[長氣多圖][不爛尾] 山梨富士山登頂之旅

快d寫啦

屎都無

G持

Lm等睇秦妹同瑞士妹

秦妹不了

白奏妹都ok架

想問吓巴打你訂日本餐廳係經咩渠道訂？

無乜特別方法架
我都係去番官網book

如果無既話我諗你都係要搵白金秘書幫你搞

lm

DAY1.2 皇居東御苑 歌舞伎町

行完日本橋
下一站就係江戶城
坐地鐵去大手町係離江戶城最近既車站

江戶城
日本最大既城郭
而家既皇居
比人免費入場參觀既叫做皇居東御苑
皇居雖然都可以參觀
但要網上預約
每日只有兩段時間參觀
而八月只有上午可以參觀
非常搶手
通常係開放預約之後就已經滿席
我就已經預約不能

去到地鐵站通往皇居既道路

係異常靚仔
可能裝修都有優先次序

大手門

黎到呢度
我又終於發覺
我又無帶100同續100名城本書仔啦
上次去北海道只有一個五稜郭城都算
但今次我預左去幾座名城
真係無眼睇

東京下水道


東御苑地圖

入園無料

護城河


作為天皇居住既地方

入場係要查袋既

幾年無黎東京
發覺而家既鬼佬數量係異常地多
反而聽到廣東話既次數係零呀

入園會得到一張入園票

走果時要還
但就咁係地下已經見到有一塊係度

唔知果條友點走啦

今次黎到日本
除左上山果兩日
其他日子都超過三十五度
絕對係熱過香港
所以都係入番三之丸博物館涼下冷氣

入面有D國寶睇下
不過就唔比影相

烈日當空
真係行到有D頭暈

本丸同好多名城一樣
都係乜都無得番一塊大草地
但今日已經封左唔比行

話呢度係庭園又唔係
歷史野又無咩有得睇
亦都無舊天守
真係齋行無乜野睇




展望台

就係城市入面既森林一樣


但係新宿御苑就靚得多

頂唔順又入左個休息室涼下

運動飲品全部賣晒
唯有飲可樂

但個奧運版又幾靚

頭先展望台望落去就係二之丸森林




成個東御苑有三個出入口
頭先入黎經過既大手門
呢個係係天守台附近既北桔橋門


本丸唔入得
而天守台亦都唔比上


再周圍鳩行下


最後就係平川門出番黎



附近見到好多人係圍住江戶城係度跑步

三十七度練跑真係好撚痴線


最後呢度叫做和田倉門

前年有一晚去東海道旅行我曾經經過呢一度唔敢再行
原來同江戶城都仲有D距離

今次番去東京車站入左地下通度
同札幌果個差唔多大
仲有世界唔同各地既相可以睇下

頂唔順又買多左杯野飲


係東京站拎埋車飛
試過搵自助機佢話信用卡要密碼搞極都唔得
最後都係要去counter搞

今次無用pass
純粹買幾張單程飛來往東京,大月同甲府

再拎埋行李就坐地鐵去酒店checkin
今次會係東新宿住一晚
住呢間domo hotel

後尾我先知原來新東宿有兩間domo
一間係自助性民宿
而我地呢間係酒店式
離開東新宿地鐵站都係一兩分鐘路程
算幾方便

今次我地七個人
就book左兩間雙人房
同四人房
二人房就無咩特別
但係頂樓四人房我就覺得好正
如果夠四個人又連續係度住幾晚就真係一流
兩房


一廳

仲有洗衣機

可以煮野食又可以開到會

我地三個人平均都貴左少少
如果四個人既話就都係大約5舊水一個人
東京黎講應該唔算貴

因為友人們都係坐上午機黎東京
等齊人之後就出發落新宿食野
原本想食炸牛排既
不過去到門口見到都幾多人

就轉場去左食天婦羅

綱八總本店

好似話有成九十幾年歷史老店

天婦羅SET都有幾多款

我就試下おまかせ既十二道鋒味

臺上面比左幾款唔同既鹽同大根蓉

但係上黎到既好似同格離幾位食既都差唔到好多咁

唯一特別唔同就係多左呢件海膽天婦羅


認真
今次真係第一次食天婦羅專門店
平時最多都只係食下天婦羅喬麥麵
好食又唔算話好好食
但始終都係一齊食野開心過獨撚食好多

最後就去神室町行下

朝聖就已經好多年前去過
隻GAME亦都棄左好多集
但係有幾位友人都係第一次黎日本
咁事實都應該黎行下呢個日本著名既紅燈區

傳說中會散落一百億既大廈


衰女包應該成日係度唱

無料案內所

識玩既都應該去晒關西玩
就應該無咩人會再黎呢度比人呃

黎左日本成日真係未聽過廣東話
但一黎到歌舞伎町呢頭
尤其係唐吉軻德
D廣東話即刻出番晒黎

仲有臨時醒起
我除左200名城本書無帶過黎
仲有一樣好重要既野唔記得帶
就係頭燈
書仔無帶都只係遺憾
但係頭燈無帶就真係出事
好在咁岩識人岩岩去完富士山落山番到黎東京
佢又肯借頭燈比我
仲醒埋支未開封既氧氣過黎
後面先知雖然五合目有得買頭燈
但都好感謝巴打救命之恩

不過其實呢
我原來預想頭兩日係好好輕鬆下
等去富士山果日會無咁辛苦
但行下行下又搞到好夜
完全同預想錯晒咁

DAY1 完

冇二重橋既頂
綱八收8000 yen 咁激

你講起我先知係咩
無去刑呀
不過總會去多次既

其實唔洗食咁貴
無咩特別

下次啦果個位咁易去
8000太貴啦綱八既話

有平既選擇
我有朋友都食最平果款

LM支持
呢種一個縣留到幾日既行程真係比較少見

lm

我河口湖返東京果日有食到呢間吉列牛，午餐同晚餐合二為一，五點左右去食，等咗一陣就入到去食

甲府雖然係留多左
但係成個山梨都仲有好多地方無去到
好似河口湖附近既忍野八海同富士急我都無去到
日本每個縣都有佢自己特色
其實真係可以留耐D
諗番以前自己八日去山陰山陽真係唔係路

DAY1 完

我河口湖返東京果日有食到呢間吉列牛，午餐同晚餐合二為一，五點左右去食，等咗一陣就入到去食[/quote]

好唔好食?
最後我都係秋葉原食左間123補數

歌舞伎町包膠呀喂