拉囉，兩百萬人拉撚晒佢，輕鬆攬炒

推

推

就算失望，不要絕望

需知道自由民主思想永遠都係共產黨嘅敵人，近排香港人喺遊行、集會、街站、文宣等等工作繁多，攰就要抖下，一定要養足精神，大家唔需要自責，更加唔需要覺得無力感，甚至為此而灰心絕望

而共匪係冇可能自願改革，只有格硬將佢搓圓㩒扁，共匪宜家對內又豬瘟又蟲災，國內嘅豬同埋生果賣出嘅市價已經貴咗好多倍，對外香港事態已經通曬天又同美國打緊貿易戰，相信宜家共匪正處於1989年六四以後30年嚟最大嘅一次內憂外患，香港係有機會贏

各位要明白呢個歷史規律，喺大家都有去為民主自由而努力嘅前題之下，其實係一定會贏，只係我地唔知道幾時先會贏呢個過程仲好可能會好漫長同有好多挫折。但最後一定會贏

點解呢？原因好簡單，因為呢個係人類歷史發展嘅必然趨勢，舉個例，起初人類係原始部落社會，居住族群越嚟越大，慢慢出現唔同文明、秩序、分工、經濟，後來就演變成封建君主專制社會，由皇帝皇室為核心，以君主至上或者上帝嘅名義以極權去管治國家

後來歐洲啟蒙之後神權至上嘅觀念受到挑戰，學者開始衝破傳統思維框框，思想同科技得以進步，促使民主思潮萌生，至於人類文明由君主專制時期轉變為民主自由時期，係由法國大革命開始，距離宜家已經超過200年嘅時間，我地可以睇到呢200年，有唔同民主自由制度推翻一個又一個君主專制政權，由民主制度取而代之，當然，期間都有斷斷續續出現大大小小專制嘅復辟，例如拿破崙復辟帝制，希特拉葬送魏瑪共和國，但法德兩國最終都係番返去由民主共和嘅制度下統治。

中國亦都一樣，中華民國遷去台灣之前都叫做短暫實現過民主（1947年頒行中華民國憲法 - 1949年中華民國敗走台灣），可惜比中共打敗，自此大陸疆域嘅民主進程中斷，香港1997年之後亦直接受到中共獨裁政權嘅波及，但係，嘅然人類過去幾萬年都走唔出呢條規律，只係存在咗70年嘅中共政權又點會走得出呢條規律呢？可以預見中國最終亦會好似法德兩國咁，極權最終都會滅亡，最後都會番返去民主共和制度之下統治

要記住，由法國大革命至今200幾年嘅時間喺成個歷史長河之中只係佔好短時間，你可以視之為過渡期，由專制到民主嘅過渡期，已經過渡咗200年，你可以睇下今日成個世界，民主政權成為咗多數，專制政權已經成為少數，而我相信，宜家嘅我地已經身處喺呢個過渡期嘅末期

所以，全球民主化其實係歷史發展嘅必然，將來係一定會發生，前題係必須大家都要去為民主自由而努力，正如呢幾百年嘅人一樣，冇佢地嘅努力都唔會令民主得以喺世界擴散，人類歷史發展規律一直引導緊我地，我地要跟住呢個規律，各安其位，做好自己抗爭要做嘅工作，順住呢個歷史規律去走，最終我地一定會為香港帶嚟真正嘅民主自由


#五大訴求缺一不可
#永不割蓆，永不分化，保持改進
#Follow 大波臭閪 = 曱甴
#Follow 立場姐姐 & 攬炒巴 = 君子

示威要提高警覺，平日要學識放鬆
心態be water


唔好以為和理非無用，罷買都可以好有用

https://lih.kg/1503596

大家介唔介意講下點解咁灰

大家介唔介意講下點解咁灰

大家介唔介意講下點解咁灰

要幫手推 分析得很好

推 分析得好好

推

好文一推

難得好文 再推

唔覺得用緊急法有咩咁聰明

緊急法一D都唔可怕 仲可以反過黎利用
https://lih.kg/1511058
- 分享自 LIHKG 討論區