[長氣多圖][不爛尾] 山梨富士山登頂之旅

住係呢度三晚
但其實高分既餐廳並唔多
唔想重覆
午餐定係夜晚既選擇都要好慎重
而車站對開就有兩間
一間奧藤

而另一間就係今日食既小作

其實大概都係同河口湖既不動都係大同小異
都係ほうとう專門店
不過因為天氣太熱
真係唔想再食熱辣辣既ほうとう

而佢餐牌竟然有款叫做冷既ほうとう
叫做おざら
即屌
另外再叫左馬刺身

一set三款
自從食過第一次之後就無再抗拒
食落有D似牛肉又有D特別
而家有機會都想再試

主菜おざら

其實即係沾麵食法
果碗我以為係麵豉湯既野原來就係用黎沾麵
而呢D
就係山梨既傳統食物
好似係

呢幾日都係36度附近
無咩野做都已經全身濕晒
加上行完富士山
視力又唔見左
夠鐘check in都番左酒店hea下
間房就咁樣

然後我發覺尋日落山露出黎既部份都燶晒

包括V領對上條頸都係
甩皮都係遲早既事

全日真係無野做
等到差唔多夠鐘執好架餐就出發去睇煙花
就算已經五點鐘

都有成32度

神明煙花大會
全山梨最大既煙花會場
由七點半爆到九點
放足90分鐘
會場當中有分有料同無料席
其實有料場地都只係草地
而且咁多人都未必落到腳架
所以到最後我都無比到果兩三千YEN去坐

去煙花會場既市川大門站就要坐身延線

因為係前往煙花會場既黃金時間
所以架列車亦都多人都爆
同和服妹妹痴埋一堆堆咁lor

市川大市站又幾特別

夏天就算七點太陽都未落山

慢慢就終於天黑

其實我都唔係好識點樣去會場
不過跟住呢堆人就一定無錯啦

係日本睇煙花
唔計之前係河口湖
都仲有係熱海既經驗
當時海邊全部都係人
好多人仲擔埋凳仔去霸位
亦都有人選擇係熱海城個觀景台到睇
咁就出現左電影入面煙花應該係下面睇定係側面睇呢個疑問出黎

我自己就好簡單
有得睇
有得放到腳架就好
我以為成條笛吹川河畔應該好寬好多位
就算再側D
都應該可以影到唔錯既畫面
所以都無book到有料席去坐

煙花會場
當然唔少得呢D賣小食既檔攤

不過我就去左lawson買野飲

入面多人到爆
野飲都比人清得7788


毒撚買左兩枝野同個漢堡包

其實入去lawson果時已經開始爆緊煙花
係整到塊玻璃震晒

出黎到都已經可以用手機影下煙花


對比起上一次熱海
今次呢個神明大會個煙花直頭就係眼前爆

好近
好震撼

事實周圍都幾多人
我就廢事行到咁前同人迫
咁就係路邊set起腳架無咩人遮住就算

而周邊就係個個都排排坐

其實我係想影到好似官方咁款

不過能力有限唔整影

黎到第三次
就試下set夠十秒黎影


個效果真係好好多
不過最衰前面有個燈牌係度阻住






偶爾都有因為太多煙花整到個畫面好亂
不過大致都OK既



耐唔耐試下唔同setting玩
其實好似都係差唔多



好多人係我前面行過都會特登dup低頭行
其實佢地並唔會阻到我
不過就算真係幾好人



其實黎之前
我真係有D抗拒一個人黎睇
因為真係太毒
雖然唔係未試過
但有時就真係突破唔到自己
不過又咁諗
一場黎到就係為左場煙花先book酒店
神明煙花
可能又真係一生一得一次
然後黎到之後我就會覺得有黎到真係太好
因為個煙花真係好靚好靚
即使係無人分享
但可以用相機用紀念留念
作為旅程既一部份
除左富士山
就已經係神明煙花
對比起河口湖同神宮外苑果兩場都實在靚太多



最後一下爆得太多
成個畫面好亂

見到個時間
其實過左九點都繼續爆晒
聽到好多場煙花都係爆得果一粒鐘
神明大會絕對係超值

要講呢場煙花既唯一缺點
可能就係交通
幾乎係所有人都只係坐JR離開


而個JR站又細
身延線又唔多人
結果要迫左好耐先上到車
煙花係靚既
但係交通係辛苦既

但其實就算係自駕

停車場D車泊到咁
你都未必可以駕到架車走呀

夜晚都唔算好肚餓
番到甲府都就黎十二點
唔想搵野食就求其買件甜品就算


DAY5 完

抖抖先囉
我都冇心機寫
返工發夢返工發夢

你果D咁精彩，要慢慢寫

係咪有咩誤會

官網相嗰啲有時係用黑咭，或後製好幾張相砌埋。

今次我都去咗按針祭海の花火大会。

巴打正呀
原來伊東都有煙花

慢慢打又慢慢唔想打

伊豆果邊大把喇又熱海又網代又伊東...

伊東好處係有個大海灘，巴打估下花火大會當日，市內除咗浴衣，仲見到乜嘢穿著嘅青少年男女

放鬆下唔覺得有咩錯

唔通真係要去前線比黑警打完拉完先有資格退落黎休息咩

機票好多個月前買落，但講真我到出發當日都仲有猶疑係咪出發，唔想離隊。過到去都日日夜夜睇住直播TG, 上山前落山後都無乜瞓，一返嚟就歸隊。

亂世。

6月尾離咗隊幾日
睇tg既時間仲多過喺香港睇

D煙花好靚!

第一次就係熱海煙花
好鍾意伊豆半島
下次要去住番晚溫泉對住個太平洋

比基尼

聽日去撐港隊

長期抗爭
唔好迫到自己埋牆呀

清係我地既典範

亂影架ja
無技術可言

想試稻取浜の湯

你真識食

DAY6.1 甲府城

訓完一覺
隻眼又回復番正常
睇黎真係太累會影響視力

真係第一次要比成千蚊住單人房
都唔爭在
食埋個早餐

始終都係普通19酒店
都要求唔到D咩
連隻強都要自己煎

除左東橫inn
或者去溫泉旅館
其他酒店我真係好少會食早餐
一黎貴
二黎有好多其他選擇
不過呢餐食落口都唔算話太差
可能尋晚無咩點食過野掛

搞埋D野十點先check out
今日唔會離開甲府
不過就會轉番好耐之前book左既東橫inn
如果有得揀我都會揀住三晚東橫
可惜無
我真係太遲book啦

今次留係到時間唔短
真係可以慢慢行
一日兩三個地點就算數
最後又去左觀光案內所涼冷氣
原來甲府都有夏祭

不過係星期六日
果個時間我已經番左東京
參加唔到了

望望下
原來除左PLAN好果幾個地點
仲有呢個考古博物館好吸引

但交通好似好複雜
亦都唔想將呢兩日搞到好趕
最後都係無去到

而今日重點係昇仙峽

雖然話係山上面
但其實都幾多班次
而且大半個鐘都去到
呢個比較效外既景點都算方便
不過見未有車
諗諗下不如去左甲府城先

甲府城

又名舞鶴城
百大名城之一
不過並唔係武田氏既主城
所以又並唔係話好重歷史味

公園座落係JR站邊
行幾分鐘就到
地方唔算大
無咩避遮陰處
就真係一個純粹既觀光點
而公園入面有好多導賞伯伯
聽到我係香港人都有問起香港既事

今日烈日當空
真係行幾步路都濕撚晒
而稻荷櫓係公園少有既室內


即刻走入黎避一避

入內要除鞋
而且一個工作人員都無
全自便

一見到呢個印又提起傷心事

係呀
我無帶一百名城本書
連續一百名城果兩座我都頹到棄左唔去
不過話說甲府市入面有兩座一百名城同一座續一百名城總共三個印
都幾西利

無書仔吸印唔知咁樣剪貼落本書度佢受唔受呢


稻荷櫓都幾現代化

不過都仲有樓梯

上層得個甲府城模型

同埋又係試砌下積木呢D野