[長氣多圖][不爛尾] 山梨富士山登頂之旅

你住得起已經rich

仲要係搭完鐵仲要轉巴士先到

有d根本無巴士tim

而家仲有續100城

禾矛屈你
今次仲要住埋秀峰閣
我都係睇相當住過

自駕啦咁

好多續100都唔係人去既地方黎
但又唔想齋給印唔去

你睇格離post算啦

咩po?

跟唔到樓豬㗎

咩台咩post先

岩岩去完香港之路
大家都真係好有心
有時見到巴士有人著燈果下真係有D感動
係真係仲有好多同路人
希望香港仲有得救
香港人加油



DAY2.2 河口湖富士山全景纜車 河口湖湖上祭前夜祭

食完野就直接去今晚住既旅館擺低D野
因為係富士山落山果晚就PLAN左住間貴既溫泉
呢一日上山既前夜祭就住番間普通D既
叫做villa may queen
地方有少少偏
不過屋企有車車左我地周圍走
都幾親切
但係諗起我地都幾多行李
最後就逼上河口湖周遊巴士
坐到第五個站落車
再行幾分鐘路去

呢個villa may queen總共有三間別墅

我地七個人
就岩岩好可以住晒一棟
不過外面睇好似好大間
其實兩層樓都唔算話好大
地下客廳連房


樓上睡房加浴室


兩層樓得一個廁所真係唔夠用
沖涼都要輪住黎

而傳說中既水喉水

呢度係可以飲得架
佢話係富士山流出黎既
雖然我都真唔敢飲

門口仲有單車

不過屋主全日都有架八人車車我地

呢個八人車有埋logo
不過全日好似淨係招呼我地咁
其他兩棟樓既住客唔知點算

全日唯一一個景點
天上湖公園纜車站

開放時間九點至五點
原來諗住都有D趕
但係原來今晚係河口湖湖上祭
所以開到八點
聽日後夜祭更加開到九點鐘

自助機

每人900YEN
以纜車黎講好似算平

不過就迫到痴媽根


上到去展望台真係好多人
地方又唔算大
比想像中係有D失望
同埋展望台周圍都起左唔少野阻撚住晒

不過都叫做可以完完整整見到富士山

而下面就係富士急遊樂場
望住座山玩過山車都應該真係幾爽

展望台有條路可以行山

咁我地純粹到此一遊
而且聽日就要挑戰大山當然無咁好體力走入去

富士山小知識

山頂係同屬山梨縣同靜岡縣
所以今次旅程我即係曾經經過左靜岡縣

係度食下雪糕好過

因為展望台有座免仔神社
所以雪糕都有隻兔仔跟住
仲幾好食

兔仔神社

原本我都唔知呢兩個迷你鳥居係做乜春

原來有得玩

放低一百YEN可以得到兩塊叫做土器既野

之後只要將呢兩塊土器投入圈圈入面就得

結果我中左大圈
紅色鳥居就入唔到
不過同當時係金閣寺一樣
中左不過無許願

其實呢度都幾多人
想要霸個靚位影相其實真係有D難度


回程見到原來纜車上面企左兩隻免仔

呢度望落去可以見到河口湖全景


纜車站有間水果店

有D桃可以唔洗錢拎走

原來我地諗住行番去旅館先等屋主車我地去超市買今晚BBQ既食物
點知一落到去就見到佢架車係度等我地
真係好好人
幾分鐘直達河口湖最大既超級市場

屋企仲教埋我地買咩好


D壽司同拖羅都平到笑


雖然質素就好麻麻

最後就買左呢埋野番黎BBQ

但係買完番到去都六點九
而八點就放煙花
感覺今日做乜都好趕咁
屋主助手佐伯就係屋出面透爐

我諗應該有時間限制
可能想夜晚唔好咁嘈
屋企都話只可以燒到八點鐘
咁就岩岩好時間睇煙花

係露台棟起左個腳架影下相

露台對正富士山
雖然無湖景
但都算係唔錯

我地BBQ既環境


天開始黑

慢慢都可以見到富士山山頂果條光路

大概就係山小屋D光

時間不多
快速起筷


野就唔係話好好食
但氣氛一流
印像中好似真係第一次係國外咁樣食野
但又成日驚食得肉多聽日上山會急屎
不過都管唔到咁多
唔通燒左唔食咩

其實就燒到有少少過鐘
到行緊出去湖邊既途中已經開始放起煙花
而因為今日係前夜祭
花火大會只有大概十五分鐘
再SET埋腳架就影唔到幾多野





因為規模有D細
而自己技術就係得咁多
只係可以影到咁
不過下午神明花火大會會有少少進步架啦

睇完煙花番屋再影下星
今晚都叫做有少少可以睇到



雖然真係好想早D訓
但一黎又要傾下聽日行李點處置
二黎要寫明信片

最後仲整埋呢張banner

雖然我只係負責搣膠紙
但都搞到夜夜地先訓到

DAY2 完

緊係富貴post

東京覓食post?禾係你忠實fan屎嚟

留名先
原來已經寫左2日。 遲左入黎添

全部都係我唔敢去既好西
真品味生活

岩岩好開始上山

你唔係唔敢
未去姐

富士山下 BBQ 幾好玩咁 仲要日本咁多好食材

屌你BBQ好撚正呀
成班仔一齊燒氣氛最重要，又有花火睇

差2打啤酒