[長氣多圖][不爛尾] 山梨富士山登頂之旅

我睇埋河口湖湖上祭大・花火大会，再玩多日先登山，比巴打遲咗兩日。登山前一日，就真係喺天上山公園行咗去山頂嘅小御嶽神社，又去咗新倉富士淺見神社行樓梯上展望台。

之前櫻花季節去過河口湖，但近年實在太忙，加上近兩個月更忙，結果無留意湖上祭花火嘅位置，雖然住河口湖湖邊北岸，但幾乎睇唔到花火。

我嗰幾日都係無乜點瞓，日日睇TG 睇直播追post 追新聞，有時成晚無瞓，瞓得多嗰晚都係瞓3個鐘。我都係行吉田路線，11:30後五合目出發，又係間間山小屋燒印，未夠17:30上到本八合目。

我個日之出館印好似印得清楚啲。



山小屋我一樣瞓唔到，但都睇完日出先登頂，缽巡埋先落山。



等睇巴打更新。

樓豬又去左食囡？

唔駛畫出腸啦

今日鳩叫都累啦
聽日寫

戴左頭燈都唔係好睇得清d路

正呀巴打
帶咁多文宣上去

其實我都好想睇後夜祭
但夾到呢個又會夾路到果個

我上次去好似係月圓，表示冇問題
（我買左頭燈但漏左係酒店，用iphone開電筒行）

同埋睇完你啲圖，我都係覺得富士宮線易行啲

DAY4 御來光 八合目 九合目 富士山頂上 劍峰 河口湖溫泉

話說
我個目標其實只係富士山登頂
而係唔係山頂睇日出
其實我就無咩所謂
之前都一直係咁諗
如果體力容許既話就上山頂睇
如果唔得既話都無謂勉強

咁呢一晚
我就真係完全無撚訓過
直到十二點幾
更加有班人開始執野
食早餐
然後出發
我心入面一直都好猶豫
到底去唔去好
成晚無訓過咁樣摸黑上山
我會唔會死架

諗左好撚耐
諗到同伴都開始出發
最後我都係放棄左
所以我地七個人
就分開左兩截
其中三個摸黑上山
另外四個就留低睇完日出先再出發

因為元祖室位於3250米
離開山頂都仲有500米既高度距離
如果以普通三個鐘上山既計法
0450日出
就應該兩點前就要出發
結果點幾鐘要上既人都已經上晒
我地位處既上隔床
除左我地四個
就只係剩番兩個女仔
而本身應該訓左廿個人都有

再無人迫住訓
直頭係床上面碌黎碌去都仲得
係日出前呢三個鐘
我終於可以安安靜靜舒舒服服咁訓著

前三個鐘
大概係係富士山上面最辛苦既時刻
而呢三個鐘
大概就係係富士山最舒服既時光
天堂與地獄
都係一線之差

四點半起身行出去
個天其實都已經光晒

然之後番去叫醒同路人
就開始食埋個早餐

負皮壽司三大舊

到再出去既時候已經準備日出

成個山中湖真係靚到不得了
其實無日出已經好正


下面間山小屋都行晒D人出黎

我地呢層既人

我估
大部份都應該係住客掛

雲海

其實呢
同伴講番起
就算佢地點幾鐘就已經上山
但都會因為太多人要排隊上
最後都係上唔切
只能夠係山頂鳥居附近睇
唔可以好似我地而家睇得咁清楚同舒服

為左今日睇御來光有個經驗
上一次就去左阿里山睇日出
所以今次
係我人生第二次睇既日出
上次係小笠原山
大約2400米
今次係元祖室
大約3250米
希望再下一次
可以係更高既山上面睇到日出


我真係好慶祝自己買左部RX100上黎影相
呢7k幾真係洗得值
zoom到最遠可以影到成個咸蛋黃







照亮晒成座富士山


而用手機影既真係差好遠


拍埋片
不過只係用左電話黎拍
https://www.youtube.com/watch?v=qsQyFVJHd-A
享受完呢個日出既過程
都已經五點幾
真係要趕緊時間出發

雖然訓左一覺
但始終唔係百份百狀態
所以都係買多支氧氣穩陣

呢支氧氣係山上面賣1500
而係五合目都要1100
所以真係唔算話太貴
不過係呢度買野飲
無論係水定係其他有味飲品
都一律賣500

再見我住左一晚既元祖室

以後希望唔會再見

元祖室繼續上本八合目既路段

第一下踏出黎就已經有D腳軟
心諗如果今朝無休息過點撚樣上去
不過呢
今日叫做越行都越順利
由上山開始
我又除左件外套
之後全程都淨番一件短TEE無再著過

第二日登山時間表
八合目(3250M-3450M)
05:30-07:00
八合五(3450M-3600M)
07:00-08:00
九合目(3600M-3720M)
08:00-09:00
頂上(3720M-3776M)
09:00-12:00
落山(3720M-2305)
12:00-16:00

八合目既路都算係咁
全部都只係斜路
唔太難行
要面對既
都只係自己既狀態

本八合目

3350米

背後支撐住我既繼續係山中湖

仲有未散既雲海


終於見到落山條路

斜撚到仆街
見到好多人都係冼住落
痴撚線

本八合目

呢度有三間旅館
無影到相既富士山酒店
另一間トモエ館

同埋上江戶屋


叫得上江戶屋即係有下江戶屋
下江戶屋就係吉田線落山路既唯一一間山小屋
位於3350米
亦都係落山路唯一一間有得燒印既地方

本八合目總共三間山小屋
因為呢三間都太過接近
好易會miss左其中一兩個印



六點鐘

已經好多人睇出日出落山
我估呢班人都未必有去到劍峰
其實幾浪費

朋友話有高山反應開始頂唔順
一直係度諗到底仲上唔上好
因為由本八合目上
仲有成400米要行
其實我都可以勉強想像得到個情況
一個月前去積丹半島
當日就係神威岬行到最後放棄左
當時我一直係度諗如果再行落去我會唔會死呢個問題
我諗朋友諗既方向大概都係差唔多
但係今日同當日唔同既係角色唔同左
而家既我只係旁觀者
而我係度咁樣諗
只要有相伴既話
絕對可以上到去
唔知係咪我格硬左黎
總之同伴最後都無放棄到

半推半拉之下
我地就繼續上路啦

七點鐘到達八合五

御來光館

3450米
山頂之前最後一個休息站

行左兩日
屌你終於望撚到個終點

白色鳥居就係九合目

而再之上
就係真正既頂上
見到終點即刻心情好激動
辛苦左咁耐終於有回報

上到九合目之前
仲係斜路

而見到鳥居
即係已經到達九合目

海拔3600米

離開山頂只有剩番百鳩幾米
同尋日到元祖室既心情係完全唔同
今日
雖然累
但係越行係越有希望
休息一陣
彷彿又有番晒動力繼續

鳥居上面插滿晒1yen

好多仲變晒形
雖然我唔明係乜野意思
但我都照樣學樣插左個1yen入鳥居入面

我都塞得佢幾入
希望佢唔會跌落黎

再行多兩百米路就可以到達山頂

山中湖又繼續為我打氣

大概如果通宵上山
係應該會塞住晒無路行
要跟指示兩排上山

不過因為過左登頂既高峰期
我地行既呢條路係完全毫無阻滯

富士山係google map既山路係勁仔細

連轉幾多個彎都係一模一樣
原本以為只係剩番條直路
可以輕鬆完成
但係呢條路係離開十合目前最後既惡夢

條路已經由斜路變番石路
黎到呢度
休息得更多
可能推前十幾廿米又要休息一次

然之後再然之後

終於到啦
望住個鳥居我真係有少少眼淚跌落黎

我終於完成左呢一年黎準備既目標

屌你老母
我終於行完啦

富士山頂上奧宮

吉田路線既終點

係呢度
頂上個印唔再係燒上去
而係刻落去


同埋會得到六根清淨牌一個

得到起點
中繼
同埋終點總其三個牌

山頂仲有幾間商店
都幾熱鬧




不過就乜都係錢
感覺山上屋既日本都唔太有禮貌
職員係咁
行山既人都係咁
咁我一心都諗住去郵局買登山證明
當然唔會係呢d商店到買啦

呢度有好多休息用既長凳

但就要係烈日下暴曬
當時我唔識野繼續一件短tee橫行成個山頂
到第二日我先知呢個舉動係極其on9
因為呢度太近太陽
好易會曬傷
其實之前係立山黑部已經出過事一次
今次我雖然有帶防曬
但最後竟然係因為懶所以無查到

上山絕對唔係一種享受
但係上到山頂
竟然係另一個惡夢

富士山作為一個活火山
圍住火山口行一個圈呢個動作叫做鉢巡
需時超過一小時
上得黎山頂
最重要係有兩件事想做
第一件係去郵局
而第二件係去頂上劍峰
而呢兩個地點都唔係吉田路線登山口呢邊
劍峰更加係山既另一邊
即係話
要去劍峰
基本上就一定係要係山頂上面轉一個圈
以為上到山頂就完結呢件事既我在係太甜啦

本身一早登頂既同伴就係郵局
即係富士宮登山口等我地
佢地5點上黎到
應該等左我地差唔多4粒鐘
佢地都話要快
因為要趕落山拎行李

咁就要開始轉山啦
山頂竟然有汽水機

須走口下山口

我地之後會係呢度落山
因為須走路線同吉田路線去到本八合目會合二為一
落山亦都一樣

真係岩岩先以為到頂

點知又要繼續行

朋友話頭先辛苦都可以叫攸頂硬上
但見到呢D山路就真係搞唔掂
唯有係呢度分開
佢係市集附近休息
而我就繼續走往郵局之路


火山口之上
特別高果度就係劍峰
富士山真正既最高點

御殿場登山口

但係個碑已經爛左

火山口


再行過D就係淺間大社奧宮

離開吉田口大約廿分鐘距離

除左奧宮

仲有最重要既頂上郵局

開放日子只有由10/7至到18/8
而且下午兩點就會收工
寄信並唔係有特別既印chop
不過入面幾個山頂專用既印仔比你放題咁印
但係
最重要既係
職員竟然話呢度無post card賣
痴撚線
係山下面既我唔係痴左邊條線
不斷問人有無人想要post card
然之後上黎係發覺無我買
好在我本身叫做寫左幾封寄比自己ja

係度買左登山證明

同埋呢D郵票

番到香港打開先發現原來一套入面仲有post card
頂
個職員又坤鳩我無
搞到我無得寄

搞好晒所有野
又會合埋同伴
終於出發富士山最後惡夢

通往劍峰既呢條路

絕對係我係富士山行過最斜既一條路
沒有之一

上到一半就開始發覺唔對路
係完全無辦法行到到去
沙太幼
無辦法企得穩
係會sir番落黎
最後要捉住最邊邊既欄先可以勉強上到去

富士山氣象觀測所

上面就係真最高點

因為太多人無辦法好好參觀
而且要排隊黎影呢個最高分

上次自爆左
今次就唔再自爆個肥肚腩了

富士山登頂
叫做終於完滿結束
然後就要開始落山
首先
要由劍峰走番落去下山口
呢段路其實已經係半落山路線
由3776米落番去大約3720米左右
一直冼住落既感覺唔係好受
每步都好似會就黎仆街咁
不過相比起上山
咁落山當然係輕鬆好多
唯有慢慢慢慢咁行啦

去番山頂小賣店會合其他隊友
原本只係想買野飲
點知原來呢度都有得燒印
就好似打機咁
爆左機比少少DLC你

大家都等左好耐
我地終於可以係山頂為香港人打氣
順便影張大合照

咁就真係要落山了

係度再次呼籲
落山一定一定要帶帽帶口罩
因為沙塵太勁

每個人行過都唔係普通沙塵咁簡單
直至我落到番去五合目
全身都已經化左灰

落山大概真係要著番對好厚好厚既襪
咁樣腳趾就可以無咁痛
同伴有教路話沖落去其實係效果更好
不過膝頭就會好大負擔

行行下見到呢D垃圾車

車上面坐住幾個人
但係條路係斜到仆街
望到都有D驚

由山頂3720米落到八合目下江戶屋3350米

呢400米左右係勁斜
然之後到下江戶屋一直落到六合目口
呢段路全部都只係Z形斜路
總共有三十八個彎位
我真係續個彎位數住
實際同google map真係係一模一樣
完全可以見到自己仲有幾耐可以落到去

而路面情況同風景就由頭到尾都一模一樣


最後
以為行完Z路就落完山
原來由六合目再行番到六合目個登山口
仲係一段長斜路
惡夢接住惡夢
完全無休息既機會

番到五合目
我反而有D覺得自己係上緊斜既感覺

最後最後最後終於番到2305米既大本營
由12點開始落山
沿路因為一直覺得好冼
只係慢慢慢慢咁行
足足用左四粒鐘先去到五合目大本營
成4點半先有巴士落去河口湖
而寄存行李間舖頭好似五點山門
如果靠我既話就死撚左
好在有幾位同伴一早就沖左落山趕係佢地收工之前拎到行李
之後連登都見過有post話搵人可唔可以幫手拎行李

因為我無口罩
全程食塵
拎左張濕紙巾抹下塊面
成張M巾都黑撚晒
衫褲鞋襪全部都係塵
以咁樣既狀態去溫泉酒店
連我自己都覺得好失禮

旅館接送車全部都係係十號車站等候
只要係十號車站入面個觀光案內所搵職員幫手打電話就得
呢個應該係全部溫泉旅館都有既服務黎
就算係我地之前住果間villa may quenn都有
只係我地選擇左坐巴士去

為左獎勵自己登頂
係好耐之前就已經mark左秀峰閣湖月要浸溫泉舒服一下
秀峰閣位於河口湖既對面
全部房都有富士山景
天氣好既話仲可以係湖上面見到逆富士
登山呢種旺季睇過係勁FULL
我都係每日步住先至book到兩間10疊同一間12.5疊既足湯房

不過我地入住第一件事並唔係欣賞河口湖同富士山
而係去左浴場沖涼
因為太過污糟
連我自己都接受唔到自己

第二朝無人既時間影既溫泉

露天溫泉可以望到富士山



如果係冬天黎到
望住個有雪既富士山
應該係一流既畫面

話說我地差唔多六點先checkin
但係晚餐最遲七點就要開始
有兩位手足更加係趕唔切落山七點食dinner
所以如果睇完日出先上山
真係要睇住時間做人
或者唔好好似我咁係山頂留成三粒鐘咁耐

秀峰閣既夕食
如果少人既可以選擇係房食
不過我地比較多人
就安排係宴會場獨立房食

呢間溫泉應該好多香港人入住
八個名有三個係香港人

我從來都唔係好識睇呢D菜單

佢有英文翻譯
但更加唔識睇

前菜

刺身

唔講都唔發現原來係青蛙黎

都唔知食唔食埋舊蕃茄好

鰻魚茶漬飯

豆腐甜品


以三萬YEN一個人既價位黎講
其實並唔係話特別豐富同特別好食
而且服務我地果位小二好似成日係咁跌野咁
感覺就唔係幾pro
前臺又會因為我地同伴遲到而有D黑面
其實出發之前都有send過email話前一日上富士山都有機會遲少少
即係佢地根本就完全無理會過封email
咁我住過既溫泉雖然唔算話好多
但我以為呢個價位理應可以有更理想既服務
如果唔係我求鳩其係河口湖簡一間溫泉都得啦
事後都發覺係jalan個分好似比之前低左咁
都唔係無理由

到夜晚九點有BINGO玩

小丑阿伯係checkin果時就叫住我地記得黎睇
不過好似太old school同幾多人都無去到

好傳統既遊戲機中心

仲有間卡啦OK

我地間12.5疊既三人房

食完飯已經舖好床

露台足浴

不過夜晚好多昆蟲會沖落去自殺

由外面霑台影番入去


露台可以望到富士山

不過因為已入夜
只係見到山小屋既呢條光路

不過個廁所唔係幾理想

感覺好似連鎖酒店既組裝廁所咁
雖然我就唔會用
不過就影響個印象

不過可以大家一齊聚過黎係露台浸腳吹水
呢方面都係唔錯既

DAY4 完

唔知富士宮咩樣
但我見佢行既路短左
咁咪即係更加斜
應該唔會好行D掛

樓豬又豪住

🤑🤑🤑

我知你等呢句等左好耐

30k pp 貴過星野

你有邊次唔係豪住

話係最斜，但我行就覺得冇咩野

同埋路程最短，又唔洗大沙走落山，我落完山都冇咩塵

未住過星乃

次次都唔係豪住
係道北d房夏天特別貴